រៀបបាយពីផ្ទះទៅធ្វើការ នឹងជួយអ្នកសន្សំបានប៉ុន្មានក្នុង១ខែ?

2019-06-04 02:20:00
ចំនួនមតិ 0 | ចំនួនចែករំលែក 0

ជាមធ្យម ទទួលទានបាយថ្ងៃខាងក្រៅមានតម្លៃចាប់ពី ៥០០០៛ ទៅ១០០០០៛ សម្រាប់តម្លៃទូទៅ និងត្រូវចំណាយអស់ប្រមាណ៥ដុល្លារ សម្រាប់ថ្ងៃណាដែលចង់ញ៉ាំហាងឆ្ងាញ់។ យោងតាមអ្នកជំនាញ ប្រសិនបើអ្នកធ្វើការ ចេញញ៉ាំបាយថ្ងៃក្រៅជារៀងរាល់ខែ នោះក្នុង១ខែ ពួកគេអាចចំណាយដល់ទៅ២០%ប្រាក់ខែខ្លួនលើអាហារថ្ងៃត្រង់។

អ្នកជំនាញចំណីអាហារ មិនបានលើកកម្ពស់ខ្ពស់ការទទួលទានអាហារថ្ងៃត្រង់នៅក្រៅឡើយ ចំពោះអ្នកធ្វើការ ព្រោះក្រៅពីត្រូវចំណាយច្រើន អាហារទាំងនេះក៏មិនត្រូវបានធានាសវត្ថិភាពដូចគ្នា។ នៅក្នុងការពិសោធន៍មួយ បុគ្គលិកស្រីមួយចំនួនបានឲ្យដឹងថា ខ្លួនមានទំនោរឡើងទម្ងន់នៅពេលញ៉ាំអាហារថ្ងៃនៅក្រៅ ដោយសារត្រូវចំអិនដោយប្រេង និងមានខ្លាញ់ច្រើនពេក។

ក្រៅពីនោះផងដែរ ការទទួលទានបាយថ្ងៃនៅក្រៅ ធ្វើឲ្យអ្នកធ្វើការកាន់តែហត់នៅពេលថ្ងៃ ព្រោះគ្រាន់តែពេលទៅមកញ៉ាំអី គឺអស់ពេលសម្រាកបាត់ទៅហើយ គឺគ្មានពេលសម្រាប់សម្រាកដើម្បីត្រៀមខ្លួនធ្វើការពេលថ្ងៃឡើយ។ យ៉ាងណាក៏ដោយ ទោះបីជាដឹងពីគុណវិបត្តិនៃការញ៉ាំនៅក្រៅហើយក៏ដោយ តែមនុស្សជាច្រើននៅតែមិនអាចវេចបាយពីផ្ទះបានដោយសារដាច់យប់ ឬងើបពីព្រលឹមមិនរួចជាដើម។

តាមការពិត ការយកបាយពីផ្ទះមិនពិបាកដូចអ្នកគិតឡើយ ដោយក្រោយពេលចេញពីធ្វើការ អ្នកគ្រាន់តែដើរផ្សារមួយជុំ ទិញម្ហូបមកទុកស្រាប់ និងក្រោកពីព្រឹកដើម្បីធ្វើយកទៅ ក៏ដូចជាធ្វើឲ្យរៀងច្រើនបន្តិចដើម្បីញ៉ាំយប់តែម្ដងក៏បានសម្រាប់អ្នកមានថវិការនៅចង្អៀត ហើយត្រូវបង់ថ្ងៃជួលផ្ទះពេលមកនៅទីក្រុង៕

ចុចអាន៖ ទម្លាប់ ៤យ៉ាង អាចជួយឲ្យអ្នកមានលុយគរដូចភ្នំដោយមិនដឹងខ្លួន

ប្រភព៖ bestie ប្រែសម្រួល៖ Caramel