មានអ្នកណាយល់ទេ ញ៉ាំច្រើនណាស់ដែរ តែរាងស្គមដូចគេបង្អត់បាយ

2019-05-09 06:50:00
ចំនួនមតិ 0 | ចំនួនចែករំលែក 0

តើមានអ្នកណាយល់ពីជម្រៅចិត្តនៃអ្នកដែលស្គមពីកំណើតនោះ? បើនិយាយពីសាច់ញ៉ាំវិញ ច្រើនជាងអ្នកធាត់ប៉ុន្មានដងទៅទៀត តែរាងសុទ្ធតែឆ្អឹង ចេញក្រៅម្ដងៗ គេស្មានតែអ្នកផ្ទះបង្អត់បាយ។

នៅលើលោកនេះ មនុស្សត្រូវបែងចែកជា២ក្រុមដោយឡែកនោះគឺ ក្រុមអ្នកញ៉ាំតិចយ៉ាងណា ឬគ្រាន់តែស្រូបខ្យល់អាកាសក៏ធាត់។ និងមួយក្រុមទៀតគឺទោះញ៉ាំច្រើនយ៉ាងណាក៏មានតែស្បែកគ្របឆ្អឹង។ ខណៈក្រុមអ្នកធាត់អាចមានលទ្ធភាពដើម្បីសម្រកគីឡូនោះ អ្នកដែលស្គមពីកំណើត និងមានរាងបែបមិនឡើយគីឡូ គឺទោះបីជាញ៉ាំច្រើនយ៉ាងណាក៏មិនមានសាច់មានឈាមនឹងគេដែរ។

ពេលខ្លះឮគេថា ស្គមពាក់អីក៏ស្អាតក៏លួងចិត្តខ្លួនឯងបានបន្តិច តែតាមការពិតមិនដូចនេះឡើយ ព្រោះនៅពេលស្គមពេក ស្លៀកអ្វីក៏ចេញឆ្អឹង ថែមទាំងត្រូវគេថារាបដូចថ្នល់ជាតិទៀត។ អ្នកស្គាល់គ្នាយូរមិនថាអីទេ តែបើជួបអ្នកទើបស្គាល់គេស្មានតែមានជម្ងឺប្រចាំកាយទៀត ព្រោះឃើញស្គមពេក។ ឃើញគេមានសាច់ឈាម ថ្ពាល់ឡើងស៊ីជម្ពូ បានត្រឹមតែលួចច្រណែន។

ឃើញដូចនេះ មិត្តភ័ក្ដិក៏ប្រាប់ឲ្យសាកប្រើថ្នាំឡើងគីឡូ តែគួរឲ្យស្ដាយ ចង់ថ្នាំធ្លាក់ពីឋានលើទៀតក៏គ្មានប្រសិទ្ធភាព។ ផលលំបាកមួយទៀតដែលអ្នកស្គមខ្លាំងតែងប្រទះនោះគឺ ពិបាករកទិញខោអាវ។ បើខោអាវស្លៀកត្រូវមានតែខោអាវកូនក្មេង។ មិនហ៊ាននិយាយប្រាប់គេទៀត ព្រោះខ្លាចគេសើចខ្មាសគេ។ តែក៏មិនដឹងធ្វើយ៉ាងម៉េច បើវាសនាយើងកើតមក ឡើងគីឡូនឹងគេមិនបានទៅហើយ៕