ពាក្យម្តាយផ្តាំ! កូនស្រីអើយ កុំត្រដរចង់បានមនុស្សប្រុសដែលគេមិនស្រលាញ់កូនអី
- 2019-06-26 09:20:00
- ចំនួនមតិ 0 | ចំនួនចែករំលែក 0
ពាក្យម្តាយផ្តាំ! កូនស្រីអើយ កុំត្រដរចង់បានមនុស្សប្រុសដែលគេមិនស្រលាញ់កូនអី
ពាក្យម្ដាយផ្ដាំថា៖ ឱកូនស្រីទាំងឡាយអើយ កូនគួរតែរើសយកមនុស្សដែលធ្វើគ្រប់យ៉ាងដើម្បីទទួលបានបេះដូងរបស់កូន មិនមែនត្រដរចង់បានមនុស្សប្រុសដែលកូនសុខចិត្តធ្វើរឿងគ្រប់យ៉ាងដើម្បីតែគេនោះទេកូនស្រី។ ព្រោះថាថ្ងៃណាមួយកូននឹងលែងមានកម្លាំងដើម្បីរត់តាម និងប្រឹងប្រែងតាមយកចិត្តគេមិនខានឡើយ បើមិនអ៊ីចឹងថ្ងៃណាមួយគេនឹងទុកកូនចោលនៅពេលដែលកូនលែងមានកម្លាំងធ្វើតាមចិត្តគេទៀត ដោយសារមនុស្សប្រុសគឺខុសពីមនុស្សស្រីដាច់។ មនុស្សស្រីងាយនឹងទន់ចិត្ត និងលង់ស្រលាញ់គេវិញ នៅពេលដែលមាននរណាម្នាក់មកស្និទ្ធស្នាល ហើយធ្វើល្អដាក់នាង ទោះបីពីដំបូងនាងគ្មានអារម្មណ៍ស្រលាញ់ក៏ដោយ។ តែមនុស្សប្រុសវិញ បើសិនជាគេមិនស្រលាញ់ហើយ បើកូនរឹងតែតាមយកចិត្តគេ គេរឹតតែធុញទ្រាន់ និងស្អប់កូនមិនខាន។
ស្រី្តម្នាក់បានជួបទំនាក់ទំនងបែបនេះហើយនាងបានរៀបរាប់ប្រាប់ថា៖ នៅរាត្រីផ្សំដំណេក មិនថាស្វាមីរបស់ខ្ញុំស្រវឹងខ្លាំងប៉ុណ្ណាទេ តែគេនៅគ្មានអារម្មណ៍ចង់ធ្វើអ្វីចំពោះខ្ញុំបន្តិចសោះឡើយ ចំណែកខ្ញុំបានត្រឹមតែគេងជូតទឹកភ្នែកនៅក្បែរគេតែប៉ុណ្ណោះ។
បន្ទាប់ពីរៀបការហើយ រស់នៅជាមួយគ្នាបាន ៦ ឆ្នាំ ខ្ញុំពិតជាគ្មានជម្រើស ប៉ុន្តែខ្ញុំនៅតែកាន់ប៊ិចសរសេរនៅលើលិខិតលែងលះ។ ខ្ញុំបានគិតថា បើសិនជាខ្ញុំគ្រាន់តែស្រលាញ់គាត់ម្នាក់ឯង វាមិនគ្រប់គ្រាន់សម្រាប់គ្រួសារខ្ញុំឡើយ។ តាមពិតរឿងនេះខ្ញុំដឹងយូរហើយ តែខ្ញុំមិនហ៊ានទទួលយកការពិតថា ប្ដីរបស់ខ្ញុំពិតជាមិនស្រលាញ់ខ្ញុំទាល់តែសោះ។
ខ្ញុំ ហើយនឹងគាត់បានជួបគ្នានៅវ័យឆ្នាំ បេះដូងខ្ញុំស្រាប់តែលង់ស្រលាញ់គាត់ភ្លាមៗ។ មនុស្សប្រុសដែលមានម្រាមដៃវែងៗ អង្គុយលេងហ្គីតា ជាមួយនឹងសំឡេងយ៉ាងពីរោះស្រទន់។ ពេលនោះ ពួកយើងទាំងពីរនាក់សុទ្ធតែជាសិស្សដូចគ្នា។
ខ្ញុំជាអ្នកសារភាពប្រាប់គាត់មុន ខ្ញុំស្រលាញ់គាត់ខ្លាំងណាស់ ថែមទាំងខ្វល់ពីគាត់គ្រប់រឿង ហើយគាត់ជាម្ចាស់បេះដូងតែម្នាក់ក្នុងចិត្តខ្ញុំ។ តែគាត់ជាមនុស្សមិនកក់ក្ដៅ មិនចេះយល់ចិត្ត តែខ្ញុំនៅតែជឿថាពួកយើងទាំងពីរនៅតែអាចរស់នៅជាមួយគ្នាបាន។
