ទម្លាប់ងូតទឹក ៤ យ៉ាងធ្វើឲ្យម៉ាក់ៗកំពុងពពោះ និងគភ៌មានគ្រោះថ្នាក់ធ្ងន់ធ្ងរ
- 2019-06-25 04:30:00
- ចំនួនមតិ 0 | ចំនួនចែករំលែក 0
ទម្លាប់ងូតទឹក ៤ យ៉ាងធ្វើឲ្យម៉ាក់ៗកំពុងពពោះ និងគភ៌មានគ្រោះថ្នាក់ធ្ងន់ធ្ងរ
នៅអំឡុងពេលមានផ្ទៃម៉ាក់ៗគ្រប់រូបដាច់ខាតគួរតែហាមខ្លួនឯងកុំឲ្យមានទម្លាប់ងូតទឹកទាំង ៤ យ៉ាងនេះឲ្យសោះ ព្រោះវានឹងធ្វើឲ្យគ្រោះថ្នាក់ដល់ខ្លួនឯង និងគភ៌កក្នុងផ្ទៃ៖
មិនត្រូវងូតទឹកក្ដៅយូរពេកទេ
អ្នកម៉ាក់កំពុងពពោះមិនគួរងូតទឹកក្ដៅលើសពី ១០ នាទីទេ ព្រោះវាអាចមានគ្រោះថ្នាក់ដល់ទារក។ ការងូតទឹកក្ដៅយូរពេកនឹងអាចកាត់បន្ថយលំហូរឈាមទៅកាន់ទារក និងអាចប៉ះពាល់ដល់ជីវិតគភ៌របស់អ្នក។ វាក៏អាចធ្វើឲ្យមានការឆ្លងមេរោគលើទ្វារមាស និងធ្វើឲ្យអ្នកម៉ាក់ប្រឈមនឹងគ្រោះថ្នាក់ខ្លាំង។ ដើម្បីសុវត្ថិភាព អ្នកម៉ាក់គួរតែងូតទឹកឲ្យបានលឿនតាមដែលអាចធ្វើទៅបាន មិនត្រូវងូតយូរពេកនោះទេ។
ជ្រើសរើសម៉ោងងូតទឹក
អំឡុងពេលមានផ្ទៃពោះ ជាពេលដែលអ្នកម៉ាកៗមានសុខភាពខ្សោយណាស់ ហើយឆាប់ទៀត។ អ្នកម៉ាក់មិនគួរងូតទឹកនៅពេលព្រឹក ឬពេលយប់ពេកនោះទេ ព្រោះវាអាចបណ្ដាលឲ្យមានគ្រោះថ្នាក់ដល់ម្ដាយ និងទារក ដោយសារតែវានឹងផ្លាស់ប្ដូរសីតុណ្ហភាពក្នុងរាងកាយរបស់អ្នកម៉ាក់ដែលធ្វើឲ្យប៉ះពាល់ដល់សុខភាព។ពេលវេលាល្អសម្រាប់ងូតទឹកគឺ ពេលថ្ងៃ ឬ ពេលរសៀលបន្តិចគឺល្អបំផុតសម្រាប់សុខភាព។
មិនត្រូវទៅសូណាដាច់ខាត
នៅពេលមានផ្ទៃពោះ អ្នកម៉ាក់គួរតែនៅឆ្ងាយពីសូណា ដោយសារតែការត្រាំទឹកក្នុងសីតុណ្ហភាពក្ដៅខ្លាំង នឹងប៉ះពាល់ដល់ខ្លួនឯងនិងទារកខ្លាំងបំផុត។ វានឹងប៉ះពាល់ខ្លាំងដល់ការលូតលាស់របស់ទារក ហើយការត្រាំទឹកក្ដៅអាចនឹងធ្វើឲ្យទ្វារមាសហូរឈាម និងទឹករំអិល ដែលបណ្ដាលឲ្យអ្នកម៉ាក់បាក់កម្លាំងខ្លាំងមុនអាយុ។
កុំងូតទឹកបន្ទាប់ពីញ៉ាំអាហារហើយភ្លាម
រឿងមួយទៀតដែលអ្នកម៉ាកកំពុងពពោះត្រូវតែចាំ គឺមិនត្រូវងូតទឹកពេលទើបញ៉ាំអាហារហើយភ្លាមៗនៅទេ ព្រោះវានឹងធ្វើឲ្យសរសៃឈាមរីកធំ ហើយចរន្តឈាមក៏ថយចុះ ចំណែកលំហូរឈាមទៅកាន់ទារកក៏ខ្សោយ ហើយក៏ប៉ះពាល់ដល់សុខភាពរបស់អ្នកម៉ាក់ដែរ។ ក្នុងពេលនេះដែរ ងូតទឹកបន្ទាប់ពីញ៉ាំបាយហើយភ្លាមៗនឹងធ្វើឲ្យប៉ះពាល់ដល់ការរំលាយអាហារ កម្រិតជាតិស្ករក្នុងឈាមក៏ថយចុះ នឹងអាចបណ្ដាលឲ្យមានជំងឺច្រើនដល់ម្ដាយនិងទារក៕
ចុចអាន៖ គុណសម្បត្តិស្មានមិនដល់ ពេលទារកកើតមកប្រឡាក់ សស លើស្បែក ដែលម្តាយច្រើនយល់ច្រលំ