ទម្លាប់អាហារខោអាវខុសបច្ចេកទេសរាល់ថ្ងៃបែបនេះ អាចសម្លាប់គ្រួសារអ្នកបាន
- 2019-05-03 02:05:00
- ចំនួនមតិ 0 | ចំនួនចែករំលែក 0
ទម្លាប់អាហារខោអាវខុសបច្ចេកទេសរាល់ថ្ងៃបែបនេះ អាចសម្លាប់គ្រួសារអ្នកបាន
ទម្លាប់ហាលខោអាវដែលអ្នកតែងអនុវត្ត ហើយគិតថាគ្មានគ្រោះថ្នាក់អ្វីសោះនោះ តាមការពិតកំពុងផ្ទុកនូវហានិភ័យយ៉ាងច្រើន។ ខាងក្រោមនេះគឺជាទម្លាប់ហាលខោអាវដែលអាចប៉ះពាល់ដល់សុខភាពក្នុងរដូវក្ដៅ ដែលអ្នកអាចកំពុងអនុវត្តខុស។
១. ហាលខោអាវខាងបញ្រ្ចាស
អ្នកណាក៏គិតថាហាលខោអាវខាងបញ្រ្ចាសគឺល្អ ព្រោះនឹងធ្វើឲ្យខោអាវប្រើបានយូរ និងឆាប់ស្ងួត តែតាមការពិត នេះមិនត្រូវទាំងស្រុងឡើយ។ នៅពេលយើងហាលខាងបញ្ច្រាស ខាងបញ្ច្រាសនេះហើយ ដែលជាផ្នែកដែលប៉ះនឹងស្បែករបស់យើងផ្ទាល់។
កំឡុងពេលហាលនេះ នឹងមានមេរោគ ក៏ដូចជាសត្វល្អិតដែលមើលមិនឃើញមកទុំលើ។ សម្រាប់ផ្ទះដែលមានដាំដើមឈើច្រើនទៀតនោះ នឹងរឹតតែជាជម្រកដ៏ល្អសម្រាប់សត្វល្អិត។ នៅពេលយកមកពាក់លើខ្លួន មេរោគនេះអាចជ្រាបចូលខ្លួន ឬសត្វល្អិតអាចទិច ឬខាំបង្ករឲ្យរមាស់ កន្ទួលជាដើម។
២. មិនពូតខោអាវមុនហាល
មនុស្សជាច្រើនគិតថា ពូតខោអាវមុនហាលនឹងធ្វើឲ្យខោអាវជ្រួញ ដូចនេះពួកគេទុកទឹកទាំងស្រុង ក្រោយលើកទឹកចុងក្រោយដាក់ហាល។ យ៉ាងណាក៏ដោយ ការហាលបែបនេះ គួបផ្សំនឹងអាកាសធាតុស្អុះស្អាប់ក្នុងខែក្ដៅ នឹងធ្វើឲ្យខោអាវអ្នកក្លាយជាជម្រកដ៏ប្រពៃសម្រាប់មេរោគជាច្រើន។ មិនត្រឹមតែប៉ុណ្ណោះ បើហាលចំកន្លែងមិនមានពន្លឺគ្រប់គ្រាន់ ខោអាវរបស់អ្នកនឹងមានក្លិនផ្អួលផងដែរ។
៣. ហាលខោអាវពេលយប់
ដោយសារតែគ្មានពេលទំនេរពេលថ្ងៃ ទើបមនុស្សជាច្រើនត្រូវបោក និងហាលខោអាវពេលយប់។ គួរឲ្យសោកស្ដាយ នៅពេលយប់ សីតុណ្ហភាពធ្លាក់ចុះ សំណើមកើនឡើង ក៏ជាពេលដែលមេរោគគ្រប់ប្រភេទងាយកើតបំផុតផងដែរ។ ការហាលខោអាវពេលយប់ ក៏ងាយធ្វើឲ្យខោអាវដុះផ្សិត ស្នឹម និងមានក្លិនផ្អួលថែមទៀត៕