កុំរៀបការនឹងមនុស្សដែលអ្នកត្រូវការ សូមរៀបការនឹងមនុស្សអ្នករស់ខ្វះមិនបាន
- 2019-05-02 03:15:00
- ចំនួនមតិ 0 | ចំនួនចែករំលែក 0
កុំរៀបការនឹងមនុស្សដែលអ្នកត្រូវការ សូមរៀបការនឹងមនុស្សអ្នករស់ខ្វះមិនបាន
ពួកយើងបានឆ្លងផុតហើយ សម័យកាលដែលប៉ាម៉ាក់ជាអ្នកតម្រូវគ្រប់យ៉ាងតាំងពីរឿងជីវិតអាពាហ៍ពិពាហ៍ ដូចនេះហើយ យើងមានសិទ្ធិពេញលេញរើសមនុស្សដែលខ្លួនចង់រៀបការជាមួយ។ អ៊ីចឹងត្រូវយកមនុស្សដែលខ្លួនរស់ខ្វះមិនបាន។
មនុស្សយើងងាយច្រឡំរវាងអ្វីដែលខ្លួនត្រូវការ អ្វីដែលខ្លួនចង់បាននិងអ្វីដែលខ្លួនមិនអាចរស់ខ្វះបាន នោះគឺជាបីយ៉ាងដែលខុសគ្នាស្រឡះ និងស្ថិតនៅបីកម្រិតខុសគ្នា។
អ្វីដែលអ្នកចង់បានគ្រាន់តែជាអ្វីដែលមួយរំពេច នៅពេលណាមួយអ្នកនឹងភ្លេចពីវា និងចង់បានអ្វីមួយផ្សេងទៀត។ អ្វីដែលអ្នកត្រូវការ គឺអាចជួយអ្នកបាន ជួយដោះស្រាយអ្នកនៅក្នុងគ្រាលំបាកណាមួយ។ តែអ្វីដែលអ្នកមិនអាចរស់បាននោះគឺស្ថិតនៅ២យ៉ាងនេះទាំងអស់។ ប្រៀបដូចជាខ្យល់អាកាស ប្រសិនជាគ្មានវាទេ គឺយើងមិនអាចរស់បានឡើយ។
ប្រសិនបើត្រូវឈររវាងមនុស្សដែលខ្ញុំត្រូវការ និងមនុស្សដែលខ្ញុំមិនអាចរស់ខ្វះបាន ខ្ញុំប្រាកដជារើសមនុស្សដែលមិនអាចខ្វះបានហើយ។ កើតជាមនុស្សស្រី សួរថាមានអ្នកណាដែលមិនត្រូវការបុរសដែលខ្លួនពិតប្រាកដនោះ។ តាំងពីចាប់កំណើតមក គឺយើងទន់ខ្សោយ ងាយសង្ស័យ និងព្រួយបារម្ភច្រើន។ ខ្ញុំមិនខ្លាចភាពឯកា តែខ្លាចការបោកប្រាស់ច្រើនជាង។ បើជួបមនុស្សម្នាក់ដែលអាចផ្ដល់ការទុកចិត្តឲ្យខ្ញុំបាន ខ្ញុំនឹងស្ងប់ចិត្តពេលនៅក្បែរគេ។
ជំនឿទុកចិត្តធ្វើឲ្យប៉ះទង្គិចដល់អារម្មណ៍របស់យើងយ៉ាងខ្លាំង។ មិនត្រឹមតែធ្វើឲ្យយើងចង់នៅក្បែរគេនោះទេ តែវានឹងធ្វើឲ្យយើងមានអារម្មណ៍នថា ឲ្យតែគេដើរចេញទៅ យើងនឹងមានអារម្មណ៍មិនសុវត្ថិភាព។
ស្រលាញ់គ្នា ចំពោះអ្នកខ្លះគឺជារឿងដ៏ងាយស្រួលមួយ។ ឲ្យតែមានអារម្មណ៍គឺស្រលាញ់ភ្លាម។ តែមានរឿងមួយដែលមិនងាយស្រួលសម្រាប់មនុស្សគ្រប់គ្នានោះគឺអាពាហ៍ពិពាហ៍។ មូលហេតុអីដែលមនុស្សកាន់តែច្រើនរើសយកការរស់នៅម្នាក់ឯង ព្រោះដោយសារតែចំពោះពួកគេ មង្គលការគឺជាអ្វីមួយដែលធំខ្លាំង ហើយពួកគេមិនហ៊ានប្រថុយនឹងវា។
ដើម្បីរៀបការនឹងមនុស្សម្នាក់ ត្រូវមើលថា តើគេប្រៀបដូចជាខ្យល់អុកស៊ីសែនដែរឬអត់ គឺថាយើងអាចរស់ខ្វះគេឬអត់ ឬមានគេក៏បាន មិនមានក៏បាន? បើយើងតេស្តទៅឃើញថា មានគេក៏បាន អត់គេក៏បាននោះ មិនបាច់ទាន់ដើរដល់ជំហានរៀបការនឹងគ្នាអី ព្រោះអ្នកមិនទាន់ត្រៀមខ្លួនរួចរាល់ឡើយ។ នៅពេលយើងមានជម្រើសគ្រប់គ្រាន់ដើម្បីរើសយកអ្វីដែលខ្លួន ពេញចិត្តហើយ ដូចនេះត្រូវធ្វើយ៉ាងម៉េចកុំឲ្យស្ដាយក្រោយជាមួយការសម្រេចចិត្តរបស់ខ្លួន ព្រោះយើងនឹងជាអ្នកទទួលខុសត្រូវលើវាទាំងស្រុង៕