រូបមន្តនារីជប៉ុន ផឹកពីរកែវរាល់ថ្ងៃមុនបាយ ធ្វើឲ្យចង្កេះតូច កាត់បន្ថយសក់ជ្រុះ សម្រស់ក្មេងស្អាត
- 2019-06-21 10:20:38
- ចំនួនមតិ 0 | ចំនួនចែករំលែក 0
រូបមន្តនារីជប៉ុន ផឹកពីរកែវរាល់ថ្ងៃមុនបាយ ធ្វើឲ្យចង្កេះតូច កាត់បន្ថយសក់ជ្រុះ សម្រស់ក្មេងស្អាត
សណ្តែកខ្មៅមានតម្លៃមិនថ្លៃ ថែមទាំងអាចផ្តល់ផលប្រយោជន៍ជាច្រើនមិនគួរឲ្យជឿ ចំពោះសុខភាព រាងកាយ និងស្បែក។ បើនិយាយពីសុខភាពវិញ វាមានគុណសម្បត្តិច្រើនយ៉ាងដូចជា ជំនួយក្រលៀន បន្សាបជាតិពុលក្នុងបេះដូង សម្រួលឲ្យឈាមដើរស្រួល ជួយព្យាបាលអ្នកមានជំងឺហើមមុខ ឈឺសន្លាក់ឆ្អឹង ពងបែកមាត់ ឈឺក្បាល គេងមិនលក់ ធ្វើឲ្យភ្នែកភ្លឺ...។ សម្រាប់ផ្នែកសម្រស់មានគុណសម្បត្តិរាប់មិនអស់ដូចជា ធ្វើឲ្យស្បែកសស្អាតទន់ភ្លឺរលោងម៉ត់ខៃ ទប់ស្កាត់ការកើតមុន ជួយឲ្យរាងកាយមានតុល្យភាព...។ ហេតុនេះហើយបានជានារីជនជាតិជប៉ុនភាគច្រើន ផឹកទឹកសណ្តែកខ្មៅជារៀងរាល់ថ្ងៃ ដើម្បីទទួលបានសុខភាពល្អ និងសម្រស់ក្មេងស្អាត ដោយគ្រាន់តែធ្វើតាមវិធីងាយៗបំផុត។
គ្រឿងផ្សំ៖
សណ្តែកខ្មៅចំនួន១០០ក្រាម (យកប្រភេទសណ្តែកខ្មៅគ្រាប់បៃតងខាងក្នុង)។
ទឹកមួយលីត្រ
វិធីធ្វើ៖
១. រើសយកតែគ្រាប់សណ្តែកដែលល្អ មិនខូច គ្មានគ្រាប់គ្រួស គ្មានដី លាងទឹកឲ្យស្អាត តែកុំត្រាំ បន្ទាប់មកសម្រិតទឹកចេញឲ្យអស់។
២. ចាក់គ្រាប់សណ្តែកចូលទៅក្នុងខ្ទះ បើកភ្លើងខ្លាំងល្មម លីងរហូតដល់មានក្លិនឈ្ងុយ នៅឈរមើលឲ្យជាប់ ហើយបន្ថយភ្លើងបន្តិចវិញ ហាមមិនឲ្យខ្លោច។ ប្រហែល១០នាទី សណ្តែកនឹងឆ្អិន សឹមបិទភ្លើង។
៣. បន្ទាប់មក ចាក់ទឹកមួយលីត្រចូល ដាំឲ្យពុះប្រមាណ១០នាទី រួចហើយទើបបិទភ្លើងចង្រ្កាន។
របៀបផឹកឲ្យបានត្រឹមត្រូវ៖
តាមវិធីធ្វើដែលបានរៀបរាប់ខាងលើ អ្នកអាចផឹកវាបានដល់ទៅ៤ដង ប៉ុន្តែក្នុងមួយថ្ងៃ អ្នកអាចផឹកបានតែពីរកែវប៉ុណ្ណោះ ដូច្នេះហើយ នៅសល់ពីរកែវទៀត ត្រូវដាក់ក្នុងទូរទឹកកកសម្រាប់ទុកផឹកនៅថ្ងៃបន្ទាប់។ បើអ្នកមានអារម្មណ៍ថាពិបាកផឹក អាចបន្ថែមអំបិលបន្តិច។ លទ្ធផលនឹងបង្ហាញចេញ ក្នុងរយៈពេល២សប្តាហ៍។
ភេសជ្ជៈមួយប្រភេទនេះ អាចផឹកបានគ្រប់វ័យ មិនត្រឹមតែជួយរក្សាតុល្យភាពក្នុងរាងកាយប៉ុណ្ណោះទេ វាអាចកម្ចាត់ជាតិខ្លាញ់ ធ្វើឲ្យអ្នកមានរាងស្លីម កាត់បន្ថយសក់ជ្រុះ ស្បែកសស៊ីជម្ពូស្អាត ជាពិសេស ធ្វើឲ្យសម្រស់ក្មេងជាងវ័យ ៕
ចុចអានបន្ត៖