អ្នកនៅស្រលាញ់គេ ម៉េចមិនប្រាប់ខ្ញុំ?
- 2019-06-24 06:00:00
- ចំនួនមតិ 0 | ចំនួនចែករំលែក 0
អ្នកនៅស្រលាញ់គេ ម៉េចមិនប្រាប់ខ្ញុំ?
សូមកុំមកស្រលាញ់ខ្ញុំ ប្រសិនបើបេះដូងអ្នកនៅមានរូបគេ។ គេថាមនុស្សប្រុសអាត្មានិយម គិតតែពីអារម្មណ៍របស់ខ្លួនឯង បងក៏ដូចគេដែរមែនទេ?
អ្នក និងខ្ញុំកំពុងនៅក្នុងចំណងមនោសញ្ចេតនាមួយដែលមិនដឹងថាត្រូវហៅជាអ្វីឲ្យប្រាកដ។ បងនៅតែមានចិត្តលើម្នាក់ស្រីនោះ តែហេតុអ្វីមិនប្រាប់ខ្ញុំ? បងនៅនឹកនាង ហេតុអ្វីក៏ប្រញាប់មករកខ្ញុំធ្វើអី។ តើអ្នកមានយល់ពីអារម្មណ៍របស់ខ្ញុំនៅពេលនេះឬអត់ គឺអារម្មណ៍ដែលអាចយកបានមនុស្សដែលខ្លួនស្រលាញ់បំផុត តែងចង់បានបំផុត ប៉ុន្តែគេមិនអាចនាំយកសុភមង្គលឲ្យយើងបាន។
នៅពេលនេះទើបខ្ញុំដឹងថា យកបានមនុស្សដែលយើងស្រលាញ់បំផុតក៏មិនប្រាកដថាមានក្ដីសុខដែរ ប្រសិនបើចិត្តគេមិននៅនឹងយើង។ តែសុភមង្គលដែលប្រពៃបំផុតនោះគឺរកបានមនុស្សដែលស្រលាញ់យើង ស្មើយើងស្រលាញ់គេដែរទៅវិញទេ។
ខ្ញុំនៅតែអាចនៅក្បែរអ្នក ដោយសារតែខ្ញុំស្រលាញ់អ្នកពេកហើយ តែខ្ញុំមិនអាចទ្រាំបានឡើយនៅពេលអ្នកកាន់ដៃខ្ញុំ តែចិត្តកំពុងគិតដល់គេ។ កើតមកជាមនុស្សស្រី ក៏គ្រាន់តែចង់បានស្នេហ៍ពិតមួយប៉ុណ្ណោះ ហេតុអ្វីក៏ពិបាកយ៉ាងនេះ។ ជាច្រើនដង ខ្ញុំចង់ដឹងថាគេនោះជាអ្នកណា ធ្លាប់ស្រលាញ់បងដល់ថ្នាក់ណា ទើបបងមិនអាចភ្លេចបាននាងដូចនេះ។ ពេលខ្លះខ្ញុំចង់បន្ទោសនាង តែពេលខ្លះទៀត ខ្ញុំចង់បន្ទោសបង ដែលមិនទាន់អស់ចិត្តពីគេ តែប្រញាប់មករកខ្ញុំ។
បើពិបាកខ្លាំងពេក អ្នកអាចរស់នឹងអារម្មណ៍ពិតរបស់ខ្លួនបាន នោះគឺដើរចេញពីខ្ញុំ ហើយត្រលប់រកគេវិញចុះ ព្រោះទោះខ្ញុំស្រលាញ់ជាងអ្វីៗទាំងអស់ក៏ដោយ តែបើចិត្តគេមិននៅនឹងយើងផង ឃាត់បានអ្វីទៀត?
ចុចអាន៖ មេរៀនឈឺចាប់ពីស្នេហាចាស់៥យ៉ាង អ្នកគួររៀនកុំឲ្យខកចិត្តម្តងទៀតពេលចាប់ផ្តើមស្នេហ៍ថ្មី