មានរឿងនេះកើតឡើង មានន័យថាអ្នកស្រឡាញ់គេដោយមិនដឹងខ្លួនហើយ

2019-03-22 13:00:00
ចំនួនមតិ 0 | ចំនួនចែករំលែក 0

ស្រឡាញ់មនុស្សម្នាក់គឺមិនអាចប្រកែកបាននោះទេ ពេលខ្លះមាត់ថាមិនចង់ទេប៉ុន្តែចិត្តវិញគឺអូសឲ្យទៅបែបនេះរហូត។បើអ្នកសង្កេតឃើញថាខ្លួនឯងមានសញ្ញាទាំងនេះ នោះអ្នកពិតជាស្រឡាញ់គេមែនទែនហើយ៖

១. ចេះតែចង់ជួបនិយាយជាមួយគាត់

ចេះតែចង់ជួបចង់ឃើញ ហើយតែងមានពាក្យជាច្រើនចង់និយាយជាមួយគាត់ ប៉ុន្តែពេលខ្លះដល់ជួបមុខគ្នាអីក៏និយាយមិនចេញ។

រូបតំណាង

**២. ចាប់ផ្ដើមរៀបចំខ្លួនស្អាតជាងរាល់ដង**

តាំងពីស្គាល់គាត់មកអ្នកចាប់ផ្ដើមប្រយ័ត្នប្រយែងក្នុងការរៀបចំខ្លួន ព្រោះអ្នកខ្លាចពេលជួបគាត់ចៃដន្យគាត់ឃើញអ្នកមិនស្អាត។

៣. ញញឹមតែឯងពេលដែលអ្នកនឹកឃើញគាត់

អ្នកលួចញញឹមតែឯងពេលដែលគិតពីគាត់ ឬក៏លួចញញឹមពេលដែលឮអ្នកណានិយាយអីដែលទាក់ទងពីគាត់។ អារម្មណ៍ពេលខ្លះទោះមិនបាននិយាយ មិនបានជួបមុខក៏ដោយ តែឲ្យតែស្រមៃឃើញគេញញឹម ខ្លួនឯងនេះក៏ញញឹមដែរ។

៤. មើលឃើញគាត់ល្អគ្រប់យ៉ាង

មើលឃើញគាត់ស្អាតនេះ ស្អាតនោះមិនឈប់ហើយរំភើបតែឯង។ ថ្ងៃណាក៏មើលឃើញគាត់សង្ហា គាត់គួរឲ្យស្រឡាញ់ដែរ និយាយរួមគឺល្អគ្រប់ដប់តែម្ដង។

រូបតំណាង

៥. ចេះតែបារម្ភពីគាត់ពេលដឹងថាគាត់មានបញ្ហា

អ្នកមិនអាចផ្ដោតអារម្មណ៍ទៅលើការងារឬក៏រៀនបានពេលដែលដឹងថាគាត់មានបញ្ហា អ្នកចេះតែចង់ជួយរំលែកគាត់។ ពេលខ្លះអ្កគ្រាន់តែគិតថាពេលនេះអាចនៅក្បែរគាត់ ស្ដាប់គាត់និយាយក៏អស់ចិត្តដែរ។

៦. ពេលដែរអ្នកឈឺមនុស្សចង់ជួបមុនគេគឺគាត់

ពេលអ្នកឈឺអ្នកតែងចង់ឃើញមុនគាត់ ចង់ឲ្យគាត់សួរសុខទុក្ខអ្នកបារម្ភពីអ្នក។ ពេលខ្លះ អាចនឹងភ្លេចខ្លួនថាអ្នកនឹងគាត់អត់់បានជាប់ទាក់ទងអីនឹងគ្នាឡើយ។

៧. អ្នកតែងតែស្រមៃពីអនាគតជាមួយគាត់

អ្នកចេះតែចង់ធ្វើនេះធ្វើនោះជាមួយគាត់ទោះបីជារឿងតូចតាចក៏ដោយ។ ចេះតែចង់ទៅណាមកណាជាមួយគាត់ ហើយស្រមៃថាបើកន្លែងនេះ ទីនេះមានគាត់នៅដែរមិនដឹងជាល្អយ៉ាងណាទេ។