ដឹងពីភាសាកាយវិការ ដើម្បីដឹងច្បាស់ថាគេមានចិត្តលើអ្នកឬអត់
- 2019-04-11 02:53:29
- ចំនួនមតិ 0 | ចំនួនចែករំលែក 0
ដឹងពីភាសាកាយវិការ ដើម្បីដឹងច្បាស់ថាគេមានចិត្តលើអ្នកឬអត់
ខុសពីភាសានិយាយ ភាសាកាយវិការមិនចេះកុហកឡើយ។ ចិត្តមនុស្សគិតបែបណា ភាសាកាយវិការនឹងសម្ដែងចេញបែបនោះ។ ដើម្បីដឹងថា បុគ្គលម្ខាងទៀតមានចិត្តលើអ្នកឬអត់ គ្រាន់តែក្រឡេកមើលភាសាកាយវិការទាំងនេះគឺអាចដឹងភ្លាម។
យោងតាមការពិសោធន៍ចិត្តវិទូ Albert Mehrabian បានឲ្យដឹងថា បុគ្គលទល់មុខអ្នក អាចយល់ពីអត្ថន័យពីអ្វីដែលអ្នកចង់បង្ហាញបានដល់ទៅ៥៥% តាមរយៈកាយវិការរាងកាយ ៣៨%តាមរយៈសំឡេង និងត្រឹមតែ៧%ប៉ុណ្ណោះតាមការនិយាយ។
ឲ្យខ្លីមក គឺភាសាកាយវិការមិនអាចបិទបាំងបានឡើយ។ ហេតុដូចនេះហើយ ចង់ដឹងនរណាម្នាក់មានចិត្តលើយើងឬអត់ ផ្អែកលើភាសាកាយវិការគឺច្បាស់លាស់បំផុត ព្រោះនៅពេលស្រលាញ់នរណាម្នាក់ ទោះចិត្តចង់លាក់ តែកាយវិការនឹងសម្ដែងចេញមកដូចការគិត។ ខាងក្រោមនេះគឺកាយវិការដែលគេបង្ហាញថា គេមានចិត្តលើអ្នកឬអត់៖
១. ពេលជជែកគ្នា គេមានទំនោរខិតមកជិតអ្នក។ ទោះមិនជិតពេក តែមានអារម្មណ៍ថាស្និទ្ធិស្នាល។ ប្រសិនបើគួបផ្សំនឹងក្រសែភ្នែកផ្អែមល្ហែមទៀតនោះ គឺគេមានចិត្តលើអ្នកហើយ។
២. សញ្ញាទី២ គឺនៅពេលដើរលំហែរជាមួយគ្នា គេដើរយឺតជាងមុន តាមល្បឿនរបស់អ្នក ហើយនៅពេលឈប់ដើរ ទិសជើងរបស់គេក៏តម្រង់មកអ្នកដែរ។
៣. នៅលើតុអាហារ ប្រសិនបើភាគីម្ខាងទៀត កំពុងពេញចិត្តអ្នក គេនឹងអង្គុយខិតមកមុខ និងដាក់ដៃលើតុ នេះគឺសញ្ញាគេកំពុងបើកភ្លើងបៃតងហើយ។ ផ្ទុយមកវិញ បើគេមិនចូលចិត្តអ្នក គេនឹងអង្គុយផ្អែកនឹងកៅអី ហើយឱបដៃ ដើម្បីឃ្លាតឆ្ងាយពីអ្នក។
៤. បើអ្នកមានអារម្មណ៍ថា ដៃគេចេតនាប៉ះដៃអ្នក ដែលការប៉ះនេះគឺឧស្សាហ៍កើតឡើងនោះគឺមិនមែនកើតមកឡើងដោយ អចេតនាទេ គឺគេមានចេតនាប៉ះដៃអ្នក ដែលមិនធ្វើឲ្យគេឃើញច្បាស់ពេក។
៥. ពេលនៅជុំមិត្តភ័ក្ដិមួយក្រុម ហើយក្រោយពេលគេនិយាយរឿងកំប្លែង ឬរឿងអ្វីមួយ គេមិនសូវចាប់អារម្មណ៍លើប្រតិកម្មរបស់អ្នកដទៃឡើយ គឺនៅចាំមើលប្រតិកម្មរបស់អ្នកតែមួយគត់ ថាតើអ្នកមានសើចនឹងរឿងកំប្លែងរបស់គេឬអត់។
៦. វិទ្យាសាស្ត្របានបង្ហាញថា មនុស្សប្រុសពេលកាន់តែធំដឹងក្ដី នឹងកាន់តែកម្រសើចអស់ពីមាត់ និងចេញសំឡេង។ តែបើនៅក្បែរអ្នកហើយគេតែងសើចក្អាកក្អាយនោះ គឺមានន័យថាគេមានអារម្មណ៍ជាមួយយើងទើបមានសកម្មភាពដូចនេះ៕
ចុចអាន៖ ស្ទីលសារភាពដោយប្រើឃ្លាទាំងនេះ បើគេបដិសេធទៀតទើបចម្លែក