៦ វិធីសម្រាប់នារី Single ចង់បង្កើនគុណតម្លៃក្នុងក្រសែភ្នែកមនុស្សគ្រប់គ្នា
- 2019-07-01 08:30:00
- ចំនួនមតិ 0 | ចំនួនចែករំលែក 0
៦ វិធីសម្រាប់នារី Single ចង់បង្កើនគុណតម្លៃក្នុងក្រសែភ្នែកមនុស្សគ្រប់គ្នា
ជីវិត Single មិនអាក្រក់ដូចអ្នកគិតនោះទេ ។ អ្នក Single មានពេលច្រើនសម្រាប់ខ្លួនឯង និងថែមទាំងអាចធ្វើអ្វីក៏បាន មិនចាំបាច់អង្គុយពិបាកផ្គាប់ចិត្តអ្នកណាឡើយ។ ទោះពេលនេះ អ្នកមិនទាន់រកឃើញដៃគូជីវិតក៏ដោយ តែអ្នកក៏អាចរស់នៅតាមរបៀបខ្លួនឯងយ៉ាងសប្បាយរីករាយ។ ចំណុចខាងក្រោមនឹងជួយឲ្យអ្នកមើលទៅមានគុណតម្លៃ និងជាទីចាប់អារម្មណ៍ក្នុងក្រសែភ្នែកអ្នកដទៃទៀតផង។
១. ធ្វើជាខ្លួនឯងយ៉ាងពិតប្រាកដ
កុំលាក់ពីអត្តចរិតខ្លួនឯង ហើយធ្វើរឿងដែលចង់ធ្វើ។ បើអ្នកគិតថាធ្វើទៅស្រណុកស្រួល ធ្វើរឿងនោះទៅ កុំខ្លាចគេថាអ៊ីចេះអ៊ីចុះ មិនហ៊ានធ្វើអីសោះ រហូតលែងជាខ្លួនឯង។ អ្នកនឹងមិនឆ្គង បើធ្វើរឿងអ្វីមួយតាមសភាវគតិរបស់ខ្លួនឯង។ មនុស្សជុំវិញនឹងងាយស្រួលសម្របខ្លួនជាមួយអ្នក ព្រោះអ្នកជាខ្លួនឯង មិន Fake ឲ្យតែល្អមើលចំពោះមុខគេនោះទេ។
២. តែងតែថែទាំខ្លួនឯង និងធ្វើរឿងល្អៗជានិច្ច
ទោះគ្មានអ្នកណាសុំស្នេហ៍ក៏ដោយ រឿងមួយដែលអ្នកមិនត្រូវភ្លេចគឺកុំឈប់ស្រលាញ់ខ្លួនឯង ហើយត្រូវបន្តធ្វើរឿងល្អៗ។ ញ៉ាំអាហារសុខភាព ធ្វើលំហាត់ប្រាណ គេងឲ្យបានគ្រប់គ្រាន់ និងដើរលំហែរចិត្ត សុទ្ធតែរឿងធ្វើឲ្យខ្លួនឯងសប្បាយចិត្ត។ មិនឈឺក្បាលនឹងរឿងអ្នកដទៃ មិនយករឿងអំពល់ចិត្តមករំខានជីវិត សុទ្ធតែជាទង្វើដែលគ្រប់គ្នាដឹងហើយ សរសើរព្រមទាំងចាប់អារម្មណ៍ពីជីវិតអ្នកយ៉ាងខ្លាំង។ ធ្វើឲ្យខ្លួនឯងមើលទៅល្អប្រសើរគ្រប់ពេល នឹងធ្វើឲ្យមនុស្សគ្រប់គ្នាច្រណែន ថែមទាំងចង់បានជីវិតដូចអ្នកដែរ។
៣. ធ្វើការងារដោយក្ដីស្រលាញ់
ចំណាយពេលឲ្យបានច្រើនលើការងារ ហើយបំពេញដោយទំនួលខុសត្រូវ និងម៉ត់ចត់បំផុត។ ជារឿងមួយជោគជ័យបំផុត នៅពេលអ្នកធ្វើការអ្វីមួយសម្រេចព្រមទាំងមានលទ្ធផលល្អ។ អ្នកកំពុងដឹកនាំខ្លួនឯងឲ្យក្លាយជានារីចេះកំណត់គោលដៅជីវិត។ នេះជាថាមពលផ្លូវចិត្តមួយ ធ្វើឲ្យអ្នកកាន់តែមានតម្លៃក្នុងក្រសែភ្នែកមិត្តរួមការងារ ព្រមទាំងចៅហ្វាយរបស់អ្នកផងដែរ។
