បញ្ហាទាំង ៥ បញ្ជាក់ថាអ្នកមិនគួរពាក់ស្បែកជើងផ្ទាត់
- 2019-03-27 07:52:00
- ចំនួនមតិ 0 | ចំនួនចែករំលែក 0
បញ្ហាទាំង ៥ បញ្ជាក់ថាអ្នកមិនគួរពាក់ស្បែកជើងផ្ទាត់
ទាំងគេទាំងយើងនរណាក៏ចូលចិត្តពាក់ស្បែកជើងផ្ទាត់ដែរដោយសារតែគិតថាវាជាប្រភេទស្បែកជើងដែលងាយស្រួលពាក់ជាងគេបើប្រៀបជាមួយស្បែកជើងផ្សេង។ ប៉ុន្តែមានការពិតជាច្រើនដែលអ្នកមិនបានដឹងពីស្បែកជើងផ្ទាត់ដូចជាសារធាតុគីមីដែលគេបានប្រើលើវា និងបញ្ហាជើងដែលយើងត្រូវប្រឈមជាច្រើននៅពេលពាក់វា ហើយខាងក្រោមនេះជាបញ្ហាមួយចំនួនដែលអាចនឹងកើតឡើងនៅពេលពាក់ស្បែកជើងប្រភេទនេះ៖
១. ស្បែកជើងសង្រែកធ្វើពីកៅស៊ូដែលអាចនឹងបញ្ចេញសារធាតុគីមី
យោងតាមការស្ទង់មតិជាច្រើនបានរកឃើញថាពាក់ស្បែកជើងដែលធ្វើមកពីកៅស៊ូ អាចនឹងបញ្ចេញសារធាតុគីមីពីរបីប្រភេទដែលអាចប៉ះពាល់ដល់សុខភាពកុមារ។យោងតាមអ្នកជំនាញស្បែកជើងផ្ទាត់ក៏អាចបង្កឲ្យមានជំងឺមហារីកបានដែរ ដោយសារតែវីរុសនៃសារធាតុគីមីដែលមាននៅក្នុងវា។ ក្មេងៗចូលចិត្តពាក់ស្បែកជើងប្រភេទនេះណាស់ ដោយសារតែវាមានពណ៌ស្អាត ប៉ុន្តែយល់ល្អក្មេងតូចៗគួរតែជៀសវាងស្បែកជើងផ្ទាត់ ហើយត្រូវដាក់នៅឲ្យឆ្ងាយពីពួកគេដើម្បីកុំឲ្យមានបញ្ហាសុខភាពធ្ងន់ធ្ងរ។
២. ស្បែកផ្ទាត់ធ្វើឲ្យជើងឈឺ
ស្បែកជើងនេះត្រូវបានគេគិតថាវាងាយស្រួលពាក់ដោយសារតែវាគ្មានកែង អាចពាក់នៅកន្លែងរាបក៏បាន ពាក់ដើរឡើងភ្នំក៏បាន។ ប៉ុន្តែយើងមិនបានដឹងពីគុណវិបត្តិរបស់វាទេ។ មានក្រុមជាលិកាក្រាស់នៅបាតជើង តាំងពីកែងជើងរហូតដល់ផ្នែកខាងមុខ។ ការពាក់ស្បែកជើងប្រភេទនេះនឹងធ្វើឲ្យបាត់បង់ក្រុមជាលិកាទាំងនោះ ធ្វើឲ្យបាតជើងគ្មានអ្វីការពារបានទៀត។
៣. ពាក់ស្បែកជើងផ្ទាត់នឹងធ្វើឲ្យជើងមានរបួសច្រើន
នៅពេលដែលអ្នកព្យាយាមធ្វើការ រឺធ្វើដំណើរដោយពាក្យស្បែកជើងផ្ទាត់វាធ្វើឲ្យជើងរបស់អ្នកមានគ្រោះថ្នាក់ ដោយសារតែស្បែកជើងផ្ទាត់មិនបានគ្របដណ្ដប់ជិតជើងរបស់អ្នកបានទេ វានឹងធ្វើឲ្យជើងរបស់អ្នកងាយនឹងមានរបួស។ អ៊ីចឹងហើយត្រូវតែគិតឲ្យច្បាស់ពេលពាក់ស្បែកជើងផ្ទាត់ហើយទៅក្រៅដោយប្រើជើង។
៤. ពាក់ស្បែកជើងផ្ទាត់ពេលបើកបរគ្មានសុវត្ថិភាពទេ
ពាក់ស្បែកជើងផ្ទាត់ពេលបើកឡានវាធ្វើឲ្យអ្នកមានអារម្មណ៍ថាធូរស្បើយមែន តែតាមពិតវាជារឿងគ្រោះថ្នាក់មួយដែលអ្នកកំពុងធ្វើ។ ជាពិសេសអ្នកអាចនឹងទាក់នៅពេលដែលអ្នកជាន់ហ្វ្រាំង។ ដូច្នេះគួរតែជៀសវាងពាក់វាពេលបើកឡាន។
៥. ស្បែកជើងផ្ទាត់ធ្វើឲ្យជើងកខ្វក់និងមានបញ្ហា
នៅពេលដែលជើងអ្នកគ្មានអ្វីបិទបាំង ពេលប៉ះជាមួយបរិយាកាសខាងក្រៅវានឹងធ្វើឲ្យជើងកខ្វក់ ហើយមានភាពស្ងួត។ ដើម្បីជៀសវាងបញ្ហានេះ អ្នកគួរតែលាបឡេផ្ដល់សំណើមលើជើងមុនពេលពាក់ស្បែកជើង៕