ពេលជួបស្ថានភាពលំបាកទាំង១៦ បើអាចប្រាប់ខ្លួនឯងនូវពាក្យទាំងនេះ ជីវិតនឹងរឹងមាំឡើងវិញ
- 2019-03-21 03:52:06
- ចំនួនមតិ 0 | ចំនួនចែករំលែក 0
ពេលជួបស្ថានភាពលំបាកទាំង១៦ បើអាចប្រាប់ខ្លួនឯងនូវពាក្យទាំងនេះ ជីវិតនឹងរឹងមាំឡើងវិញ
ក្នុងដំណើរជីវិត មានរឿងរ៉ាវច្រើនណាស់ដែលមនុស្សម្នាក់ៗត្រូវឆ្លងកាត់។ ប៉ុន្តែមិនមែនមនុស្សគ្រប់រូបសុទ្ធតែអាចដោះស្រាយបញ្ហាបានដោយរលូន ឬមិនបាក់ទឹកចិត្តនោះទេ។ ដូច្នេះបើអ្នកកំពុងជួបប្រទះការលំបាកដូចក្នុងស្ថានភាពទាំង១៦ខាងក្រោម សូមប្រាប់ខ្លួនឯងនូវពាក្យទាំងនេះដើម្បីជួយឱ្យជីវិតបានរឹងមាំ និងប្រសើរឡើងវិញ។
ចុចអាន៖ អាយុច្រើនហើយ ជីវិតនៅតែរសាត់អណ្ដែត សួរខ្លួនឯង ធ្លាប់បានធ្វើរឿងទាំងនេះឬនៅ?
១. ពេលជួបមនុស្សតាមឈ្នានីស...ត្រូវប្រាប់ខ្លួនឯងថា នេះជាវិញ្ញាសានៃពាក្យថា ចាញ់ជាព្រះ ឈ្នះជាមារ។
២. ពេលប្រឈមមុខនឹងបញ្ហាដ៏ស្មុគស្មាញ...ត្រូវប្រាប់ខ្លួនឯងថា នេះគឺជាមេរៀននៃការកសាងភាពឆ្លាតវៃ និងអនុវត្តទ្រឹស្តីនៃភាពអំណត់។
៣. ពេលជួបប្រទះភាពឈឺចាប់ដ៏ធំធេង...ត្រូវប្រាប់ខ្លួនឯងថាលំហាត់របស់ជីវិតដែលបង្រៀនឱ្យអ្នកចេះជួយខ្លួនឯងបណ្ដុះបំណិនជីវិត។
ចុចអាន៖ ១០ សញ្ញាបង្ហាញថាជីវិតអ្នកកំពុងតែលិចលង់ខ្លាំង
៤. ពេលត្រូវគេស្ដីបន្ទោស....ត្រូវប្រាប់ខ្លួនឯងថា នេះជាពេលដែលត្រូវមើលឱ្យឃើញចំណុចខ្វះខាតរបស់ខ្លួន ហើយកែលម្អវាឱ្យប្រសើរឡើងវិញ។
៥. ពេលត្រូវគេយករឿងយើងទៅនិយាយដើម ចេចចូច...ត្រូវប្រាប់ខ្លួនឯងថា នេះបានន័យថាយើងជាមនុស្សមានតម្លៃទើបគេតែងតែនឹកដល់ និងនិយាយដល់បែបនេះ។
៦. ពេលពិបាករកការងារធ្វើ....ត្រូវប្រាប់ខ្លួនឯងថានេះជាពេលដែលត្រូវត្រៀមខ្លួនសម្រាប់អភិវឌ្ឍវិជ្ជាជីវៈឱ្យបានល្អជាងមុន។
៧. ពេលមានអារម្មណ៍ថាមានសុភមង្គល...ត្រូវប្រាប់ខ្លួនឯងថា នេះជាការដាស់តឿនខ្លួនឱ្យចេះឱ្យតម្លៃលើការថែរក្សាសុខភាព។
ចុចអាន៖ អានអត្ថបទនេះ ប្រសិនបើយល់ថាក្នុងលោកនេះមិនយុត្តិធម៌ចំពោះអ្នក
៨. ពេលខ្លួនត្រូវបានគេសរសើរ...ត្រូវប្រាប់ខ្លួនឯងថានេះជាមេរៀននៃការស្គាល់ខ្លួនឯង និងឈរលើជំហរដោយខ្លួនឯង។
៩. ពេលមានសង្សារ...ត្រូវប្រាប់ខ្លួនឯងថារៀនស្រឡាញ់ខ្លួនឯងឱ្យច្រើនជាងចិត្តស្រលាញ់ដែលនឹងផ្ដល់ឱ្យគេ។
១០. ពេលជួបមនុស្សដែលស័ក្ដិសម តែគេមានគូហើយ...ត្រូវប្រាប់ខ្លួនឯងថា នេះជាភ័ស្តុតាងដែលបញ្ជាក់ថា គ្មានអ្នកណាអាចប្រាថ្នាបានអ្វីគ្រប់យ៉ាងដែលល្អឥតខ្ចោះដូចការគិតឡើយ។
១១. ពេលជួបគ្រោះថ្នាក់...ត្រូវប្រាប់ខ្លួនឯងថា នេះជាសញ្ញាប្រកាសអាសន្នថា ថ្ងៃក្រោយមិនត្រូវធ្វេសប្រហែសទៀតដាច់ខាត។
១២. ពេលជួបរឿងខកចិត្ត...ត្រូវប្រាប់ខ្លួនឯងថា នេះជាមេរៀនដែលត្រូវបង្រៀនឱ្យខ្លួនឯងចេះស៊ាំនឹងជីវិត។
ចុចអាន៖ មេរៀនដាស់តឿនមនុស្សស្រីឲ្យក្លាហានរស់នៅមិនចាញ់ប្រៀបសម្តីអ្នកដទៃ
១៣. ពេលអត់ការងារធ្វើ....ត្រូវប្រាប់ខ្លួនឯងថា នេះជាវិញ្ញាសាជីវិតដែលបង្ហាញថា លើលោកនេះគ្មានពិតប្រាកដ ទៀងទាត់ និងគង់វង្សយូរអង្វែងនោះទេ។
១៤. ពេលជួបវិបត្តិ...ត្រូវប្រាប់ខ្លួនឯងថា នេះជាការសាកល្បងដើម្បីពង្រឹងស្មារតី សមត្ថភាពដោះស្រាយបញ្ហារបស់យើងឱ្យបានកាន់តែល្អ។
១៥. ពេលត្រូវគេរើសអើង...ត្រូវប្រាប់ខ្លួនឯងថា នេះជាពេលវេលាដែលត្រូវហាត់ពត់លុតដំខ្លួនឯងឱ្យក្លាយជាមនុស្សល្អបំផុត។
១៦. ពេលបាត់បង់មនុស្សដែលខ្លួនស្រលាញ់...ត្រូវប្រាប់ខ្លួនឯងថានេះជាវគ្គចុងក្រោយនៃសាច់រឿងជីវិតដែលគ្រប់គ្នាត្រូវតែជួបប្រទះ។ គ្មានអ្នកណាដែលអាចរស់នៅជាមួយយើងបានអស់មួយជីវិតនោះទេ៕