រន្ធត់ចិត្ត! ម្ដាយអាយុ ៥៥ ឆ្នាំពពោះជំនួសឲ្យកូនស្រីខ្លួនឯងដែលគ្មានស្បូន
- 2019-04-02 01:43:05
- ចំនួនមតិ 0 | ចំនួនចែករំលែក 0
រន្ធត់ចិត្ត! ម្ដាយអាយុ ៥៥ ឆ្នាំពពោះជំនួសឲ្យកូនស្រីខ្លួនឯងដែលគ្មានស្បូន
ជីដូនម្នាក់បានផ្ដល់កំណើតឲ្យចៅខ្លួនឯង ដោយសារតែកូនស្រីរបស់គាត់គ្មានស្បូន។
Emma Miles អាយុ ៥៥ ឆ្នាំ មានកូនបង្កើតចំនួន ២នាក់ គាត់បានឲ្យអំណោយដែលមិនអាចកាត់ថ្លៃបានដោយការពពោះជំនួសឲ្យកូនស្រីរបស់គាត់ឈ្មោះ Tracey Smith អាយុ ៣០ ឆ្នាំ ដែលមានការភ័យខ្លាចថានាងមិនអាចមានកូនបានពេញមួយជីវិតរបស់នាង បន្ទាប់ពីបានធ្វើការវិនិច្ឆ័យឃើញថាមានជំងឺ Mayer-Rokitansky-Küster-Hauser Syndrome (MRKH) ជាជំងឺកម្រមួយដែលប៉ះពាល់ដល់ស្ត្រី។ ជំំងឺនេះការអភិវឌ្ឍន៍របស់ស្បូននិងទ្វារមាសគឺបរាជ័យ ទាំងដែលមុខងាររបស់អូវែនិងប្រដាប់បន្តពូជខាងក្រៅធម្មតាក៏ដោយ។
ដោយសារតែអូវែរបស់ Smith ធ្វើការធម្មតា នាងបានប្រើវិធី IVF ជាមួយស្វាមីឈ្មោះ Adam អាយុ ៤០ ដើម្បីបង្កើតចេញជាអំប្រ៊ីយ៉ុងមួយ ហើយក៏យកទៅចាក់បញ្ចូលក្នុងលោកស្រី Miles ដែលជាម្ដាយដើម្បីឲ្យជួយពពោះជំនួសនាង។
ទោះបីជាអ្នកស្រី Miles បានឆ្លងកាត់ការអស់រដូវក៏ដោយ។គាត់ក៏នៅតែអាចពពោះបានដោយសារទារកត្រូវបានបង្កើតឡើងដោយស៊ុតរបស់កូនស្រីគាត់។ ស្បូនរបស់គាត់មានសុខភាពល្អគ្រប់គ្រាន់ដើម្បីទ្រទ្រង់ទារក។ ទោះបីជាយ៉ាងណាគាត់ត្រូវសម្រក ៣៨ គីឡូ ដើម្បីឲ្យមានសុខភាពល្អ និងត្រូវការអ័រម៉ូនដើម្បីធានាឲ្យបានក្នុងការមានផ្ទៃពោះ។
អ្នកម្ដាយដែលមានវ័យចំណាស់លើសពី ៣៥ ឆ្នាំមានហានិភ័យខ្ពស់ក្នុងការប្រឈមនឹងការរលូតកូន និងជំងឺក្រឡាភ្លើង និងបញ្ហាស្មុគស្មាញជាច្រើនទៀតដែលបង្ហាញពីសញ្ញាគ្រោះថ្នាក់ដល់គាត់និងទារក ប៉ុន្តែទោះជាគាត់ដឹងថាបែបនេះក៏ដោយ លោកស្រី Miles នៅតែជ្រើសយកការសម្រេចចិត្តពពោះជំនួសឲ្យកូនស្រីរបស់គាត់។
លោកស្រី Milesជាអ្នកធ្វើការក្នុងផ្សារទំនើប បានបង្កើតទារកឈ្មោះ Evie Siân Emma Smith នៅថ្ងៃទី ១៦ មករា។ទារកមានសុខភាពល្អណាស់ និងមានទម្ងន់ ៣.៣៧ គីឡូក្រាម។ ទោះបីជាយ៉ាងណាទារកបានកើតមកដោយការវះកាត់ ដោយសារតែការសម្រាលដោយធម្មជាតិរបស់លោកស្រី Miles ប្រើពេលយូរខ្លាំងពេក៕
ចុចអាន៖ គ្រួសារក្នុងក្ដីស្រមៃ! ទាំងម្ដាយនិងកូនស្រីធ្វើជាអ្នកបើកយន្តហោះដូចគ្នា