មនុស្សស្រីឆ្លាត មិនធ្វើរឿងឆោតល្ងង់៥យ៉ាងនេះឲ្យមិត្តប្រុសស្អប់ឡើយ
- 2019-06-28 09:00:00
- ចំនួនមតិ 0 | ចំនួនចែករំលែក 0
មនុស្សស្រីឆ្លាត មិនធ្វើរឿងឆោតល្ងង់៥យ៉ាងនេះឲ្យមិត្តប្រុសស្អប់ឡើយ
ក្នុងទំនាក់ទំនងស្នេហា បើអ្នកមិន ឆ្លាតវៃទេ ច្បាស់ជាត្រូវចាញ់ក្នុងរឿងស្នេហាមិនខាន។ សម្រាប់មនុស្សស្រីច្រើនចាត់ទុកខ្លួនឯងដូចម្ចាស់ក្សត្រី ហើយធ្វើអីតាមចិត្តដោយគ្មានក្រែងចិត្តសង្សារសោះ ព្រោះអាងគេស្រលាញ់។ តែបើអ្នកហ៊ានធ្វើរឿងខាងក្រោមនេះ មិនយូរទេអ្នកនឹងបែកគ្នា យ៉ាងលឿនបំផុតទោះគេស្រលាញ់អ្នកខ្លាំងក៏ដោយ។
១. តាមដានមិត្តប្រុសគ្រប់រឿង
មនុស្សស្រីជាច្រើនចូលចិត្តចង់ដឹងរឿងរបស់សង្សារខ្លួនគ្រប់យ៉ាងទាំងអស់ រហូតពេលខ្លះហ៊ានលួចមើលសាររបស់គេក្នុងទូរស័ព្ទ បើក Email គេ ចង់ដឹងគេមានឆាតឬទាក់ទងជាមួយនារីណាដែរឬអត់។ ប៉ុណ្ណឹងមិនគ្រប់ ឆ្លៀតសួរមិត្តភ័ក្ដិគេថែមទៀតថាថ្ងៃនេះគេទៅណាខ្លះ ធ្វើអីខ្លះ ដូចខ្លួនឯងជាភ្នាក់ងារស៊ើបការណ៍។ មនុស្សប្រុសស្អប់បំផុតមនុស្សស្រីមិនទុកចិត្តគាត់ ហើយរំលោភសិទ្ធឯកជនគ្មានព្រំដែនដូច្នេះ។ ទង្វើបែបនេះ កាន់តែធ្វើឲ្យគាត់ថប់ដង្ហើម និងរំខានយ៉ាងខ្លាំង។
២. អ្នកទៅណា ក៏ត្រូវមានវត្តមានគាត់ជានិច្ច
សេរីភាពសម្រាប់មនុស្សប្រុសគឺសំខាន់ណាស់ ដូច្នេះបើអ្នកគ្រាន់ចង់ដើរផ្សារទិញអីវ៉ាន់ក៏ហៅគាត់ គ្រាន់ចង់ទៅចូលរួមកម្មវិធីមិត្តភក្កិក៏ហៅគាត់ ខួបកំណើតអ្នកធ្វើការក៏ហៅគាត់ នោះដូចជាហួសហេតុពេកហើយ។ ធ្វើបែបនេះ សម្រាប់គាត់ជារឿងរំខាន មិនមែនជារឿងដែលអ្នកគិតថាចង់ឲ្យគាត់លំហែចិត្ត បាត់ទុក្ខកង្វល់ឡើយ ផ្ទុយទៅវិញកាន់តែធ្វើឲ្យគាត់ធុញទ្រាន់លើសដើម។
៣. ពូកែចាប់កំហុស
ក្នុងភ្នែកអ្នកមើលឃើញគាត់ ធ្វើអីក៏ខុស ធ្វើអីក៏មិនត្រូវ។ លើសពីនេះ ថែមទាំងយកគាត់ទៅប្រៀបធៀបជាមួយបុរសផ្សេង ដែលកាន់តែធ្វើឲ្យទំនាក់ទំនងនេះរឹតឈឺចាប់លើសមុន។
៤. ប្រចណ្ឌខុសទំនង
ថ្វីត្បិតគេនិយាយថាដោយសារស្រលាញ់ទើបប្រចណ្ឌ ហើយបើគូស្នេហ៍មិនចេះប្រចណ្ឌគ្នានោះគូស្នេហ៍គ្មានភាពរូមែនទិកទេ។ តែបើប្រចណ្ឌខុសរឿងពេក នោះស្នេហាប្រាកដជាប្ដូរពណ៌ពីស៊ីជម្ពូមកជាខ្មៅស្រអាប់មិនខាន។ គ្រាន់តែគាត់និយាយជាមួយមិត្តភ័ក្ដិស្រីធម្មតា ក៏អ្នកមិនសប្បាយចិត្ត គ្រាន់តែមិត្តក្នុង Facebook គាត់ Reacted Love លើ Status គាត់ក៏អ្នករករឿង សួរនាំមិនចេះចប់ នោះស្នេហាអ្នកមិនយូរមិនឆាប់ច្បាស់ជាបែកគ្នាជាមិនខាន។
៥. ឲ្យគាត់បោះបង់ការងារដើម្បីមានពេលមើលថែអ្នក
ការងារសម្រាប់មនុស្សប្រុសសំខាន់ខ្លាំងណាស់ បើអ្នកឲ្យគាត់ឈប់អើពើការងារដើម្បីមានពេលមក Take Care អ្នកប្រហែលមិនមែនជាជម្រើសល្អនោះទេ។ ពេលខ្លះ គាត់ត្រូវការពេលវេលាដើម្បីបង្ហើយការងារឲ្យរួចរាល់ តែអ្នកបែរជាមិនយល់សាច់ការហើយរករឿងគាត់ទៅវិញ។ លើសពីនេះទៀត ជួនកាលគាត់ស្ត្រេសខ្លាំងរឿងការងារ តែអ្នកបែរជាមិនធ្វើជាមនុស្សស្រីផ្ដល់កម្លាំងលើកទឹកចិត្តគាត់ បែរជាឲ្យសម្ពាធគាត់ទៅវិញ៕
ចុចអាន៖ ដំណាក់កាលស្នេហាដែលគួរឲ្យខ្លាចបំផុត គឺនៅពេលមនុស្សប្រុសអស់ចិត្តតែមិនសុំបែក