មិនធម្មតា ! តារាសម្តែង ណាតាយ៉ា ចាយទុន៥ម៉ឺនដុល្លារបើកជំនួញនាំចូលពីប្រទេសជប៉ុន

2019-06-17 04:00:00
ចំនួនមតិ 0 | ចំនួនចែករំលែក 0

តារាសម្ដែង ណាតាយ៉ា បានពង្រីកប្រភពចំណូលរបស់ខ្លួនបន្ថែមពីការងារសិល្បៈដោយបើកជំនួញនាំចូលផ្ដាច់មុខនូវផលិតផលសម្រស់ Collagen ពីប្រទេសជប៉ុនក្នុងទឹកប្រាក់៥ម៉ឺនដុល្លារ។

ក្នុងពិធីកាត់ខ្សែបូនៃការសម្ពោធផលិតផល Inner Moise Collagen កាលពីថ្មីៗនេះ កញ្ញារៀបរាប់ថា មូលហេតុ២យ៉ាងធ្វើឲ្យកញ្ញានាំចូលផលិតផល Collagen នេះមក ដោយសារទី១ Inner Moise Collagen ជាផលិតផលល្អ ជួយទាំងសុខភាព សម្រស់និងពិសេសមិនប៉ះពាល់សុខភាព។ ទី២ អាចរកប្រាក់ចំណូលបានខ្ពស់ ហើយផលិតផលនេះកុម្ម៉ង់ចេញពីរោងចក្រជប៉ុន មានគុណភាពខ្ពស់។លើសពីនេះ ចាប់តាំងពីលក់មកមានអតិថិជន ៩៩%ដែលប្រើត្រូវ ហើយសម្រាប់តារាសម្ដែងរូបនេះ គឺមានគោលដៅលក់តែផលិតផលល្អចំពោះអតិថិជនតែប៉ុណ្ណោះ។

ផលិតផលនេះអាចញ៉ាំបានទាំងបុរសនិងស្ត្រី សូម្បីស្ត្រីមានផ្ទៃពោះបំបៅដោះ អ្នកជំងឺទឹកនោមផ្អែម គីស និងបញ្ហាក្រពះពោះវៀនរ៉ាំរ៉ៃ ក៏អាចទទួលទានបានដែរ។ មួយវិញទៀត ផលិតផលនេះ ជួយឲ្យស្បែកស្អាត ក្មេងជាងវ័យព្រោះជាអាហាររបស់ស្បែកនិងអាហាររបស់សុខភាព ដែលមានសារធាតុចិញ្ចឹមនិងបំប៉នជាមួយវីតាមីន។ ចំពោះវិធីញ៉ាំងាយស្រួលគឺញ៉ាំមួយថ្ងៃ១កញ្ចប់មុនចូលគេង ។

តារាសម្ដែងប្រឡូកសិល្បៈតាំងពីឆ្នាំ២០១៥ បន្តថា គ្រោងនឹងបើកជាក្រុមហ៊ុនធំលក់ផលិតផលសុខភាពសុទ្ធតែម្ដង ដើម្បីតម្រូវការអតិថិជនឲ្យកាន់តែសម្បូរបែប៕