ប៉ូលិសសុំខ្មាស! រកឃើញថាសង្សារកំពុងអង្គុយញ៉ាំអីជាមួយស្រី ដោយសារស្លាបព្រាមួយ

2019-07-02 08:00:00
ចំនួនមតិ 0 | ចំនួនចែករំលែក 0

ជាថ្មីម្ដងទៀត បានបង្ហាញឲ្យឃើញថា នៅពេលមនុស្សស្រីដាក់ចិត្តស្រលាញ់ហើយ កុំសង្ឃឹមថាមានអ្វីអាចលាក់នាងបានឲ្យសោះ។

ប្រហែលជាមនុស្សជាច្រើនបានដឹងរួចហើយថា មនុស្សស្រីមានញាណទី៦ ហើយសមត្ថភាពនេះនឹងកាន់តែខ្លាំងជាងមុននៅពេលនាងមានស្នេហា។ ជាក់ស្ដែង កាលពីពេលថ្មីៗនេះ មានករណីមួយដែលបានធ្វើឲ្យកក្រើកបណ្ដាញសង្គមវៀតណាម ដោយនារីបានរកឃើញថា សង្សារខ្លួនកំពុងញ៉ាំអីជាមួយស្រីចម្លែក ដោយចំណាំងផ្លាតពីស្លាបព្រាមួយ។

តាមនោះដែរ នារីជាសង្សារបានសួរមិត្តប្រុសខ្លួនថា គេកំពុងធ្វើអី ហើយក៏ទទួលបានរូបថតមួយសន្លឹក ហើយប្រាប់ថា គេកំពុងញ៉ាំអី។ ទោះបីនេះគ្រាន់តែជារូបម្ហូបធម្មតា តែស្រាប់នាងសួរថា “ម្នាក់ស្រីពាក់អាវស ពាក់វ៉ែនតាអង្គុយក្បែរបងជាអ្នកណា?” ធ្វើឲ្យសង្សារនាងរាងភ្ញាក់ខ្លួនបន្តិច។

ជាសំណាងល្អ មនុស្សដែលអង្គុយក្បែរលោក គ្រាន់តែជាអ្នកធ្លាប់រៀនជាមួយគ្នា ហើយពួកគេបានទៅញ៉ាំអីជាមួយគ្នា មានគ្នាដល់ទៅ៨នាក់។ យ៉ាងណាក្ដី ដោយសារមិនចង់ឲ្យមានរឿងធំ នារីដែលអង្គុយក្បែរនោះ បានចេញមុខបកស្រាយ ដើម្បីកុំឲ្យមានការយល់ច្រឡំ។

ក្រោយពេលឃើញ ហេតុការណ៍នេះ អ្នកប្រើបណ្ដាញសង្គមបានបញ្ចេញមតិ មនុស្សស្រីពិតជាមិនធម្មតាមែន គ្រាន់តែចំណាំងផ្លាតសោះ ក៏ដឹងថាមានមនុស្សស្រីនៅក្បែរសង្សារខ្លួនដែរ៕