ធ្មេញដំបូងរបស់ទារក និងអ្វីដែលម្ដាយគួរដឹង ដើម្បីជួយកូនកុំឲ្យឈឺចាប់ខ្លាំង

2019-03-14 08:00:00
ចំនួនមតិ 0 | ចំនួនចែករំលែក 0

ធ្មេញដំបូងរបស់ទារក គឺជារឿងសំខាន់បំផុតមួយនៅក្នុងជីវិតរបស់គេ ដូចនេះអ្នកជាម្ដាយឪពុកគួរតែយល់ដឹងពីវា។ ប៉ុន្តែធ្មេញនេះវាអាចធ្វើឲ្យកូនតូចមានអារម្មណ៍ឈឺចាប់ ឬរមាស់។ បើអ្នកដឹងពីរោគសញ្ញានេះកាន់តែប្រសើរ ព្រោះអ្នកនឹងជួយកូនឲ្យមានអារម្មណ៍សុខស្រួលជាងមុន។

រូបតំណាង

**ធ្មេញដំបូងដុះនៅពេលណា?**

ជាទូទៅធ្មេញដំបូងរបស់កុមារនឹងចាប់ផ្ដើមក្នុងរយៈពេល ៦ ខែ។ ប៉ុន្តែកុមារខ្លះអាចចាប់ផ្ដើមដុះនៅពេលណាមួយក្នុងអំឡុងពេល ៦ ខែដល់ ១៣ ខែតែសូមកុំបារម្ភ។ ធ្មេញដំបូងដែលដុះឡើង គឺជាធ្មេញនៅខាងមុខ ២។ បន្ទាប់មកធ្មេញផ្សេងទៀតនឹងត្រូវបានដុះតម្រៀបតាមលំដាប់ ហើយជាទូទៅ លំដាប់នៃធ្មេញកើនឡើងនៅតាមអាយុខុសៗគ្នា។

ធ្មេញមុខ ៦-១២ ខែ

ធ្មេញក្រោយ ៩-១២ ខែ (ជាប់នឹងធ្មេញមុខកណ្ដាល)

កុមារនឹងមានធ្មេញពេញមាត់ក្នុងរយៈពេល ៣ ឆ្នាំ ហើយធ្មេញនឹងលូតលាស់ ហើយក្មេងភាគច្រើននឹងមិនមានបញ្ហាអ្វីទេ។ ប៉ុន្តែមុនពេលធ្មេញដំបូងលេចចេញជារូបរាងពេញលេញ រោគសញ្ញាចាប់ផ្ដើមពី ២-៣ ខែមុនពេលធ្មេញដុះ។

សញ្ញាអ្វីខ្លះដែលបញ្ជាក់ថាធ្មេញទារកដុះឡើង?

ក្មេងម្នាក់មានរោគសញ្ញាផ្សេងៗពីគ្នា។ ប៉ុន្តែរោគសញ្ញាដែលច្រើនតែលេចឡើងមានដូចជា៖

១.ហើមអញ្ចាញធ្មេញ

២.យំញឹកញាប់

រូបតំណាង

៣.រាងកាយក្ដៅប៉ុន្តែសីតុណ្ហភាពក្នុងរាងកាយនឹងមិនឡើងដល់ ៣៧ អង្សារទេ។

៤.ទាញត្រចៀក ឬជូតថ្ពាល់។

៥.ទំពា ខាំ ឬចង់ទំពារបស់រឹងៗ។

នៅពេលធ្មេញដុះឡើងអាចធ្វើឲ្យទារកឈឺចាប់ ប៉ុន្តែមិនបង្កឲ្យទៅជាឈឺផ្សេងឡើយ។ បើកុមារមានជំងឺរាក ក្អួត គួរនាំទៅជួបពេទ្យ ដោយសារតែវាមិនមែនជាលក្ខខណ្ឌធម្មតា នៅពេលធ្មេញដុះ។

តើធ្វើដូចម្ដេច ដើម្បីបន្ថយការឈឺចាប់

ខាំ និងទំពាវត្ថុត្រជាក់តិចៗ ព្រោះវាជួយកុមារមានអារម្មណ៍ល្អ។ ក្រុមអ្នកជំនាញបានលើកឡើង សូមព្យាយាមដាក់ក្រណាត់សើមក្នុងថង់ប្លាស្ទិក ប៉ុន្តែមិនត្រូវត្រជាក់រហូតដល់ពិបាក ហើយយកវាឲ្យទៅទារកខាំឡើយ។ ការឲ្យខាំទៀតសោត គឺឲ្យពួកគេខាំតិចៗ និងមិនគួរឲ្យកូនខាំជាមួយវត្ថុត្រជាក់ពេក ព្រោះវាអាចបណ្ដាលឲ្យរលាកនៅក្នុងមាត់។

ម៉ាស្សា

ប្រើម្រាមដៃស្អាតរបស់អ្នក ជាមួយនឹងការត្រជាក់តិចៗ។ បន្ទាប់មកម៉ាស្សាអញ្ចាញធ្មេញរបស់ទារក ទាំងការម៉ាស្សាបែបទន់ភ្លន់នឹងអាចជួយសម្រាកការឈឺចាប់ពីពន្លកធ្មេញ។

ចំពោះថ្នាំ គឺគេមិនអនុញ្ញាតឲ្យប្រើទេ ព្រោះវាមិនអាចជួយអ្វីដល់ទារកបាន៕

ចុចអាន៖ទោះឪពុកម្ដាយកម្ពស់ទាបៗ កូនៗក៏នៅតែខ្ពស់ជាមួយក្រុមអាហារទាំងនេះ

ប្រភព៖ Sanook ប្រែសម្រួល៖ ទ្រី រ៉ាវី