មនុស្សស្រីនឹងកើតមានភាពខុសគ្នា ៤ យ៉ាងពេលឈានដល់វ័យ ២០ និង ៣០ ឆ្នាំ
- 2019-05-16 07:05:00
- ចំនួនមតិ 0 | ចំនួនចែករំលែក 0
មនុស្សស្រីនឹងកើតមានភាពខុសគ្នា ៤ យ៉ាងពេលឈានដល់វ័យ ២០ និង ៣០ ឆ្នាំ
តើអ្នកមានធ្លាប់ឆ្ងល់ទេថាតើអ្នកនឹងក្លាយទៅជាបែបណានៅពេលដែលឆ្លងផុតវ័យ ២០ ឆ្នាំ? ហើយនេះជាអ្វីដែលអ្នករាយការណ៍ជនជាតិអាមេរិកម្នាក់បានចែករំលែកពីភាពខុសគ្នាដែលនាងបានដឹង នៅពេលដែលនាងយកវ័យ ៣០ ប្រៀបធៀបទៅនឹងកាលពី ១០ ឆ្នាំមុន។
ជីវិតមានការផ្លាស់ប្ដូរច្រើនរាប់មិនអស់
ពេលដែលខ្ញុំមានអាយុ ២០ ឆ្នាំ ខ្ញុំពិតជាមានទំនាក់ទំនងជាមួយនឹងមិត្តភក្តិច្រើនណាស់។ ពួកយើងទើបតែរៀនចប់ មានការងារធ្វើ ថែមទាំងនៅលីវទៀត ហើយកំពុងតែរៀនធ្វើជាមនុស្សពេញវ័យ។ ពួកយើងសើចសប្បាយ ធ្វើឆ្កួត ធ្វើឡប់ជាមួយគ្នា ហើយពេលខ្លះក៏យំជាមួយគ្នាក៏មាន។
ប៉ុន្តែឥឡូវ នៅពេលវ័យ ៣០ ឆ្នាំ ខ្ញុំនិងមិត្តភក្តិមានពេលនៅជាមួយគ្នាតិចបំផុត។ ខ្ញុំរៀបការរួច ហើយក៏ក្លាយជាម្ដាយគេទៀត ធ្វើការក្រៅម៉ោង ហើយរស់នៅជាយក្រុងទៀត។ មិត្តខ្ញុំនៅលីវនៅឡើយ ធ្វើការ ៦០ ម៉ោងក្នុងមួយសប្ដាហ៍ ហើយរស់នៅក្នុងទីក្រុង។ អ្នកគ្រប់គ្នាសុទ្ធតែមានជីវិតផ្ទាល់ខ្លួន ម្នាក់ៗផ្ដោតលើតែការងារ អ្នកខ្លះទើបរៀបការហើយក៏លែងគ្នា … នៅខាងក្រៅពួកគេទាំងអស់គឺខុសពីខ្ញុំ លើកលែងតែអាយុទេ។ ប៉ុន្តែមានការពិតមួយដែលខ្ញុំខុសពីពួកគេដាច់តែម្ដង។ ពួកគេនិងខ្ញុំ មានបទពិសោធន៍ខុសគ្នាក្នុងជីវិត។ ខ្ញុំបានដឹងថាស្នេហាត្រូវបានបង្កើតឡើងដោយអារម្មណ៍ សីលធម៌ និងបញ្ញាគួបផ្សំគ្នា។
សម្ពាធកាន់តែច្រើន ការប្រកួតប្រជែងកាន់តែខ្លាំង
បើអ្នកគិតថាវ័យ ២០ ឆ្នាំរបស់អ្នកគ្រាន់តែជាវ័យដែលអ្នកកំពុងតែធ្វើតេស្តសាកល្បង អ៊ីចឹងវ័យ ៣០ ឆ្នាំជាវ័យដែលអ្នកត្រូវចេញសម្ដែងពិតប្រាកដហើយ។ ភាពបរាជ័យពីមុនគួរតែបំភ្លេចចោល ឥឡូវដល់ពេលហើយដែលត្រូវរៀបចំព្រឹត្តិការណ៍ឲ្យជីវិតជាមួយនឹងដៃគូដៃគូដែលយល់ពីខ្លួនឯងច្បាស់ រៀបការ បង្កើតកូន ទិញផ្ទះ ហើយសាងសុភមង្គលឲ្យគ្រួសារ។
