បើរៀបបន្ទប់ទឹកបែបនេះ កុំឆ្ងល់ហេតុអីសមាជិកក្នុងផ្ទះឈឺមិនបាត់ លុយចេញមិនឈប់

2019-03-18 08:00:00
ចំនួនមតិ 0 | ចំនួនចែករំលែក 0

ដូចគ្នានឹងផ្ទះបាយ និងបន្ទប់គេងដែរ របៀបរៀបចំបន្ទប់ទឹកគឺសំខាន់ខ្លាំងចំពោះម្ចាស់ផ្ទះ ទាំងខាងសុខភាព និងរឿងលាភសំណាង។ ដើម្បីកុំឲ្យសុខភាពអ្នកក្នុងផ្ទះមានរឿងមិនចេះចប់ និងលុយចេះតែហូរចេញនោះ អ្នកគួរជៀសវាងរបៀបរៀបបន្ទប់ទឹកដូចខាងក្រោម៖

១. បន្ទប់ទឹកនៅកណ្ដាលផ្ទះ

ចំណុចកណ្ដាលផ្ទះមានសារៈសំខាន់ប្រៀបដូចជាសួតមនុស្សយើងដែរ ព្រោះជាចំណុចផ្ដល់ឥទ្ធិពលដល់ម្ចាស់ផ្ទះ។ បើដាក់បន្ទប់ទឹកនៅទីនេះ នឹងធ្វើឲ្យផ្ទះធ្ងន់ទៅដោយភាពអវិជ្ជមាន ចំហាយអាក្រក់ច្រើន ជះឥទ្ធិពលមិនល្អដល់សុខភាពអ្នករស់នៅក្នុងផ្ទះ។ មិនត្រឹមតែប៉ុណ្ណោះ វាអាចធ្វើឲ្យទំនាក់ទំនងសមាជិកក្នុងគ្រួសារ ចម្រូងចម្រាស់គ្នាទៀតផង។

រូបតំណាង

**២. នៅទល់មុខទ្វារធំ**

ទ្វារធំមុខផ្ទះគឺជាច្រកទទួលថាមពលល្អឲ្យរត់ចូលផ្ទះ។ បើដាក់បន្ទប់ទឹកនៅទល់មុខទ្វារធំ នោះទ្វារទាំង២នឹងប្រឈមគ្នា ធ្វើឲ្យការហូរចូលនៃរាល់លាភសំណាងនឹងរអាក់រអួល។ មិនត្រឹមតែប៉ុណ្ណោះ ការរៀបបែបនេះ ក៏ធ្វើឲ្យអ្នកប្រើបន្ទប់ទឹកមានអារម្មណ៍មិនស្ងប់ពេលប្រើ ព្រោះទល់នឹងទ្វារធំ។

រូបតំណាង

៣. នៅជាប់ផ្ទះបាយ

តាមក្បួនហុងស៊ុយផ្ទះសម្បែង បន្ទប់ទឹកតំណាងឲ្យធាតុទឹក ផ្ទះបាយតំណាងឲ្យធាតុភ្លើង។ ហេតុនេះហើយ កន្លែងទាំង២នេះមិនអាចនៅជិតគ្នាបានឡើយ ព្រោះឆុងគ្នា។ បើកន្លែងទាំង២នេះនៅជិតគ្នា នោះក្នុងផ្ទះនឹងកើតជម្លោះមិនដាច់។