ញ៉ាំអាហារ៤ប្រភេទនេះកាន់តែច្រើន កាន់តែឡើងមុនធំៗពេញមុខ

2019-05-24 10:30:00
ចំនួនមតិ 0 | ចំនួនចែករំលែក 0

អាហារមួយចំនួន ពិតជារសជាតិឆ្ងាញ់ដែលអន្ទងចិត្តអ្នកឲ្យចង់ទទួលទានកាន់តែច្រើន ។ ភ្លេចៗខ្លួនក៏អស់មួយចាន ហើយមួយចានទៀត។ សម្រាប់អ្នកកើតមុន មានអាហារខ្លះ មិនគួរទទួលទាននោះទេ ព្រោះកាន់តែញ៉ាំច្រើនកាន់តែកើតមុន។

១. សូកូឡា

មនុស្សគ្រប់គ្នាចូលចិត្តញ៉ាំសូកូឡា ព្រោះវាមានរសជាតិឆ្ងាញ់ ជាប់មាត់ជាងរសជាតិដទៃ។ ទន្ទឹមនឹងរសជាតិកាន់តែឆ្ងាញ់នេះ សូកូឡាជាផ្នែកមួយធ្វើឲ្យមុនកាន់តែរីកធំលើផ្ទៃមុខ ដោយសារវាមានផ្ទុកជាតិស្ករច្រើន។ ដូច្នេះអ្នកគួរបរិភោគតិចតួចបានហើយ។

២. អាហារបំពង ឬ ចៀន

អាហារប្រភេទនេះបើអ្នកកាន់តែញ៉ាំ កាន់តែឡើងមុនច្រើនលើផ្ទៃមុខ ព្រោះវាសំបូរខ្លាញ់។ មិនតែប៉ុណ្ណោះ ក៏អាចធ្វើឲ្យធាត់បានដែរ ។

៣. នំប៉័ង

ដោយសារតែនំប៉័ងមានផ្ទុកសារធាតុម្យ៉ាងគឺ Gluten ដែលអាចធ្វើឲ្យរលាកដល់ប្រព័ន្ធរំលាយអាហារ និងមានទុក្ខទោសដល់ផ្ទៃមុខ ដែលជាហេតុបណ្តាលឲ្យកើតមុន។ មានមនុស្សមិនតិចទេ ចូលចិត្តញ៉ាំអាហារពេលធ្វើដំណើរ ជំនួសឲ្យការញ៉ាំបាយ ម្ហូប ដែលកាន់តែញ៉ាំនំប៉័ងច្រើន កាន់តែធ្វើឲ្យងាយកើតមុន យ៉ាងងាយស្រួល។

៤. គ្រឿងស្រវឹង

គ្រឿងស្រវឹង សុទ្ធតែកំពូលភេសជ្ជៈបណ្ដាលឲ្យកើតមុនយ៉ាងលឿនបំផុត។ នៅពេលអ្នកស្រាបៀរច្រើន អ្នកតែងឈឺបត់ជើងតូច ហើយពេលបត់ជើងតូចកាន់ទេច្រើន ជាតិទឹកក្នុងខ្លួនក៏កាត់បន្ថយដែរ ដែលនេះហើយធ្វើឲ្យអាចកើតមុនបាន ព្រោះបាត់សារជាតិទឹកច្រើនក្នុងខ្លួន។ មិនត្រឹមប៉ុណ្ណឹង វាក៏អាចធ្វើឲ្យអ្នកឈឺក ថែមទៀត។

ចុចអាន៖ មេរោគខ្លាំង! របស់១០យ៉ាងមិនត្រូវប្រើចូលគ្នាដាច់ខាត ទោះមនុស្សជិតស្និទ្ធយ៉ាងណាក៏ដោយ

ប្រភព៖ Spiceee ប្រែសម្រួល៖ លឹម សុនា