បង្ហើបមូលហេតុអ្នកខ្លះគ្រាន់តែឃើញឈាម ទន់ដៃទន់ជើងចង់សន្លប់

2019-04-30 02:10:00
ចំនួនមតិ 0 | ចំនួនចែករំលែក 0

ប្រសិនបើអ្នកឃើញឈាមហើយភ័យស្លន់ស្លោរដោយមិនដឹងមូលហេតុនោះ អ្នកអាចរកឃើញមូលហេតុនៃភាពភ័យខ្លាចនេះខាងក្រោម។

ខុសពីក្នុងភាពយន្ត មនុស្សយើងគ្រប់រូបមិនមែនអ្នកក្លាហានហ៊ានប្រឈមមុខនឹងអំពើហិង្សានោះឡើយ ជាពិសេសគឺមើលឃើញឈាមតែម្ដង។ រហូតដល់ថ្នាក់ អ្នកខ្លះគ្រាន់តែឃើញភ្លាម សន្លប់ភ្លែតក៏មាន។

យោងតាមការពិសោធន៍ ប្រជាជនលើពិភពលោកប្រមាណ ៣.៥% ដែលមានភាពភ័យខ្លាចរបួសឈាម (blood-injection-injury phobia)។ ស្ថានភាពនេះ ធ្វើឲ្យពួកគេខ្លាចដល់កំពូល រហូតដល់ថ្នាក់សន្លប់បាត់បង់ស្មារតី។ បើធ្ងន់ធ្ងរជាងនេះ ពួកគេនឹងបាត់បង់ស្មារតី គិតអ្វីលែងចេញ គឺនៅភាំងតែម្ដង។

យោងតាមការពិសោធន៍ពីសកលវិទ្យាល័យ John Hopkins សហរដ្ឋអាមេរិក ភាពភ័យខ្លាចឈាមនេះ គឺជាការភ័យខ្លាចតែមួយគត់ដែលធ្វើឲ្យបេះដូងដើរយឺត ខុសពីការភ័យខ្លាចដទៃដែលធ្វើឲ្យបេះដូងលោតញាប់។ ដោយឡែក អ្នកវិទ្យាសាស្ត្របង្ហាញមូលហេតុនៃការខ្លាចឈាមនេះគឺមកពី នៅសម័យមុន នៅពេលឃើញមានគ្រោះថ្នាក់ខិតជិតចូលមកដល់ មនុស្សពេលនោះតែងធ្វើពុតជាស្លាប់ដើម្បីយករួចខ្លួន។ អាស្រ័យហេតុនេះហើយ ប្រសិនបើនៅសម័យនេះ អ្នកឃើញឈាមហើយចង់សន្លប់ នោះគឺជារឿងធម្មតាដែរ ព្រោះវាគ្រាន់់តែជាប្រតិកម្មការពារខ្លួនឯងពីគ្រោះថ្នាក់តែប៉ុណ្ណោះ៕

ចុចអាន៖ អាហារធម្មតា ៤ ប្រភេទធ្វើឲ្យកើតជំងឺរលាក និងមហារីកពោះវៀន

ប្រភព៖ Kenh14 ប្រែសម្រួល៖ Caramel