ទីតាំង៤កន្លែងក្នុងផ្ទះ មិនគួរព្យួរនាឡិកា បើមិនចង់ឲ្យគ្រួសារហិនហោច

2019-04-26 03:10:00
ចំនួនមតិ 0 | ចំនួនចែករំលែក 0

ទោះបីជាត្រូវគេចាត់ទុកថារបស់មានប្រយោជន៍ ព្រោះអាចមើលពេលវេលាបានក៏ដោយ តែនាឡិកាត្រូវបានគេវាយតម្លៃថាជាវត្ថុឆុងនឹងហុងស៊ុយច្រើន ដែលមិនមែនចេះតែព្យួរនៅទីណាក៏បាននោះទេ។ ព្រោះបើព្យួរខុសកន្លែង នាឡិកានឹងធ្វើឲ្យគ្រួសាររបស់អ្នកចលាចល និងមានរឿងឥតល្ហែ។ ខាងក្រោមនេះគឺជាទីតាំងទាំង៤កន្លែងដែលមិនគួរព្យួរនាឡិកា។

១. ព្យួរលើបង្អួច

នៅក្នុងភាសាចិន ពាក្យ “zhong” ក្នុងពាក្យនាឡិកា មានន័យថាបញ្ចប់ ដូចនេះហើយប្រសិនបើព្យួរលើបង្អួចដែលជាប្រភពនៃថាមពលរបស់ផ្ទះនោះ នឹងធ្វើឲ្យថាមពលមិនអាចចូលផ្ទះបាន។ សកម្មភាពនេះនឹងធ្វើឲ្យម្ចាស់ផ្ទះមានអារម្មណ៍ថា ពេលវេលាចេះតែដើរលឿនទៅមុខទាំងខ្លួនមិនសម្រេចបានអ្វីទាំងអស់ ធ្វើឲ្យគ្រប់គ្នារងសម្ពាធ។

២. ព្យួរលើក្បាលដំណេកបន្ទប់គេង

នាឡិកាព្យួរលើក្បាលដំណេកបន្ទប់គេង នឹងធ្វើឲ្យម្ចាស់បន្ទប់រសាប់រសល់ដោយសារសំឡេងដែលបង្ករឡើង ធ្វើឲ្យពិបាកផ្ចង់អារម្មណ៍គេង ងាយកើតស្ត្រេស។ បើម្ចាស់បន្ទប់ចង់ព្យួរនាឡិកា ដាច់ខាតត្រូវជៀសវាងក្បាលដំណេកចេញ បើមិនចង់នាំទុក្ខដល់ខ្លួន។

៣. ជៀសវាងដាក់នាឡិកាបែរចូលផ្ទះ

នាឡិកាជួយជម្រុញឲ្យបរិយាកាសបានដើរស្រួល ធ្វើឲ្យបន្ទប់រស់រវើក។ ដូចនេះ គួរដាក់មុខនាឡិកាបែរទៅក្រៅ ឬវេររ៉ង់ដាគឺល្អបំផុត។ ការព្យួរដូចនេះ នឹងជួយឲ្យនាឡិកាអូសទាញលាភសំណាងចូលក្នុងផ្ទះ។ បើដាក់នាឡិកាបែរចូលផ្ទះ នឹងមិនបានប្រយោជន៍អ្វីទាំងអស់។

៤. ព្យួរនៅលើសាឡុង

នៅក្នុងបន្ទប់ភ្ញៀវ តែងមានឈុតសាឡុងអង្គុយ។ អ្នកមិនគួរព្យួរនាឡិកាខាងលើឈុតសាឡុងនេះឡើយ ព្រោះនាឡិកានឹងបង្ករសម្ពាធទៅលើអ្នកអង្គុយខាងក្រោម។ ទីតាំងនេះក៏ជាទីតាំងដែលនឹងបង្ករដល់ហុងស៊ុយសុខភាពរបស់ម្ចាស់ផ្ទះដូចគ្នា៕

ចុចអាន៖ ត្រណមទាំង ៤គួរធ្វើតាមដាច់ខាតពេលសង់ផ្ទះ បើមិនចង់ឲ្យផ្ទះនៅមិនកើត លក់មិនចេញ

ប្រភព៖ Eva ប្រែសម្រួល៖ Caramel