ជ្រុលធ្វើបែកកញ្ចក់ ប្រញាប់ធ្វើរឿង៤នេះភ្លាម កុំឲ្យនាំស៊យដាក់ខ្លួន
- 2019-04-01 03:39:00
- ចំនួនមតិ 0 | ចំនួនចែករំលែក 0
ជ្រុលធ្វើបែកកញ្ចក់ ប្រញាប់ធ្វើរឿង៤នេះភ្លាម កុំឲ្យនាំស៊យដាក់ខ្លួន
ក្នុងករណីធ្វេសប្រហែស ជ្រុលដៃធ្វើឲ្យបែកកញ្ចក់ អ្នកគួរធ្វើរឿងទាំងនេះភ្លាមដើម្បីជៀសវាងភាពចង្រៃ។
យោងតាមក្បួនហុងស៊ុយ កញ្ចក់ផ្ទុកអាថ៍កំបាំងជាច្រើន។ តាំងពីបុរំបុរាណមក កញ្ចក់ត្រូវបានប្រើជាគ្រឿងកម្ចាត់ខ្មោចព្រាយបិសាច។ មនុស្សជាច្រើនជឿជាក់ថា នៅពេលបែកកញ្ចក់សុទ្ធតែឲ្យហេតុទាំងអស់ ដោយភាគច្រើនជារឿងមិនល្អ។ ដើម្បីកុំឲ្យចង្រៃឬស៊យ ពេលបែកកញ្ចក់ភ្លាម អ្នកគួរធ្វើរឿងទាំងនេះ។
១. សម្អាតកម្ទេចកញ្ចក់ឲ្យអស់
ក្រៅពីបង្ការកុំឲ្យមានគ្រោះថ្នាក់ ការប្រមូលកម្ទេចកញ្ចក់ក៏ប្រៀបបានដូចជាការប្រមូលភាពចង្រៃចោលដែរ។ យ៉ាងណាក្ដី ដាច់ខាតមិនត្រូវចោលចូលធុងសម្រាមឡើយ ដោយត្រូវខ្ចប់ដោយក្រណាត់ខ្មៅ និងយកកប់ ឬចោលនៅឆ្ងាយ។
២. ប្រើអំបិល
អ្នកគួរឲ្យប្រើអំបិលដើម្បីរំដោះគ្រោះពេលបែកកញ្ចក់ដូចគ្នា។ ដោយយកអំបិលបាចតាមស្មាខាងឆ្វេង ដើម្បីភាពចង្រៃចេញឆ្ងាយ។ ហាមដាច់ខាតបាចអំបិលពីស្មាខាងស្ដាំ ព្រោះនឹងធ្វើឲ្យភាពស៊យកើនទ្វេឡើង។
៣. ដុតក្រដាស
ចាស់ពីដើមមានទម្លាប់ដុតក្រដាសដើម្បីបណ្ដេញភាពចង្រៃចេញ។ ករណីនេះ ក៏អាចប្រើបាននៅពេលបែកកញ្ចក់ដូចគ្នា។ ចំណាំថា ពេលដុតក្រដាសបណ្ដេញស៊យ ត្រូវបើកទ្វារ និងបង្អួចចេញឲអស់ឲ្យចំណាយអវិជ្ជមានចេញក្រៅ។
៤. ដុតធូប
តាមក្បួនហុងស៊ុយ ការដុតធូបក្រអូបក៏អាចជួយអ្នកកាត់បន្ថយភាពស៊យដូចគ្នា។ អ្នកអាចដុតធូបដែលមានក្លិនខ្លាំងជាងធម្មតា ដោយសំពះសុំដូនតាជួយតាមថែរក្សា ឲ្យជៀសចង្រៃ៕
ចុចអានបន្ត៖