ស្រលាញ់មិត្តរួមថ្នាក់ពេលសុភមង្គលដឹង២នាក់ ពេលបែកគ្នាត្រូវប្រឈមមួយថ្នាក់
- 2019-04-24 02:40:00
- ចំនួនមតិ 0 | ចំនួនចែករំលែក 0
ស្រលាញ់មិត្តរួមថ្នាក់ពេលសុភមង្គលដឹង២នាក់ ពេលបែកគ្នាត្រូវប្រឈមមួយថ្នាក់
មានស្នេហានៅទីណាក៏អាចលាក់បានដែរ លើកលែងតែក្នុងថ្នាក់រៀន ព្រោះទោះអ្នកខំលាក់យ៉ាងណាក៏ដោយ ក៏មិត្តរួមថ្នាក់ជីកកកាយចេញទាល់តែដឹងដែរ។ ដល់ពេលដឹងហើយ គឺចាំឲ្យថ្ងៃអ្នកបែកគ្នាទេ ដើម្បីបានចំអក។
អាចនិយាយបានថា កន្លែងដែលយើងគ្រប់គ្នាងាយរកបានស្នេហាជាងគេនោះគឺថ្នាក់រៀននេះហើយ។ នៅក្បែរគ្នាព្រឹកល្ងាច ធ្វើអ្វីក៏ជាមួយគ្នា បើមិនកើតមនោសញ្ចេតនាទើបចម្លែក។ តាមការពិត មានមនុស្សម្នាក់ដើម្បីធ្វើជាកម្លាំងចិត្ត ដើម្បីពុះពារទៅមុខជាមួយគ្នា ក៏គ្មានអ្វីទាស់ខុសដែរ។ មិនត្រឹមតែប៉ុណ្ណោះ ស្រលាញ់មិត្តរួមថ្នាក់ក៏ជួយឲ្យអ្នកងាយស្រួលគ្រប់គ្រងមនោសញ្ចេតនាផងដែរ ព្រោះគ្រប់សកម្មភាពរបស់គេ ក៏ដូចជារបស់យើង សុទ្ធតែត្រូវលាតត្រដាងទាំងអស់ មិនអាចលាក់បាំងបានឡើយ។
យ៉ាងណាក្ដី ជ្រុលស្រលាញ់មិត្តរួមថ្នាក់ក៏មានបញ្ហាច្រើនមិនតិចដែរ។ សាកគិតមើល បែកគ្នាហើយ តែថ្ងៃណាក៏ឃើញមុខគ្នា ចង់គេចក៏មិនបាន ងាកទៅណាក៏ឃើញ តើមានអារម្មណ៍យ៉ាងណាវិញ?
មិនត្រឹមតែប៉ុណ្ណោះ នៅពេលស្រលាញ់មិត្តរួមថ្នាក់ ដឹងរឿងរបស់អ្នកទាំង២ ពេលណាក៏ត្រូវមនុស្សពេញមួយថ្នាក់ចាប់អារម្មណ៍ដែរ។ រាល់សកម្មភាពរបស់អ្នក នឹងត្រូវគេចាំឃ្លាំជានិច្ច ទាំងរឿងយើងបង្ហោះលើបណ្ដាញសង្គម គ្មានទាក់ទងអីនឹងរឿងស្នេហាសោះ ក៏ត្រូវពួកគេផ្សារភ្ជាប់មករឿងស្នេហាដែរ។
ពេលមានសុភមង្គល ទោះតិចឬច្រើន ក៏ដឹងតែ២នាក់ តែដល់ពេលបែកគ្នា ទោះមិនដឹងជាមកពីហេតុផលអ្វីក៏ដោយ ក៏រាប់សិបនាក់ដទៃចាំចម្អកដែរ ទោះក្នុងន័យល្អ ឬពេបជ្រាយគឺគេចមិនផុតឡើយ៕
ចុចអាន៖ គិត ៤ ចំណុចនេះឲ្យច្បាស់សិន មុនសម្រេចចិត្តស្រលាញ់បុរសណាម្នាក់