អ្នកដែលមិនទាន់បានជួបព្រឹត្តិការណ៍បែបនេះក្នុងជីវិតនឹងមានអារម្មណ៍ថាមិនទាន់គ្រប់គ្រាន់ទេ។ ពួកគេទាំងនោះកំពុងតែមានសម្ពាធ ហើយអាចនឹងកំពុងតែប្រកួតប្រជែងជាមួយមិត្តភក្តិក៏ថាបាន។ នៅអាយុ ២០ អ្នកអាចចាត់ទុកកំហុសខ្លួនឯងដូចជារឿងកំប្លែងធម្មតាបាន តែចូលដល់វ័យ ៣០ ហើយ អ្វីគ្រប់យ៉ាងគឺមិនដូចពីមុនទេ។
ផ្លាស់ប្ដូរការយល់ដឹងបានច្រើនជាងមុន
នៅអាយុ ២០ឆ្នាំ ខ្ញុំចំណាយពេលទំនេរទាំងអស់ទៅធ្វើអ្វីដែលខ្ញុំចូលចិត្ត។ ខ្ញុំដើរលេងដោយគ្មាននឿយហត់ ញ៉ាំរបស់ថ្លៃៗ ចាយលុយជាច្រើនលើសម្លៀកបំពាក់ កាបូប ស្បែកជើង … ខ្ញុំចូលចិត្តធ្វើអ្វីដែលខ្ញុំចង់ ដោយមិនបានដឹងពីអ្វីដែលខ្ញុំចង់បានពិតប្រាកដ។
តែឈានដល់អាយុប៉ុណ្ណេះ ខ្ញុំបានដឹងគ្រប់យ៉ាងច្បាស់ជាងមុន។ ដែលធ្វើឲ្យជីវិតល្អប្រសើរ ជួយខ្ញុំកំណត់បាននូវអ្វីដែលខ្ញុំត្រូវការពិតប្រាកដ។
វាគឺជាការផ្លាស់ប្ដូរដែលធ្វើឲ្យខ្ញុំមានទំនុកចិត្តកាន់តែខ្លាំង។ ហើយវាក៏ធ្វើឲ្យវ័យ ៣០ ឆ្នាំរបស់ខ្ញុំសប្បាយច្រើនជាងកាលពី ១០ ឆ្នាំមុន។
សម្រាប់ស្ត្រី អាយុ ៣០ ឆ្នាំជាវ័យដែលមានតម្លៃបំផុត
នៅពេលដែលអ្នកមានអាយុ ២០ ឆ្នាំអ្នកគឺជាមនុស្សដែលមានថាមពលខ្លាំងក្លានិងមានសុខភាពល្អ។ នៅពេលដែលអ្នកឃ្លានអ្នកនឹងមិនស្ទាក់ស្ទើរញ៉ាំនំដែលធ្វើឲ្យអ្នកធាត់ទេ កអ្នកក៏មិនឈឺដែរទោះបីត្រូវអង្គុយអស់ពេល ១២ ម៉ោងក៏ដោយ ហើយអាចពាក់ខោដែលរឹបៗបានទៀត។ ប៉ុន្តែនៅពេលដែលឈានដល់វ័យ ៣០ អ្វីៗចាប់ផ្ដើមផ្លាស់ប្ដូរ។ អ្នកមិនមែនចាស់ពេកទេ ប៉ុន្តែមានស្នាមជ្រួញខ្លះនៅលើថ្ងាសរបស់អ្នក។ អ្នកនឹងមិនអាចស្លៀកពាក់បានស្រួល និងនិយាយបានច្រើនដូចមុនទេ។
គ្មានអ្វីត្រូវបដិសេធបានទេដែលថានៅពេលដែលស្ត្រីចូលដល់វ័យ ៣០ ឆ្នាំ អាយុក្លាយជារឿងមួយដែលគួរឲ្យកត់សម្គាល់។ អ្នកកំពុងតែចាស់ទៅៗហើយ ហើយអ្នកក៏កំពុងតែប្រឆាំងនឹងការឈាន៕
ចុចអាន៖ ជីវិតអ្នក Single នឹងមានន័យបំផុតបើបានធ្វើរឿង ១០ យ៉ាងនេះ