អ្នកម៉ាក់កំពុងតែមានកូនប្រុសហើយ បើឃើញសញ្ញាទាំងនេះ ក្នុងអំឡុងពេលមានផ្ទៃពោះ
- 2019-06-20 04:20:00
- ចំនួនមតិ 0 | ចំនួនចែករំលែក 0
អ្នកម៉ាក់កំពុងតែមានកូនប្រុសហើយ បើឃើញសញ្ញាទាំងនេះ ក្នុងអំឡុងពេលមានផ្ទៃពោះ
អ្នកប្រហែលជាចង់ដឹងខ្លាំងណាស់ហើយ ថាកូននៅក្នុងផ្ទៃនេះ ជាកូនប្រុសឬស្រី។ ក្តីរំភើបសុភមង្គលនៅតែកើតមាន មិនថាបានកូនស្រីឬប្រុសក៏ដោយ។ ទោះជាបែបនេះក្តី មានសញ្ញាខ្លះៗ ដែលអ្នកអាចសង្កេតដឹងមុនថា កូននៅក្នុងផ្ទៃគឺជាកូនប្រុស។ យ៉ាងណាត្រូវចាំទុកថា សញ្ញាទាំងអស់មិនអាចត្រូវទាំងស្រុងជាមួយនឹងអ្នកម្តាយគ្រប់រូបបានឡើយ។ សំខាន់ត្រូវថែរក្សាសុខភាព ញ៉ាំអាហារល្អៗ សប្បាយត្រេកអរ នឹងស្វាគមន៍សមាជិកថ្មី។
សញ្ញាមួយចំនួនបញ្ជាក់ថាអ្នកអាចនឹងមានកូនប្រុស
របបអាហារ
ឃ្លានរបស់ប្រៃនិងជូរខ្លាំង៖ បើនៅសុខៗស្រាប់តែចង់ញ៉ាំអាហារដែលប្រៃ ដូចជាដំឡូងបារាំងកញ្ចប់ ឬឃ្លានត្រសក់ត្រាំជាដើម មានន័យថាអ្នកកំពុងតែមានកូនប្រុសហើយ។
ចង់ញ៉ាំតែសំបកក្រៅរបស់នំប៉័ង៖ តើអ្នកធ្លាប់មានអារម្មណ៍ថា ចង់ញ៉ាំតែផ្នែកស្រួយនៃសំបកខាងក្រៅរបស់នំប៉័ងដែរទេ? បើមែនច្បាស់ណាស់ អ្នកកំពុងពពោះកូនប្រុស។
ចង់ក្អួតពេលធំក្លិនចម្លែក៖ ពេលពពោះកូនប្រុស អ្នកតែងតែចាញ់នឹងក្លិនចម្លែកផ្សេងៗរួមទាំងក្លិនបន្លែបៃតងផងដែរ។ ពេលខ្លះសូម្បី ក្លិនពងមាន់ ពងទា ខ្ញី ឬខ្ទឹម ក៏មិនចូលចិត្តដែរ។
រាងកាយ
មុខចែងចាំង៖ ព្រះអង្គម្ចាស់តូច តែងតែបញ្ចេញពន្លឺចែងចាំងនៅលើមុខរបស់អ្នកម្តាយ។ អ្នកមានអារម្មណ៍ថាផ្ទៃមុខមានសំណើមភ្លឺរលោងជាប់ជានិច្ច។
ស្បែកស្ងួត៖ អ្នកចង់តែលាបឡេផ្តល់សំណើម ព្រោះនៅលើស្បែកហាក់បីដូចជាមានសភាពតឹងហើយស្ងួត។
ត្រជាក់បាតជើង៖ អ្នកតែងតែមានអារម្មណ៍ថា រងាត្រង់បាត់ជើង និងចង់ពាក់ស្រោមជើង ដើម្បីឲ្យមានភាពកក់ក្តៅ។
ដៃស្ងួត៖ ប្រហែលជាចម្លែកបន្តិចហើយ។ ត្រជាក់បាតជើង ប៉ុន្តែបែរជាស្ងួតប្រអប់ដៃទៅទៅវិញ ព្រោះនេះជាសញ្ញាដែលអ្នកអាចនឹងមានកូនប្រុស។
ទម្រង់ពោះ៖ បើពោះរបស់អ្នករាងធ្លាក់ចុះមកខាងក្រោម បញ្ជាក់ថាជាកូនប្រុស។
ពណ៌ទឹកនោម៖ ទឹកនោមតែងប្រែប្រួលពណ៌ក្នុងអំឡុងពេលមានផ្ទៃពោះ ដោយសារតែបម្រែបម្រួលអ័រម៉ូន។ ប៉ុន្តែបើទឹកនោមមានពណ៌លឿងក្រមៅ អ្នកមានឱកាសច្រើននឹងបានកូនប្រុស។
សុដន់៖ សុដន់ផ្នែកខាងស្តាំ មានទំហំធំជាងផ្នែកខាងឆ្វេង។
ឡើងទម្ងន់៖ បើអ្នកឡើងគីឡូ ហើយមានអារម្មណ៍ថា ធ្ងន់ត្រង់ពោះខ្លាំង ភាគរយច្រើនណាស់ដែលអ្នកអាចទទួលបានរាជបុត្រតូច៕
ចុចអានបន្ត៖
ភេសជ្ជៈ៣មុខ ម៉ាក់ៗគួរញ៉ាំពេលពពោះ ដើម្បីអូនៗកើតមកទ្រលុកទ្រលន់ ឆ្លាតវៃ
គុណសម្បត្តិស្មានមិនដល់ ពេលទារកកើតមកប្រឡាក់ សស លើស្បែក ដែលម្តាយច្រើនយល់ច្រលំ