គ្រោះថ្នាក់ទិញអនឡាញ ទិញប៉ះស្បែកជើងចេញពណ៌ដូចគេចាក់ឈាមជ្រូក

2019-06-10 05:00:00
ចំនួនមតិ 0 | ចំនួនចែករំលែក 0

រូបភាពគ្រោះថ្នាក់ពេលទិញទំនិញអនឡាញនេះ បានធ្វើឲ្យអ្នកទិញទំនិញសួរខ្លួនឯងថា តើដល់ពេលណាទើប អ្នកទិញឥវ៉ាន់លើអ៊ីនធឺណិតគេចផុតពីហានីភ័យទាំងនេះ។

ប្រសិនបើនិយាយពីបុគ្គលដែលពូកែបោកជាងគេនាពេលបច្ចុប្បន្នគឺប្រហែលជាគ្មានអ្នកណាក្រៅពីបងៗអ្នកលក់ទំនិញអនឡាញ។ ពីរបស់ដែលមិនគួរឲ្យចង់ទិញសោះ អ្នកលក់អនឡាញ បានប្រើតិចនិកជាច្រើនដូចជា ថតរូបនៅច្រើនប្លង់ និងពូកែនិយាយរហូតទាល់តែអ្នកទិញដណ្ដើមគ្នាទិញ។

ខណៈករណីមួយចំនួនពិតជាទិញបានរបស់ដែលខ្លួនកម្ម៉ង់មែននោះ ក៏មានករណីមិនតិចដែរ ដែលកម្ម៉ង់របស់ផ្សេង តែបានរបស់ផ្សឹងទៅវិញ។

ជាក់ស្ដែង ករណីមួយកាលពីថ្មីៗនេះ បានធ្វើឲ្យមនុស្សស្រីម្នាក់ត្រេកអរជាខ្លាំងនៅពេលស្បែកជើងដែលលនាងទិញ គឺដូចនៅក្នុងរូបបេះបិទ ហើយនៅពេលលចូលជើង ក៏ត្រូវម៉ាច់តែម្ដង។

គួរឲ្យសោកស្ដាយ នារីរូបនេះសប្បាយចិត្តមិនទាន់បានប៉ុន្មានផង នៅពេលដែលជើងនាងទើបតែបែកញើសបន្តិច ស្រាប់តែទឹកថ្នាំស្បែកជើងជ្រាបចេញមក ធ្វើឲ្យជើងនារីខាងលើមិនខុសពីជ្រូកពេលត្រូវគេចាក់កឡើយ ដែលជាហេតុធ្វើឲ្យនាងភិតភ័យមិនស្ទើរ។ គួរបញ្ជាក់ផងដែរថា នៅមុនពេលទិញ ម្ចាស់ហាងបានប្រាប់ថា ស្បែកជើងនេះស្បែកល្អ មិនចេញពណ៌ជាដាច់ខាត ដែលធ្វើឲ្យអ្នកទិញអន់ចិត្តយ៉ាងខ្លាំង៕