មានសង្សារញៀនទូរសព្ទ សាហាវជាងមានអ្នកទី៣ជ្រៀតជ្រែកទៀត
- 2019-06-26 04:30:00
- ចំនួនមតិ 0 | ចំនួនចែករំលែក 0
មានសង្សារញៀនទូរសព្ទ សាហាវជាងមានអ្នកទី៣ជ្រៀតជ្រែកទៀត
បើថាមានអ្នកទី៣មកជ្រៀតជ្រែកស្នេហាយើងទៅ យ៉ាងហោចណាស់ យើងក៏អាចទៅសួរ ឬរកដំណោះស្រាយរួមគ្នាបានដែរ តែមានអ្នកណាទៅរករឿងជាមួយទូរសព្ទកើតនោះ?
សម្រាប់មនុស្សប្រុស ទូរសព្ទប្រៀបដូចជាស្រីកំណាន់ដែរ ព្រោះប្រសិនបើញៀននឹងទូរសព្ទហើយ មួយថ្ងៃៗគឺគ្មានឃ្លាតគ្នាមួយជំហានឡើយ។ គ្រប់ពេលវេលាគឺឈ្ងោកតែជាមួយនឹងទូរសព្ទនឹងឯង។ បើកភ្នែកភ្លាម រឿងទី១ដែលធ្វើនោះ ក៏ស្រវារកទូរសព្ទមុនគេដែរ។ រីឯយប់វិញ ទាល់តែពេលបិទភ្នែកទើបព្រមព្រលែងទូរសព្ទចេញពីដៃ។ ជនទី៣មួយនេះ ពេលខ្លះធ្វើឲ្យគូស្នេហ៍មួយចំនួនឈឺក្បាលមិនចាញ់មានអ្នកទី៣មែនទែននោះឡើយ។
មានមនុស្សប្រុសជាច្រើន អាចឃ្លាតពីសង្សាររាប់ថ្ងៃ រាប់សប្ដាហ៍ តែបើដកហូតទូរសព្ទពីគេតែប៉ុន្មានម៉ោង គឺចង់ប្រកាច់ភ្លាម។ អ្វីដែលគួរនិយាយនោះគឹ បើជក់ដោយសារការងារនោះមិនថាអីទេ តែនេះគឺញៀនដោយសារហ្គេមអនឡាញ និងបណ្ដាញសង្គមទើបឈឺចិត្ត។
តាមការពិតទៅ មានមនោសញ្ចេតនារបស់គូស្នេហ៍ជាច្រើនត្រូវប្រេះស្រាំនៅពេលមានបុគ្គលម្នាក់វក់នឹងទូរសព្ទខ្លាំងពេក ដែលធ្វើឲ្យពួកគេមិនខ្វល់ពីដៃគូរបស់ខ្លួន។ ចង់ផ្ដាំទៅអ្នកទាំងអស់គ្នាថា ប្រសិនបើនៅស្រលាញ់គ្នា សូមទម្លាក់ទូរសព្ទចុះ ហើយយកចិត្តទុកដាក់នឹងសង្សារខ្លួនវិញ មុនពេលអ្វីៗហួសពេលអស់៕
ចុចអាន៖ បំផ្លាញផ្លូវចិត្តមនុស្សស្រីទាំងស្រុង បើប្រុសៗហ៊ាននិយាយពាក្យទាំងនេះដាក់នាង