អស់រយៈពេលជិត ១០ ឆ្នាំដែលយើងទាក់ទងគ្នា មានច្រើនលើកច្រើនសារដែលគាត់មិនអើពើជាមួយខ្ញុំ ហើយចង់ចាកចេញ ខ្ញុំពេលខ្លះក៏ហត់នឹងការព្យាយាមយកគាត់ត្រឡប់មកវិញដែរ។ រហូតដល់ថ្ងៃមួយគាត់បាននិយាយថា គាត់ពិតជាមិនជឿថាពួកយើងអាចរស់នៅជាមួយគ្នាដោយរីករាយឡើយ បើសិនជាយើងរៀបការ។ តែពេលនោះខ្ញុំមានផ្ទៃពោះបាត់ទៅហើយ។
ការរៀបការ ដែលជាក្ដីស្រមៃដ៏ធំរបស់ខ្ញុំបានកើតឡើង ទាំងកូនកំលោះមិនរីករាយទាល់តែសោះ។ គាត់ប្រាប់អ្នកគ្រប់គ្នាថា គាត់គ្មានក្ដីស្រលាញ់ឲ្យខ្ញុំទេ គាត់គ្រាន់តែចង់ទទួលខុសត្រូវចំពោះខ្ញុំ និងកូនតែប៉ុណ្ណោះ។ ទើបគាត់សម្រេចចិត្តរៀបការជាមួយខ្ញុំ តែនៅយប់ផ្សំដំណេក ទោះគាត់ស្រវឹងក៏ដោយក៏គាត់នៅតែមិនមើលមុខខ្ញុំផង។
ខ្ញុំធ្លាប់គិតថា ឲ្យតែបាននៅក្បែរគាត់គឺគ្រប់គ្រាន់ហើយ តែពេលដែលខ្ញុំក្រឡេកទៅមើលថ្ងៃអនាគត ខ្ញុំគិតថា ចុះបើថ្ងៃណាមួយខ្ញុំធ្លាក់ខ្លួនឈឺ តើគាត់នឹងមើលថែខ្ញុំដែរទេ តើយើងអាចរៀបរាប់រឿងក្នុងចិត្តប្រាប់គ្នាទៅមកដូចប្ដីប្រពន្ធដទៃដែរទេ តើគាត់អាចឱបខ្ញុំពេលអាកាសធាតុត្រជាក់ដែរអត់ អាចនិយាយលេងជាមួយគ្នា និងមានពេលវេលារ៉ូមែនទិកដែរទេ?
ពេលមួយដែលខ្ញុំភ័យខ្លាចខ្លាំងបំផុតក៏បានកើតឡើងមែន។ តាមពិតខ្ញុំជាមនុស្សស្រីម្នាក់ដែលស្រលាញ់គេខ្លាំងម្នាក់ឯងអស់ ១០ ឆ្នាំ រស់នៅជាមួយគ្នាជាប្ដីប្រពន្ធ ៦ ឆ្នាំនៅតែមិនល្អស្មើនឹងស្រីម្នាក់ដែលប្ដីខ្ញុំទើបតែស្គាល់បាន ពីរ បីខែ។ មនុស្សស្រីម្នាក់ដែលខំស្រលាញ់គេអស់ពីបេះដូង លះបង់គ្រប់បែបយ៉ាងឲ្យគេ បែរជាល្អមិនស្មើស្រីម្នាក់ដែលគ្រាន់តែនិយាយពាក្យផ្អែមពីរបីម៉ាត់ទៅវិញ។
វាយឺតពេលទៅហើយ ដែលខ្ញុំភ្ញាក់ខ្លួនពីសុបិនអាក្រក់មួយនេះ។ អ្វីដែលខ្ញុំអាចធ្វើបាននៅពេលនេះគឺ កាន់ប៊ិច និងក្រដាសមួយសន្លឹក ជូតទឹកភ្នែក ហើយសរសេរអក្សរប៉ុន្មានតួ និងគូសវាសមួយឆ្វាចលើលិខិតលែងលះហ្នឹងឯង។
មនុស្សស្រីដកថយភ្លាម បើដឹងថាគេមិនសូវស្រលាញ់អ្នកប៉ុន្មានទេ។ ព្រោះរឿងដែលអ្នកនឹងជួបគឺដូចមនុស្សស្រីម្នាក់នេះអ៊ីចឹង។ ប្រុសៗក៏ដូចគ្នា បើមិនស្រលាញ់ហេតុអ្វីក៏ផ្ដល់ក្ដីសង្ឃឹម ផ្ដល់រហូតទាល់តែអ្នកបានបំផ្លាញអនាគតមនុស្សស្រីម្នាក់មែនទេ ចុះបើមានគេធ្វើបែបនេះដាក់កូនស្រីអ្នក តើអ្នកមានអារម្មណ៍បែបណា៕
ចុចអាន៖ ពេលវេលាគ្រោះថ្នាក់ទាំង៥ ធ្វើឲ្យស្វាមីបែកចិត្តស្រលាញ់ស្រីផ្សេង