៤ កុំខ្លាចក្នុងការធ្វើអ្វីមួយតែម្នាក់ឯង
សាកល្បងដូចជាដើរផ្សារ មើលកុន ឬទៅដើរលេងម្នាក់ឯង អ្នកនឹងឃើញគុណសម្បត្តិពីរឿងទាំងនេះថាអស្ចារ្យប៉ុនណា។ មាននារី Single ជាច្រើនមិនហ៊ានធ្វើ ឬសូម្បីតែគិតថាចង់សាកល្បងរឿងទាំងនេះម្នាក់ឯង ព្រោះខ្លាចកាន់តែឯកាលើសដើម។ ប៉ុន្តែកុំខ្លាចអី ព្រោះបើអ្នកធ្វើបាន មិនខុសពីអ្នកកំពុងត្រួសត្រាយឲ្យខ្លួនឯងក្លាហានជាងមុន រឹងមាំ និងគិតគូបានរហ័ស។ មនុស្សគ្រប់គ្នានឹងមើលមកអ្នកជាមនុស្សពូកែ មិនរញ៉េរញ៉ៃច្រើន ព្រោះអ្នកអាចធ្វើរឿងជាច្រើនម្នាក់ឯង ដោយមិនបាច់រង់ចាំទាល់តែមានគ្នាដើរជាមួយ ទើបធ្វើបានឡើយ។
៥. មានស្ទីលស្លៀកពាក់ជារបស់ខ្លួនឯង
រូបរាងខាងក្រៅជាចំណុចដែលមនុស្សគ្រប់គ្នាសម្លឹងមក ដូច្នេះការស្លៀកពាក់សំខាន់ណាស់។ បើចង់ទទួលបានតម្លៃពីអ្នកដទៃ Singel lady ទាំងអស់មិនគួរស្លៀកពាក់ខោអាវណាមានម៉ូដស៉ាំញ៉ាំពេកទេ។ បន្ថែមភាពលេចធ្លោឲ្យខ្លួនឯង គឺសំលៀកបំពាក់ណាដែលអ្នកពាក់ទៅស្រណុកកាយ មើលទៅសមនឹងដងខ្លួន។ អ្នកស្រលាញ់ម៉ូដបែបណា ស្លៀកម៉ូដបែបនោះទៅ កុំខ្វល់ច្រើនពេក បែបនេះទើបហៅថា ស្រីស្អាត។ ជម្រើសល្អ គឺកុំស្លៀកអីដដែៗទៅបានហើយ ។
៦. ដើរលេងជាមួយមិត្តភ័ក្ដិឲ្យសប្បាយ
គ្មានសង្សារគ្មានបញ្ហានោះទេ តែបើគ្មានសូម្បីជិតស្និទ្ធម្នាក់ទើបជាបញ្ហា។ ដូច្នេះក្រៅពីឲ្យពេលវេលាសម្រាប់ខ្លួនឯង និងគ្រួសារហើយ អ្នកក៏គួរឆ្លៀតដើរលេងជុំគ្នាជាមួយមិត្តភក្កិឲ្យសប្បាយណាណីម្តង។ បបួលមិត្តភក្កិដែល Single ដូចគ្នា ហើយស្លៀកពាក់ឈុតដូចគ្នាទៅកន្លែងណាដែលចង់ទៅបំផុត នោះកាន់តែសប្បាយ។ នៅពេលអ្នកចំណាយពេលរីករាយបែបនេះ មនុស្សគ្រប់គ្នានឹងឃើញអ្នកពេញដោយក្តីសុខក្នុងជីវិត ទោះអ្នកនៅ Single ក៏ដោយ។
អ្នក Single បើចង់ឲ្យខ្លួនឯងមើលទៅគួរស្រលាញ់ មានជីវិតគួរឲ្យច្រណែន និងមានគុណតម្លៃ សូមសាកល្បងតិចនិកទាំង៦ខាងលើ។ អ្នកនឹងឃើញពីលទ្ធផលយ៉ាងពិតប្រាកដ ថាមានមនុស្សជាច្រើនបានចាប់អារម្មណ៍មកលើជីវិតអ្នក ហើយនឹងដឹងថា អ្នកមិនឯកានោះទេ៕
ចុចអាន៖ មិនបាច់តែងខ្លួនស្អាតពេកក៏មិនខ្វះអ្នកចូលចិត្តចង់ក្បែរ ឲ្យតែមានចរិត ៥ យ៉ាងនេះ