ឪពុកប្រាប់ល្បិចសម្ងាត់១ដល់កូនស្រីសាកចិត្តបុរសដែលតាមស្រលាញ់
- 2019-03-26 10:00:23
- ចំនួនមតិ 0 | ចំនួនចែករំលែក 0
ឪពុកប្រាប់ល្បិចសម្ងាត់១ដល់កូនស្រីសាកចិត្តបុរសដែលតាមស្រលាញ់
តើអ្នកនឹងជ្រើសយកបុរសបែបណាបើអ្នកជាមនុស្សស្រីដែលមានទ្រព្យសម្បត្តិ ហើយមានពេលគ្រប់គ្រាន់ឲ្យមិត្តប្រុសខ្លួនឯង?
ថ្ងៃមួយកូនស្រីបានប្រាប់ឪពុកថា «មានមនុស្សប្រុស ២នាក់កំពុងតែតាមស្រលាញ់នាង។ ម្នាក់ជាអ្នកមានដែលបានទិញអំណោយជាច្រើនឲ្យនាង និងម្នាក់ទៀតគ្មានលុយទេតែមានពេលវេលាតាមយកចិត្តនាងច្រើន»។
នាងសួរទៀតថា «តើបុរសមួយណាដែលស្រលាញ់នាងពិតប្រាកដ?»
ឪពុកស្ងាត់មួយភ្លែត បន្ទាប់មកក៏ប្រាប់កូនស្រីវិញថា «កុំទទួលយកអំណោយពីបុរសអ្នកមាន តែប្រាប់គេថាកូនត្រូវការការយកចិត្តទុកដាក់ និងពេលវេលារបស់គេ ហើយកុំទទួលយកការផ្ដល់ឲ្យនូវពេលវេលា និងការយកចិត្តទុកដាក់របស់បុរសដែលគ្មានលុយ ត្រូវប្រាប់គេថាកូនចង់បានអំណោយពីគេ»។ កូនស្រីមិនយល់ពីអ្វីដែលឪពុកនាងបានប្រាប់ទេ ប៉ុន្តែនាងនៅតែធ្វើតាមសម្ដីរបស់គាត់។
នៅពេលធ្វើតាមសម្ដីឪពុកហើយនាងសង្កេតឃើញថា៖
«បុរសអ្នកមាន គ្រាន់តែលឺថានាងត្រូវការការយកចិត្តទុកដាក់និងពេលវេលា គេក៏ចាប់ផ្តើមមិនអាចអត់ធ្មត់នឹងនាងបាន»
«បុរសគ្មានលុយ ពេលដែលលឺថានាងចង់បានអំណោយ ក៏បែរជានិយាយចំអកថានាងជាមនុស្សស្រីគ្មានបានការ ចង់បានតែរបស់អ្នកដ៏ទៃ»
នាងក៏បានយល់បន្តិចៗថាបុរសទាំងពីរនាក់នេះមិនបានស្រលាញ់នាងទេ។
ឪពុកសួរកូនស្រីថា «កូនយល់ពីបំណងរបស់ប៉ាហើយមែនទេ? បើចង់ដឹងថាបុរសនោះស្រលាញ់កូនកម្រិតណា ចូរកុំមើលតែអ្វីដែលគេមាន ត្រូវមើលថាតើគេមានឆន្ទៈចង់ឲ្យវាមកកូនដែរទេ»
កុំស្រលាញ់បុរសណាម្នាក់ដោយគ្រាន់តែមើលលើអ្វីដែលគេមាន។ បើគេជាអ្នកសម្បូរទ្រព្យ គ្រាន់តែទិញអំណោយឲ្យអ្នកជារឿងធម្មតាទេ អ្វីដែលមានតម្លៃគឺពេលវេលា និងការយកចិត្តទុកដាក់ទៅវិញទេ។ តែបើជាអ្នកអត់វិញ អំណោយត្រូវប្រើលុយទៅទិញអ៊ីចឹងហើយវាមានតម្លៃចំពោះគេណាស់ ប៉ុន្តែបើគេពិតជាស្រលាញ់អ្នកមែនគេនឹងខិតខំដើម្បីបំពេញបំណងរបស់អ្នក។ ត្រូវចេះពិសោធន៍ឲ្យច្បាស់មុននឹងជ្រើសយកនរណាម្នាក់៕
ចុចអាន៖ សញ្ញាទាំងឡាយបង្ហាញថាគេជាមនុស្សគួរឲ្យទុកចិត្ត ស័ក្ដិសមឲ្យអ្នកផ្ញើខ្លួនប្រាណបាន