មានសង្សារហើយ ហេតុអ្វីចូលមករញ៉េរញ៉ៃក្នុងជីវិតខ្ញុំទៀត?
- 2019-04-26 10:30:00
- ចំនួនមតិ 0 | ចំនួនចែករំលែក 0
មានសង្សារហើយ ហេតុអ្វីចូលមករញ៉េរញ៉ៃក្នុងជីវិតខ្ញុំទៀត?
បើអ្នកមានសង្សាររួចហើយ សូមកុំចូលមកពាក់ព័ន្ធក្នុងជីវិតដ៏ឯកោរបស់នារីម្នាក់ ដែលមានបេះដូងស្មោះត្រង់ ព្រោះវាមិនបានជួយឲ្យចំណងនេះទៅមុខទេ តែដូចអ្នកកំពុងរុញនាងចូលក្នុងជ្រោះជ្រៅ ខ្មៅងងឹត ហៅមិនឮដូច្នោះដែរ។
ការយកចិត្តទុកដាក់ បារម្ភ និងតែងតែឆាតមករាល់ថ្ងៃ ជជែកគ្នាលេងឲ្យនាងសប្បាយចិត្ត សុទ្ធតែជាអនុស្សាវរីយ៍ដែលនាងចងចាំទាំងមិនដឹងខ្លួនថា វាគ្រាន់ជាអំពើក្លែងក្លាយដែលអ្នកធ្វើឡើង។ អ្នកបានផ្ដល់ក្ដីសង្ឃឹមយ៉ាងធំធេង ស្នាមញញឹម និងភាពរីករាយឲ្យនាង ហើយនាងវិញក៏គិតថា នេះជាការពិត និងទុកអ្នកក្នុងបេះដូងរបស់នាងតែមួយគត់។
វត្តមានរបស់អ្នកចូលក្នុងជីវិតនាង មានសារៈសំខាន់ណាស់ ហើយនាងស្ទើរតែមិនជឿថា អ្វីដែលនាងកាន់តែជឿជាក់បំផុតនោះ គឺជាការបោកប្រាស់យ៉ាងសហាវបំផុតដែរ។ តាមពិត អ្នកមានសង្សាររួចហើយ ហើយអ្នកនិងគេក៏មិនទាន់បែកគ្នាដែរ អ្នកស្រលាញ់សង្សារអ្នកខ្លាំងណាស់ ចុះហេតុអ្វីអ្នកចូលមកក្នុងជីវិតបេះដូងនារីឯកាម្នាក់ ធ្វើដូចស្រលាញ់នាងមែនទែន? អ្នកថែមទាំងធ្លាប់និយាយរឿងអនាគតជាមួយនាងទៀតផង ហេតុអ្វីធ្វើដូចមែនទែន បើអ្នកគ្រាន់តែលេងសើចជាមួយនាង?
បើអ្នកគ្រាន់តែចង់សម្ដែងកុន ហើយបន្ទាប់មកក៏ចាកចេញទៅវិញ សូមយកពេលវេលានោះ ទៅចំណាយពេលជាមួយសង្សាររបស់អ្នកវិញល្អជាង ព្រោះនាងជាមនុស្សមានបេះដូង ចេះឈឺចាប់ ចេះយំ ។ បើអ្នកមានសង្សាររួចហើយ សូមកុំធ្វើដូចខ្លួនឯងទំនេរគ្មានគូ មកស្រលាញ់នារីផ្សេងៗតាមតែចិត្តបែបនេះ។ យ៉ាងហោចណាស់ ក៏គួរអាណិតសង្សាររបស់អ្នកដែលនាងមិនដឹងថា សង្សាររបស់នាងជាព្រាននារី មាននាងហើយ នៅលួចទាក់ទាក់ទងនារីផ្សេងទៀត។ មុនពេលអ្នកចាស់ស្លាប់ទៅ សូមទុក Credit សម្រាប់ខ្លួនឯងផង៕
ចុចអាន៖ នៅពេលដែលអ្នកចេះស្រឡាញ់ខ្លួនឯងអ្នកនឹងដឹងថាពិភពលោកនេះស្រស់ស្អាត