ក្រសួងសុខាភិបាលប្រកាសឈ្មោះPage ចំនួន២លក់ផលិតផលសុខភាព និងគ្រឿងសម្អាងគ្មានច្បាប់ត្រឹមត្រូវ
- 2019-03-28 07:26:02
- ចំនួនមតិ 0 | ចំនួនចែករំលែក 0
ក្រសួងសុខាភិបាលប្រកាសឈ្មោះPage ចំនួន២លក់ផលិតផលសុខភាព និងគ្រឿងសម្អាងគ្មានច្បាប់ត្រឹមត្រូវ
យោងតាមសេចក្ដីជូនដំណឹង២ដាច់ដោយឡែកពីគ្នា កាលពីថ្ងៃទី២៧ មីនា ២០១៩ របស់ក្រសួងសុខាភិបាលបានបង្ហាញសាធារណជនឱ្យបានដឹងពីឈ្មោះ Page Facebook ចំនួន២ដែលដាក់លក់ផលិតផលឱសថ គ្រឿងសម្អាង និងថ្នាំបំប៉នសុខភាពគ្មានច្បាប់ពីក្រសួងត្រឹមត្រូវ។
ចុចអាន៖ ការពិតនៅពីក្រោយសារធាតុផ្សំរបស់គ្រឿងសម្អាងថោកៗដែលអ្នកគួរប្រយ័ត្ន
Pageទី១ឈ្មោះ Solida Beauty Shop Lady and Man កំពុងផ្សព្វផ្សាយលក់ផលិតផលឱសថចាក់ចំនួន៨មុខ ដូចជា ១. Glutax 75GX, ២. Cytocare, ៣. Placenta, ៤. Collagen, ៥. Glutax1800000GS, ៦. Phosphatidycholine Lipolytic Solution 5000mg, ៧ Cleo Fresh Glutathione 300000mg, ៨ Filorgas Factor+Collagen។
ផលិតផលទាំងនេះគ្មានការចុះបញ្ជិកា គ្មានការត្រួតពិនិត្យគុណភាព គ្មានការអនុញ្ញាតឱ្យផ្សព្វផ្សាយពីក្រសួង និងបានផ្សព្វផ្សាយភូតកុហកបោកប្រាស់ បំផ្លើសការពិតត្រឹមត្រូវដូចជា ធ្វើឱ្យស្បែកសភ្លឺម៉ត់រលោង ជួសជុលស្បែកខូចដោយសារកម្ដៅថ្ងៃ ផ្ដល់សំណើមដល់ស្បែក បំបាត់ស្នាមជាំ អាចម៍រុយ និងជួយឱ្យស្បែកមុខតឹងក្មេងជាងវ័យ។ល។
ចុចអាន៖ អ្នកចូលចិត្តទិញឥវ៉ាន់អនឡាញ បើមិនចង់ចាញ់បោកអ្នកលក់គួរដឹង ៥ គន្លឹះនេះ
Pageទី២ឈ្មោះ Kha-Leang.com-Abc Shop ឃ្លាំងគ្រឿងសំអាង អំណោយ ឧបករណ៍ Free ការដឹកជញ្ជូន កំពុងផ្សព្វផ្សាយលក់ ឱសថបំប៉នសុខភាពនិងគ្រឿងសម្អាងជាច្រើនមុខដូចជា ១. ស៊ីរ៉ូម Anti-Age Fidela, ២. Gel Karista, ៣.ឱសថបំប៉នសុខភាព Hapnes, ៤. ស៊ីរ៉ូមមុខតឹងណែនការពារ UV Fidela, ៥. ឱសថបំប៉នសុខភាព Fidela, ៦. ក្រែមការពារ UV Fidela, ៧. Cream De Latex លាបស្បែកភ្លឺរលោង, ៨. Eye Cream Delatex, ៩. ក្រែមបំបាត់មុន Puricas, ១០. Gel បំបាត់ស្លាកស្នាម Puricas, ១១. សាប៊ូ CC Collagen, ១២. សាប៊ូ CC Collagen, ១៣. Mask បិទមុខ Fidela, ១៤. Snowy Gluta & Collagen។
ផលិតផលទាំងនេះគ្មានការចុះបញ្ជិកា គ្មានការចុះប្រវេទន៍ គ្មានការត្រួតពិនិត្យគុណភាព និងគ្មានច្បាប់អនុញ្ញាតឱ្យផ្សព្វផ្សាយពីក្រសួងសុខាភិបាលឡើយ។
ក្នុងសេចក្ដីជូនដំណឹងទាំងពីរខាងលើ ក្រសួងក៏បានស្នើប្រជាពលរដ្ឋដែលបានប្រើប្រាស់ផលិតផលខាងលើឱ្យបញ្ឈប់ការប្រើប្រាស់ជាបន្ទាន់ ដើម្បីជៀសវាងការខាតបង់ប្រាក់កាស និងប៉ះពាល់សុខភាព ឬអាចឈានទៅដល់ការបាត់បង់អាយុជីវិត៕
រូបភាព៖ ហ្វេសប៊ុកផេកក្រសួងសុខាភិបាល