ស្រីៗឲ្យតែកែកុនទីតាំង ៤ កន្លែងនេះដឹងតែមើលឃើញប្លែកខ្លាំង
- 2019-06-12 04:00:00
- ចំនួនមតិ 0 | ចំនួនចែករំលែក 0
ស្រីៗឲ្យតែកែកុនទីតាំង ៤ កន្លែងនេះដឹងតែមើលឃើញប្លែកខ្លាំង
សម័យនេះការវះកាត់កែសម្ផស្សគឺជារឿងធម្មតាទៅហើយ។ ដោយសារតែមិនថាទាំងប្រុសឬស្រីទេតែងតែផ្ដោតអារម្មណ៍ខ្លាំងទៅលើសម្រស់និងរូបរាងខាងក្រៅរបស់ពួកគេ ហើយឥឡូវការកែសម្ផស្សក៏ត្រូវបានគេទទួលស្គាល់យ៉ាងទូលំទូលាយ និងពេញនិយមដែរ។ ឥឡូវមកដឹងពីទីតាំង ៤ កន្លែងសំខាន់ៗដែលស្រីៗពេញនិយមកែកុនច្រើនជាងគេបំផុត ពេលដែលកែហើយដឹងតែប្លែកខ្លាំង៖
១. ច្រមុះ
ច្រមុះ ជាទីតាំងដែលមនុស្សស្រីចូលចិត្តកែកុនច្រើនជាគេបំផុត។ វះកាត់លើកខ្ទង់ច្រមុះឲ្យខ្ពស់ជាចំណុចសំខាន់ដែលជួយឲ្យទម្រង់មុខមើលទៅស្រស់ស្អាត។ ហើយចំពោះតម្លៃក៏មិនសូវអស់ច្រើនប៉ុន្មានដែរ ថ្មីៗនេះការកែកុនច្រមុះក៏មានបច្ចេកវិទ្យាថ្មី ដោយការយកឆ្អឹងខ្ចីមកដាក់ជំនួសវិញ ព្រោះវាមិនសូវឈឺចាប់ដូចការប្រើ ស៊ីលេកូន ហើយកាត់បន្ថយហានិភ័យ និងបញ្ហានៃការជ្រាបចូលរបស់សារធាតុស៊ីលីកូននៅក្នុងច្រមុះបានដែរ។ ហើយវាក៏ជួយធ្វើឲ្យច្រមុះមើលទៅស្អាតដូចធម្មជាតិ។
២. ដើមទ្រូង
ថ្មីៗនេះ ការវះកាត់ពង្រីកដើមទ្រូងគឺជារឿងធម្មតាទៅហើយ។ ការកែកុននេះមិនមែនចង់ឲ្យដើមទ្រូងធំខ្លាំងជាងមុននោះទេ តែមកពីអ្នកខ្លះមានដើមទ្រូងតូចខ្លាំងពេក។ ការកែកុនមួយនេះក៏ជួយឲ្យនារីៗមានលក្ខណៈសម្បត្តិល្អជាងមុន មានទំនុកចិត្តក្នុងការស្លៀកសម្លៀកបំពាក់ និងមើលទៅឃើញថាស្រស់ស្អាតជាងមុន។ វាពេញនិយមណាស់សម្រាប់ស្ត្រី ដែលថ្មីៗមានអាចធានាសុវត្ថិភាពបាន និងមិនតម្លៃក៏មិនសូវខ្ពស់ប៉ុន្មានដែរ។
៣. ត្របកភ្នែក
ភ្នែកជាផ្នែកសំខាន់មួយនៅមុខ។ បញ្ហាត្របកភ្នែកគឺត្រង់ថាវាមានតែ ១ជាន់ ឬត្របកភ្នែកមានច្រើនជាន់ពេក។ បញ្ហាទាំងអស់នេះហើយដែលនារីត្រូវការដោះស្រាយដើម្បីឲ្យមើលទៅស្រស់ស្អាតជាងមុន។ ការវះកាត់ត្របកភ្នែកជាការវះកាត់មួយដែលមានការពេញនិយមខ្លាំងបំផុត។ ដូចពាក្យគេថាភ្នែកប្រៀបដូចជាមាត់ទ្វារបេះដូង។ លើសពីនេះការធ្វើឲ្យភ្នែកមើលទៅស្អាត ទាក់ទាញ វាក៏ធ្វើឲ្យនារីៗមានភាពងាយស្រួលក្នុងការ makeup ដែរ។
៤. ចង្កា
ការកែកុនចង្កា ជួយឲ្យទម្រង់មុខមើលទៅមានភាពសមាមាត្រគ្នា។ ស្រីៗនៅពេលថតរូប ហើយឃើញថារូបថតចេញមក មានមុខធំ ហើយខ្លី ឃើញចង្កាមូល និងមុខមូល ដែលធ្វើឲ្យបាត់បង់ភាពស្រស់ស្អាត។ ដើម្បីឲ្យធ្វើឲ្យមុខមានទម្រង់ស្អាត ការចាក់ចង្កាឲ្យស្រួច ឬវែងបានក្លាយជាទីចំណាប់អារម្មណ៍របស់នារីៗជាច្រើន ដោយសារតែវាធ្វើឲ្យមុខចេញជាទម្រង់មុខ V ដែលនារីគ្រប់រូបប្រាថ្នាចង់បាន។
ទោះបីជាការវះកាត់ក្លាយជារឿងធម្មតាសព្វថ្ងៃនេះក៏ដោយ ប៉ុន្តែនារីត្រូវតែគិតគូរឲ្យបានល្អិតល្អន់មុនសម្រេចចិត្តទទួលយកការវះកាត់កែសម្ផស្សនោះ។ អ្នកគួរសិក្សា និងស្វែងរកព័ត៌មានឲ្យបានច្បាស់សិន។ ពិតណាស់ សុវត្ថិភាពត្រូវតែមកមុនគេ ហើយជ្រើសរើសគ្លីនិកណាដែលអ្នកទុកចិត្តបាន៕
ចុចអាន៖ ឆ្ពុងមុខដោយប្រើគ្រឿងផ្សំ៣មុខនេះ ធានាបានសាច់មុខសខ្ចី គ្មានមុនមួយគ្រាប់