ផ្ការីកដើម្បីរោយ មនុស្សជួបគ្នាក៏ដើម្បីព្រាត់
- 2019-05-27 04:00:00
- ចំនួនមតិ 0 | ចំនួនចែករំលែក 0
ផ្ការីកដើម្បីរោយ មនុស្សជួបគ្នាក៏ដើម្បីព្រាត់
ពួកយើងធ្លាប់ស្បថស្បែរនឹងគ្នា ធ្លាប់កាន់ដៃគ្នាឆ្លងកាត់ព្យុះភ្លៀងមិនតិច។ យុវភាពក៏សឹងតែចំណាយជាមួយស្ទើរទាំងស្រុងទៅហើយ តែចុងបញ្ចប់ក៏មិនអាចដើរដល់ចំណុចបញ្ចប់ដែល។
បងថា បងហត់ហើយ ត្រូវតែបញ្ឈប់នៅត្រង់នេះ។ ខ្ញុំក៏ហត់ ក៏ពិបាកចិត្ត ក៏ចង់ដោះដៃដែរ តែមិនដាច់ចិត្ត។ រាល់ដងដែលរំលឹកពីអនុស្សាវរីយ៍ចាស់ ខ្ញុំតែងគិតថា ឧបសគ្គជាច្រើននៅឆ្លងផុត តែម៉េចក៏ពេលនេះត្រូវដោះដៃទៅវិញ?
រឿងស្នេហា ប្រសិនបើគ្រាន់តែស្រលាញ់គ្នា ប្រាកដជាមិនហត់ឡើយ។ បងធ្លាប់ប្រាប់ខ្ញុំដូចនេះ ព្រោះបងជឿថា ឲ្យតែមានខ្ញុំនៅក្បែរ គឺអាចធ្វើអ្វីបានគ្រប់យ៉ាង គ្មានអ្វីអាចផ្ដួលយើងបានទេ។
តែគួរឲ្យស្ដាយ ទូកជិះសមុទ្រធំល្វឹងល្វើយប៉ុណ្ណាក៏មានចំណត ស្រលាញ់គ្នាយូរប៉ុណ្ណាក៏មានកន្លែងត្រូវឈប់។ ទោះបីជាត្រូវដើរចេញ ក៏ប្រហែលជាចេញទាំងស្នាមញញឹម ព្រោះទោះបីជាយ៉ាងណាក៏ជាមនុស្សដែលខ្ញុំធ្លាប់ស្រលាញ់អស់ពីចិត្ត។
តែប្រហែលជាខ្ញុំខុសហើយ ព្រោះលទ្ធផលចុងក្រោយ គឺខ្ញុំជាអ្នកទទួលរងទាំងអស់។ អ្វីដែលខ្ញុំស្ដាយបំផុត គឺមិនមែនបាត់បង់រូបបងទេ តែស្ដាយយុវភាពដ៏ខៀវស្រងាត់ធ្លាប់ចំណាយនឹងគ្នា តែពេលនេះនៅតែសល់តែផ្ទៃមេឃងងឹតស្លុប៕
ចុចអានបន្ត៖