ប្រុសៗគ្រាន់តែចូលចិត្តធ្វើរឿង៧យ៉ាងនេះ មិនមានន័យថា គេមិនស្រលាញ់យើងទេ
- 2019-04-08 08:24:32
- ចំនួនមតិ 0 | ចំនួនចែករំលែក 0
ប្រុសៗគ្រាន់តែចូលចិត្តធ្វើរឿង៧យ៉ាងនេះ មិនមានន័យថា គេមិនស្រលាញ់យើងទេ
ឃើញច្រើនគូហើយសព្វថ្ងៃនេះឈ្លោះគ្នាដោយសារតែរឿងដដែលៗ គូខ្លះឈានដល់ការបែកគ្នាថែមទៀត។ ភាគច្រើនដោយសារតែរឿងយល់ច្រឡំនឹងគ្នា មិនមែនដោយសារមានអ្នកទី៣អ្វីឡើយ។
អ្វីដែលសំខាន់នោះគឺថា មនុស្សប្រុសស្ទើរតែ ៩៩% ហើយដែលចូលចិត្តធ្វើរឿង ៧ យ៉ាងនេះ ជាហេតុធ្វើឲ្យស្រីៗគិតថាគេអត់ស្រលាញ់ខ្លួន។
មនុស្សប្រុសចូលចិត្តមានមិត្តភក្តិច្រើន
មនុស្សប្រុសចូលចិត្តមានមិត្តភក្តិពេលលេងហ្គេមខ្លាំងណាស់។ វាជាមូលហេតុធំដែលបង្កឲ្យអ្នកទាំងពីរមានជម្លោះ។ ស្រីចូលចិត្តរករឿងឈ្លោះសង្សាររបស់គេ ដោយសារតែមិត្តភក្តិដែលស្គាល់គ្នាក្នុងហ្គេមហ្នឹងហើយ ដោយសារតែភាគច្រើនពួកគេវក់នឹងហ្គេមរហូតដល់គ្មានពេលឲ្យនាង ហើយមិនថាពេលណាទេ ឲ្យតែមិត្តភក្តិក្នុងហ្គេមហៅលេងដឹងតែលេងហើយ។ ទោះបីជាបែបនេះក៏ដោយ ក៏មិនមែនមានន័យថាគេមិនស្រលាញ់អ្នកនោះទេ គឺគេគ្រាន់តែវក់នឹងអ្វីដែលគេចូលចិត្តតែប៉ុណ្ណោះ។
រវល់ការងារខ្លាំងដល់ថ្នាក់គ្មានពេល
រឿងមកពីការងារ មកពីរវល់ ដូច្នោះហើយសង្សារក្មេងនឹងគិតថាមិត្តប្រុសរបស់គេផ្លាស់ប្ដូរ។ អ្នកគួរតែយល់ថា គេរវល់តែម្នាក់ឯង ការងារដែលគេធ្វើគឺពិតជានឿយហត់ខ្លាំងណាស់។ អ៊ីចឹងហើយ អ្នកគួរតែលើកទឹកចិត្តគេជំនួសឲ្យការរករឿងដាក់បន្ទុកឲ្យគេថែម។ សូមឈប់គិតថាគេមិនស្រលាញ់ខ្លួនឯងទៀត ហើយត្រូវជឿជាក់លើគេថាគេធ្វើការយ៉ាងលំបាកក៏ព្រោះតែ អនាគតរបស់អ្នកទាំងពីរ។
គេងមុននាង
មូលហេតុដែលធ្វើឲ្យស្រីៗរករឿងឈ្លោះជាមួយប្រុសៗក៏ដោយសារតែគេចូលគេងលឿនជាងនាង រហូតធ្វើឲ្យនាងសង្ស័យថា គេយកពេលទៅលេងសារ ឬនិយាយទូរសព្ទជាមួយស្រីផ្សេង ទើបយកលេសថាចង់គេងបែបនេះ។ មនុស្សស្រីគួរតែយល់ថា គេចំណាយពេលរៀន និងធ្វើការពេញមួយថ្ងៃ។ ដូច្នេះហើយរាងកាយត្រូវការសម្រាក ពេលខ្លះគេគ្រាន់តែហត់ពិតមែន ហើយក៏ចង់សម្រាកមិនមានរឿងអ្វីផ្សេងលើសពីនេះទេ។
