ក្មេងស្រីត្រូវគេកាត់តរូបភាពល្បីផ្ទុះកាលពី៦ឆ្នាំមុន នៅពេលនេះយ៉ាងម៉េចហើយ?

2019-06-04 07:30:00
ចំនួនមតិ 0 | ចំនួនចែករំលែក 0

ជាមួយនឹងកែវភ្នែក និងទម្រង់មុខ ពូកែលេងទឹកមុខខ្លាំងនោះ ក្មេងស្រី Chloe បានក្លាយជារាជិនីត្រូវគេកាត់តរូបច្រើនជាងគេនៅលើបណ្ដាញសង្គម។

អាចនិយាយបានថា បណ្ដាញសង្គមនឹងប្រែទៅជាគ្មានឱជារសសោះ ប្រសិនបើគ្មាន (meme) រូបត្រូវគេកាត់ត នោះទេ។ ហើយក្នុងចំណោមរូបទាំងនោះ មានរូបមួយដែលធ្វើឲ្យកុមារីវ័យ២ឆ្នាំម្នាក់ ល្បីពេញពិភពលោក។ តាមនោះដែរ កាលពីឆ្នាំ២០១៣ នៅពេលដែល Chloe មានអាយុទើបតែ២ឆ្នាំ នៅពេលនាងកំពុងអង្គុយលើឡានជាមួយបងស្រីឈ្មោះ Lily ស្រាប់តែទទួលដំណឹងថាពួកគេបានឈប់រៀន ហើយនឹងទៅដើរលេងនៅសួនកម្សាន្ត Disneyland វិញ។

ខណៈ ក្រោយពេលឮដំណឹងនេះ បងស្រីរបស់ Chloe បានស្រែកយំដោយរំភើបខ្លាំងពេកនោះ Chloe បានត្រឹមតែធ្វើមុខមិនយល់ ហើយហាក់ដូចស្អប់ខ្ពើមអ្នកនៅជុំវិញយ៉ាងខ្លាំង។ ក៏ជាមួយទឹកមុខនេះហើយ ដែលធ្វើឲ្យនាងល្បីពាសពេញពិភពលោក ដោយរូបនាងត្រូវបានគេប្រើគ្រប់ពេលដែលគេឃើញអ្វីដែលខ្លួនមិនពេញចិត្ត។

ក្មេងស្រីរូបនេះបានល្បីឈ្មោះដល់ថ្នាក់ ត្រូវបានក្រុមហ៊ុន Google អញ្ជើញធ្វើជាអ្នកតំណាងរបស់ខ្លួន។ សព្វថ្ងៃនេះ Chloe មានអាយុ៨ឆ្នាំ និងមានអ្នកគាំទ្រលើបណ្ដាញសង្គមចំនួន៦០ម៉ឺននាក់៕