មន្ត្រីអគ្គិសនីចិនត្រូវពិន័យក្រោយចោលកន្លែងធ្វើការទៅមើលរឿង Avengers

2019-05-17 09:05:00
ចំនួនមតិ 0 | ចំនួនចែករំលែក 0

ប្រធាននាយកដ្ឋានអគ្គិសនីចិនមួយរូបត្រូវបានរងការពិន័យក្រោយទៅមើលកុនក្នុងម៉ោងធ្វើការជាមួយអ្នកនៅក្រោមឱវាទរបស់ខ្លួន។

កាលពីពេលថ្មីៗនេះ នៅប្រទេសចិន នៅពេលក្រុមត្រួតពិនិត្យវិន័យរបស់បក្សចុះមកត្រួតពិនិត្យវិន័យរបស់ទីស្នាក់ការមើលថែទាំអតិថិជន នៃក្រុមហ៊ុនអគ្គិសនី Hei He នៅខេត្ត Hei Long Jiang បានឃើញថា នៅសល់តែបុគ្គលិក២នាក់ប៉ុណ្ណោះដែលកំពុងនៅធ្វើការ ដោយទាំងអស់គ្នាដែលនៅសល់រួមទាំងប្រធាននាយកដ្ឋាន Zhang Dexin បាននាំគ្នាទៅមើលកំពូលខ្សែភាពយន្ត Avengers: Endgame អស់ហើយ។

តាមនោះដែរ ក្រុមត្រួតពិនិត្យខាងលើបានឲ្យដឹងថា ក្រោយពេលទទួលបានដំណឹង ពួកគេបានចុះមកត្រួតពិនិត្យភ្លាមៗ ហើយពិតជាដូចអ្វីដែលគេប្រាប់ពិតមែនថា គ្មានអ្នកនៅធ្វើការឡើយ។

ជាលទ្ធផល លោកប្រធាន Zhang ត្រូវបានពិន័យ និងត្រូវប្ដូរកន្លែងធ្វើការផងដែរ។ រីឯនាយកជាន់ខ្ពស់ លោក Han Dong ត្រូវសរសេរលិខិតសូមទោសដែលត្រួតពិនិត្យមន្ត្រីខ្លួនមិនបានល្អ និងមិនឲ្យបញ្ហាខាងលើកើតឡើងទៀតឡើយ៕