មិនចេះនិយាយពាក្យផ្អែម
ស្រីៗចូលចិត្តគិតថា គេមិនស្រលាញ់នាងដោយសារតែសង្សារខ្លួនឯងមិនចេះប្រើពាក្យសម្ដីផ្អែម មិនចេះបញ្ចេញអារម្មណ៍ឲ្យនាងដឹង។ គេជាមនុស្សប្រុសអៀន មិនចូលចិត្តនិយាយ វាប្រៀបដូចជាដាក់សម្ពាធឲ្យគេនៅពេលដែលបង្ខំឲ្យគេធ្វើអ្វីដែលខុសពីចរិតខ្លួនឯង។ អ្នកគួរតែអង្គុយគិតពិចារណាជាមួយនឹងកំហុសនេះឡើយវិញ។ អ្នកគួរតែមើលលើទង្វើដែលគេធ្វើឲ្យបានច្រើនជាងពាក្យដែលអ្នកចង់ឮ ទុកឲ្យពេលវេលាបញ្ជាក់ពីភាពពិតរបស់គេទៅ។
មិនតបសារ
មនុស្សស្រីនឹងកើតទុក្ខមិនសុខចិត្តខ្លាំង នៅពេលដែលសង្សារខ្លួនឯងមិនតបសារ។ ពេលដែលគេមិនតបសារ អ្វីដែលរត់ចូលក្នុងខួរក្បាលរបស់នាងមុនគេនោះគឺសង្សារគេប្រាកដជាប្រែចិត្តមិនខាន។ កុំទាន់អាលគិតច្រើនពេកអី ជួនកាលគេជាមនុស្សដែលមិនងាយនឹងមើលឆាត ពេលខ្លះគេមិនបានតប ដោយសារតែគេកំពុងតែជាប់រវល់ការងារក៏ថាបាន រហូតដល់គ្មានពេលតបសាររបស់អ្នក។
ចូលចិត្តរស់ក្នុងអ្វីពិភពលោករបស់គេ
ជួនកាលមនុស្សប្រុសប្រៀបបានដូចជាក្មេងម្នាក់អ៊ីចឹង ចូលចិត្តនៅម្នាក់ឯង ។ ប៉ុន្តែគេមិនមែនមិនចាប់អារម្មណ៍ជាមួយអ្នកនោះទេ។ ធាតុពិតគឺគេចាប់អារម្មណ៍អ្នក គ្រាន់តែថាពេលខ្លះគេត្រូវការពេលនៅម្នាក់ឯង។ តែស្រីៗបែរជាគិតថាគេមានរឿងអ្វីលាក់បាំង ឬគេមិនស្រលាញ់នាង។ ពេលខ្លះគេគ្រាន់តែចង់រស់នៅតាមបែបរបស់គ។ បើថាគេពិតជាស្រលាញ់អ្នកមិនថាយ៉ាងណាទេ គេនឹងមិនភ្លេចអ្នកដាច់ខាត។
ចូលចិត្តភ្លេច
មនុស្សប្រុសខ្លះជាមនុស្សដែលមិនចូលចិត្តចាំអ្វីច្រើនទេ ដូចថ្ងៃកំណើត ឬថ្ងៃរំលឹកខួបស្នេហ៍ តែស្រីៗបែរជាគិតថាគេមិនស្រលាញ់ខ្លួន ពេលដែលគេគ្មានអំណោយអ្វីឲ្យ។ នាងតែងតែ Drama ព្រោះគិតថាសង្សារខ្លួនឯងមិនខ្វល់ មិនស្រលាញ់នាងទើបមិនចាំថ្ងៃសំខាន់បែបនេះ។ ការគិតនេះមិនត្រឹមត្រូវទេ ព្រោះតែមួយថ្ងៃៗមានរឿងច្រើនណាស់ដែលត្រូវគិត ពេលខ្លះគេអាចនឹងមិនចាំមែនក៏ថាបាន៕
ចុចអាន៖ ក្នុងចំណោមបុរស១០០ នាក់ មាន ៩៩ នាក់ហើយដែលស្រលាញ់មនុស្សស្រីបែបនេះ