សញ្ញាទាំងឡាយបង្ហើបថា crush កំពុងបើកភ្លើងបៃតងឲ្យអ្នកហើយ

2019-06-13 03:05:00
ចំនួនមតិ 0 | ចំនួនចែករំលែក 0

ក្រោយពេលតាមស៊ើបការ ក៏ដូចជាចូលស្និទ្ធិស្នាលនឹងគេបានយូរហើយ ប្រសិនបើគេបង្ហាញសកម្មភាពទាំងនេះ មានន័យថា គេកំពុងបើកភ្លើងបៃតងឲ្យអ្នកហើយ។

១. គេទាក់ទងមកមុន

ខណៈកាលគ្រាដំបូង ពេលមិនទាន់មានចិត្តលើយើងវិញនោះ សុទ្ធតែជាយើងទាំងអស់ ដែលតែងតែទាក់ទងទៅមុន។ តែប្រសិនបើ ស្គាល់គ្នាបានរយៈ ហើយបើគេមិនទើសទែងយើង ហើយចាប់ផ្ដើមមានអារម្មណ៍ល្អនឹងវិញនោះ ម្ដងម្កាល គេនឹងជាអ្នកទាក់ទងមកយើងមុនដូចជា ផ្ញើសារអរុណសួស្ដីជាដើម។

២. មានអីថ្មី ចង់អួតនឹងយើង

គេតែងប្រាប់យើងពីអ្វីដែលថ្មីៗនៅក្នុងជីវិតគេ ដូចជាមានការងារថ្មី ទទួលបានលទ្ធផលសិក្សាល្អជាដើម។ សកម្មភាពនេះបង្ហាញថា យើងមានតំណែងអ្វីមួយនៅក្នុងចិត្តគេដែរ មិនមែនអត់សោះឡើយ។

៣. បង្កើតឱកាសជួបគ្នា

បើសិនជាចូលចិត្តគ្នាហើយ ប្រាកដជាស្វែងរកឱកាសដើម្បីបានជួបគ្នាញឹកញាប់បំផុត។ ដូចនេះ នៅពេលគេចាប់ផ្ដើមមានចិត្តមកវិញ បើយើងមិនរកឱកាស គេក៏រកឱកាសខ្លួនឯងដើម្បីអ្នកទាំង២បានជួបមុខដែរ។

៤. អ្នកប្រទះឃើញគេលួចមើលយើង

កែវភ្នែកគឺជាកន្លែងដែលមិនអាចលាក់មនោសញ្ចេតនាបាននោះឡើយ។ ប្រសិនបើអ្នកចាប់បាន គេតែងលួចសម្លឹងអ្នក ហើយពេលត្រូវចាប់បាន គេងាកចេញនោះ ប្រាកដជាមានអារម្មណ៍នឹងយើងពិតមែនហើយ៕