គ្រួសារហាមឃាត់មិនឲ្យទាក់ទងសង្សារ ៤វិធីនេះអាចយកឈ្នះបាន

2019-04-29 08:30:00
ចំនួនមតិ 0 | ចំនួនចែករំលែក 0

មានគូស្នេហ៍ជាច្រើន ទោះបីជាស្រលាញ់គ្នាពិតតែនៅតែមិនអាចបាននៅក្បែរគ្នាដោយសារតែគ្មានការគាំទ្រពីសំណាក់អ្នកមានគុណ។ តែសួរថាមានឪពុកម្ដាយឯណាដែលមិនស្រលាញ់កូននោះ។ ពួកគាត់តែងចង់ឲ្យកូនខ្លួនមានសុភមង្គលជានិច្ច។ មូលហេតុដែលគាត់ហាមឃាត់អ្នកនោះអាចមកពីគាត់ខ្លាចកូនខ្លួនមិនទាន់ដឹងក្ដីគ្រប់គ្រាន់ ដូចនេះដើម្បីឲ្យពួកគាត់បើកចិត្តចំពោះរឿងស្នេហាអ្នក អ្នកត្រូវបង្ហាញថាជម្រើសរបស់ខ្លួនគឺត្រឹមត្រូវដោយវិធីខាងក្រោម៖

១. កុំយល់ខុសពីពាក្យកត្តញ្ញូ

ឪពុកម្ដាយជាអ្នកមានគុណបង្កើតយើងមក តែមិនមានន័យថាគាត់អាចសម្រេចត្រូវនូវសុភមង្គលរបស់យើងឡើយ។ ការដែលគាត់ជ្រៀតជ្រែកចូលតាំងពីរឿងមនោសញ្ចេតនាបែបនេះ គឺកំពុងតែបំពានសិទ្ធិបុគ្គលរបស់កូនៗ។ អ្នកគ្រប់គ្នាមិនគួរយល់ខុសពីអត្ថន័យនៃពាក្យកត្តញ្ញូឡើយ។ ព្រោះរឿងទាំង២នេះមិនពាក់ព័ន្ធនឹងគ្នាឡើយ។

២. ផ្ដល់កម្លាំងចិត្តដល់ដៃគូ

ទោះបីជាអ្នកផ្ទះប្រឆាំងដាច់អហង្កាយ៉ាងណាក៏ដោយ តែប្រសិនបើអ្នកផ្ដល់ទំនុកចិត្តឲ្យដៃគូយើងបាននោះ គឺនឹងក្លាយមិត្តរួមដំណើរដ៏រឹងមាំនៅពេលខាងមុខ។ ដើម្បីឈ្នះចិត្តអ្នកផ្ទះ មុនដំបូង ដៃគូរបស់អ្នក និងអ្នកត្រូវតែរឹងមាំជាមុនសិន ទើបមានឱកាសពន្យល់ បកស្រាយប្រាប់គ្រួសារបាន។

៣. ស្វែងរកការគាំទ្រពីអ្នកជុំវិញ

ទោះបីជាគំនិតប្រឆាំងរបស់គ្រួសារមាំយ៉ាងណាក៏ដោយ ប៉ុន្តែនៅពេលមតិរបស់សមាជិកដទៃទៀតចូលរួមដែរនោះ គំនិតរបស់ពួកគាត់អាចផ្លាស់ប្ដូរទាំងស្រុង។ ក្នុងករណីដែលយើងពន្យល់ប៉ាម៉ាក់មិនបាន យើងអាចរកជំនួយពីពូមីង តាយាយ បងប្អូនដើម្បីជួយបញ្ចុះបញ្ចូលបន្ថែម ដើម្បីមានមតិស្រប ច្រើនជាងមិតប្រឆាំង។

៤. ព្យាយាមគង់បានសម្រេច

នៅពេលត្រូវគ្រួសារបដិសេធពីចំណងមនោសញ្ចេតនារបស់អ្នកភ្លាម មិនត្រូវបាក់ទឹកចិត្តភ្លាមនោះឡើយ។ ប្រសិនបើគ្រួសារឃើញថា អ្នកក៏លែងមានទឹកចិត្តនឹងស្នេហាហើយនោះ ពួកគាត់នឹងរឹតតែបានចិត្ត ចង់បំបែកអ្នកលើសដើម។ ដូចនេះហើយ យើងត្រូវរក្សាចំណងរបស់ខ្ឡួនឲ្យរឹងមាំ និងប្រើពេលច្រើនដើម្បីពន្យល់ប្រាប់គាត់ថាជម្រើសដែលខ្លួនជ្រើសគឺត្រឹមត្រូវ ហើយពេលវេលានឹងជាអ្នកបញ្ជាក់គ្រប់យ៉ាង៕

ប្រភព៖ Spiceee ប្រែសម្រួល៖ Caramel