លេចចេញ១០សញ្ញានេះ បង្ហាញថាអ្នកចង់បញ្ចប់មនោសញ្ចេតនា តែមិនហ៊ាននិយាយ
- 2019-04-18 02:00:00
- ចំនួនមតិ 0 | ចំនួនចែករំលែក 0
លេចចេញ១០សញ្ញានេះ បង្ហាញថាអ្នកចង់បញ្ចប់មនោសញ្ចេតនា តែមិនហ៊ាននិយាយ
មិនមែនមានតែមនុស្សប្រុសទេដែលធុញទ្រាន់ និងចង់បញ្ឈប់ស្នេហាមួយ ព្រោះនៅពេលឆ្អែតចិត្ត ឬលែងមានសេចក្ដីសុខក្នុងមនោសញ្ចេតនាណាមួយ មនុស្សស្រីក៏ចង់បញ្ចប់ចំណងមនោសញ្ចេតនាមួយដែរ។ តែដោយហេតុផលណាមួយ ពួកគេមិនអាចបង្ហើបមាត់និយាយចេញមកបាន ធ្វើឲ្យខ្លួនធ្លាក់ចូលស្ថានភាពកុហកខ្លួនឯង។
ខាងក្រោមនេះគឺជាសញ្ញាបង្ហាញថា អ្នកលែងអាល័យស្នេហាមួយនេះហើយ តែមិនដាច់ចិត្តនិយាយចេញមក៖
១. អារម្មណ៍ផ្លាស់ប្ដូរមិនប្រក្រតី
អ្នកលែងមានអារម្មណ៍ផ្ញើសារ និងនិយាយទូរសព្ទរាប់ម៉ោងជាមួយគ្នាទៀតហើយ។ អារម្មណ៍របស់ចំពោះគេនៅពេលនេះគឺហីហី កំបុតៗ។ សម្ដីរបស់គេនិយាយហាក់លែងចូលត្រចៀកទៀត ឬអាក្រក់ជាងនេះទៀត គឺអ្នកតែងចង់ឈ្លោះជាមួយគេជានិច្ច។
២. គេចពីគេ
មានភាពងាយស្រួលខ្លាំងណាស់ ដើម្បីដឹងថា អារម្មណ៍របស់អ្នកជាមួយគេនៅដូចដើមឬអត់។ នៅពេលអ្នកចាប់ផ្ដើមលែងបង្ហាញសកម្មភាពចាប់អារម្មណ៍នឹងគេ ក៏ដូចជាចាប់ផ្ដើមគេចវេសពីគេហើយ មានន័យថា អារម្មណ៍របស់អ្នកចំពោះគេបានប្រែប្រួលហើយ។
៣. ពេលនៅក្បែរគេ អ្នកមានអារម្មណ៍ថាធុញទ្រាន់
ស្រលាញ់គ្នា បាននៅក្បែរគ្នា គឺជាការចង់បានរបស់គ្រប់គូស្នេហ៍។ ផ្ទុយមកវិញ ប្រសិនបើអ្នកមានឱកាសបាននៅក្បែរគេហើយ តែបែរជាមានអារម្មណ៍ធុញទ្រាន់ ហើយបន់ឲ្យតែឆាប់ចប់ នឹងអាលបានទៅផ្ទះរៀងខ្លួនវិញនោះ មានន័យថា អ្នកលែងអាល័យស្នេហាមួយនេះហើយ គឺនៅតែចាំពេលនិយាយពាក្យថាបែកប៉ុណ្ណោះ។
៤. គេលែងជាជម្រើសទី១សម្រាប់អ្នក
មនុស្សដែលអ្នកធ្លាប់គិតដល់ទី១រាល់ពេលក្រោកពីដំណេកគឺធ្លាប់ជារូបគេ តែបច្ចុប្បន្នគេលែងជាជម្រើសទី១ហើយ។ រាល់ព័ត៌មានដែលអ្នកតែងចែករំលែកនឹងគេនោះ នៅពេលនេះ អ្នកក៏លែងចង់ប្រាប់គេទៀតដែរ។
៥. លែងប្រចណ្ឌ
ប្រចណ្ឌគឺជារសជាតិមួយក្នុងរឿងស្នេហាដែលមិនអាចខ្វះបាន។ មានតែអ្នកស្រលាញ់គ្នាខ្លាំងប៉ុណ្ណោះ ទើបមានអារម្មណ៍បែបនេះទៅកាន់ដៃគូ។ យ៉ាងណាក្ដី ប្រសិនបើ អ្នកអស់អារម្មណ៍មួយនេះចំពោះដៃគូខ្លួនហើយ មានន័យថាមនោសញ្ចេតនារបស់អ្នកចំពោះគេក៏សាបរលាបដូចគ្នា៕
ចុចអាន៖ ៦ចំណុចដែលបង្ហាញឲ្យឃើញពីស្នេហាដែលប្រឹងយ៉ាងណាក៏គ្មានអនាគត