តើ Facebook ធ្វើឲ្យអ្នកពិបាកបំភ្លេចមនុស្សអតីតមែនទេ?
- 2019-06-25 04:00:00
- ចំនួនមតិ 0 | ចំនួនចែករំលែក 0
តើ Facebook ធ្វើឲ្យអ្នកពិបាកបំភ្លេចមនុស្សអតីតមែនទេ?
តើអ្នកមានអារម្មណ៍ថា នៅសម័យកាល Facebook ធ្វើឲ្យយើងរៀងវេទនាជាង ក្រោយពេលបែកគ្នាឬអត់? ទោះប្រឹងបំភ្លេចយ៉ាងណា ក៏បណ្ដាញសង្គមមួយនេះតែងរំលឹកជានិច្ច។
ទោះបីជាព្យាយាមលុបសង្សារចាស់ឡើងរលីងឈឺងពីបណ្ដាញសង្គម Facebook ហើយក្ដី តែដោយសារតែហេតុផលណាមួយ រូបថត ឬstatus របស់អ្នក និងគេនៅតែផុសឡើងជានិច្ច។ មនុស្សជាច្រើនជឿជាក់ថាយ៉ាងមុតមាំថា បណ្ដាញសង្គមធំជាងគេលើលោកមួយនេះហើយ គឺជាបុគ្គលដែលធ្វើឲ្យអ្នកពិបាកបំភ្លេចអ្នកចាស់បំផុត។
ប្រសិនបើបែកគ្នា ដោយគេប្រាប់ហេតុផលមិនច្បាស់លាស់ នឹងធ្វើឲ្យមានចម្ងល់មួយជីវិត។ តែគ្រាន់តែចង់ប្រាប់ទៅអ្នកថា បែកគ្នាគឺបែកហើយ គ្រប់ហេតុផលទាំងអស់គ្រាន់តែលេសមួយប៉ុណ្ណោះ។ កាលនៅស្រលាញ់គ្នា មានអ្វីប្លែក ទៅណាជុំគ្នា គឺតែងបង្ហោះដើម្បីទុកជាអនុស្សាវរីយ៍ទាំងអស់។ ដល់ពេលបែកគ្នាហើយ ទោះអ្នកលុបខ្ទេចខ្ទីហើយក៏ដោយ តែដល់ឆ្នាំ ដល់ខែ អនុស្សាវរីយ៍ទាំងនោះនឹងលោតឡើងវិញធ្វើឲ្យចិត្តដែលស្ទើរតែស្ងប់ហើយនោះ ក៏ពុះកញ្ជ្រោលឡើងវិញ។
នេះគឺជាអ្នកដែលធ្វើចិត្តបាន អាចលុបគេចេញពីបណ្ដាញសង្គម រីឯសម្រាប់អ្នកដែលមិនអាចលុបគេបាន នៅតែលួចចូលមើលគេរាល់ថ្ងៃនោះ គឺគ្មានថ្ងៃបំភ្លេចគេបានឡើយ។
មិនបានវាយតម្លៃលើបុគ្គលអ្នកណាឡើយ តែគ្រាន់តែចង់និយាយថា បើអ្នកមានបំណងបំភ្លេចគេ អ្នកគួរបោះបង់បណ្ដាញសង្គមនេះមួយរយៈសិន៕
ចុចអាន៖ ពេលមនុស្សប្រុសប្រាប់ថាគេចង់នៅម្នាក់ឯង អ្នកគួរធ្វើរឿងទាំងនេះតបវិញ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
