ចង់ចានក្បានប្រឡាក់ប្រេងខ្លាញ់ច្រើនយ៉ាងណាក៏ស្អាតភ្លឹងជាមួយវិធីលាងចានទាំងនេះ

2019-05-07 04:00:00
ចំនួនមតិ 0 | ចំនួនចែករំលែក 0

ចាប់ពីពេលនេះតទៅ ប្រសិនបើអ្នកភ្លេចខ្លួនហើយអស់សាប៊ូលាងចាន គឺលែងបារម្មណ៍ទៀតហើយ ដោយអាចប្រើរូបមន្តទាំងនេះមកជំនួស ហើយអាចទទួលបានលទ្ធផលល្អជាងទៀតផង។

១. លាងដោយទឹកក្ដៅអ៊ុនៗ ឬទឹកពុះ

ចំពោះខ្ទះ និងឆ្នាំងដែលប្រឡាក់ប្រេងខ្លាញ់យូរ ប្រសិនបើលាងជាមួយទឹកត្រជាក់ធម្មតាអាចមិនជ្រះ និងស្អាតទាំងស្រុងឡើយ។ ក្នុងករណីនេះ អ្នកអាចលាងជាមួយទឹកក្ដៅឧណ្ឌៗ ឬចំពោះចានឆ្នាំងដែលប្រឡាក់ប្រេងខ្លាញ់យូរ អ្នកអាចជាមួយទឹកពុះសិនមុននឹងលាង នោះប្រេងខ្លាញ់ និងរបូតចេញដោយខ្លួនឯង នៅពេលប៉ះទឹកពុះ។

២. ទឹកខ្មេះ

ទឹកខ្មេះគឺជាគ្រឿងផ្សំដែលអាចរកឃើញក្នុងគ្រប់ផ្ទះបាយទាំងអស់។ ក្រៅពីធ្វើម្ហូប ទឹកខ្មេះក៏ជាភ្នាក់ងារលាងជម្រះចានឆ្នាំងបានយ៉ាងល្អ។ អ្នកគ្រាន់តែចាក់ទឹកខ្មេះ២ ៣ស្លាបព្រាចូលរាវលាងចាន និងត្រាំចោលបន្តិច ក្រោយមកដុះថ្នមៗ នោះជាតិរអិលនឹងចេញដោយងាយ។

៣. Baking Soda

អ្នកណាក៏ដឹងដែរថា Baking Soda ត្រូវបានប្រើប្រាស់ក្នុងការសម្អាតយ៉ាងទូលំទូលាយ។ មិនត្រឹមតែលាងចានឆ្នាំងយ៉ាងស្អាតទេ ជាតិកាត់ក្នុង Baking soda អាចសម្លាប់មេរោគដែលទុំលើចានឆ្នាំងរបស់អ្នកផងដែរ។

៤. ក្រូចឆ្មា

យើងអាចសង្កេតឃើញថា នៅលើទីផ្សារបច្ចុប្បន្ន ស្ទើរតែ១០០%ទៅហើយដែលសាប៊ូលាងចាន ត្រូវបានផ្សំឡើងដោយក្រូចឆ្មា។ ដូចនេះហើយ ប្រសិនបើអ្នកប្រើផ្លែនេះមកលាងចាន ប្រសិទ្ធិភាពនឹងកើនទ្វេដង។ វិធីប្រើក៏ងាយដូចគ្នា ដោយអ្នកគ្រាន់តែច្របាច់ក្រូចយកទឹកទៅលាយក្នុងកូនចានមួយ រួចមកប៉ុងមកលាងជាការស្រេច។ ចង់ប្រេងខ្លាញ់រឹងក្បាលយ៉ាងណាក៏មិនអាចទប់ឈ្នះដែរ៕

ចុចអាន៖ អាហារ ១១ មុខនេះតិចច្រឡំដាក់ក្នុងទូទឹកកក ដឹងតែខូចខ្ទេចហ្មង

ប្រភព៖ Phunutoday ប្រែសម្រួល៖ Caramel