កូនប្រុសខឹងនិយាយតឹងសរសៃកដាក់ម្ដាយ តែឮពាក្យប៉ុន្មានម៉ាត់ចេញពីមាត់ពុកក៏រត់ទៅឱបសុំទោសភ្លាម

2019-03-13 07:00:00
ចំនួនមតិ 0 | ចំនួនចែករំលែក 0

នៅល្ងាចថ្ងៃមួយ កូនប្រុសដែលកំពុងសិក្សាកម្រិតថ្នាក់វិទ្យាល័យ បាននិយាយប្រកែកតវ៉ាតឹងសរសៃកដាក់ម្តាយ គ្រាន់តែរឿងរៀបចំបន្ទប់គេងខ្លួនឯងសោះ។ ខឹងរហូតមិនញ៉ាំបាយ ចេញទៅក្រៅផ្ទះដោយមិនប្រាប់មួយម៉ាត់។ ក្មេងប្រុសវ័យជំទង់ គិតថាម្តាយរបស់គាត់ ចូលចិត្តស្តីបន្ទោស និងពូកែទើសខ្លាំង ទើបបានជាគាត់ទប់មិនបាន ប្រើសម្តីធំស្រែកឮៗឲ្យម៉ែវិញ ធ្វើឲ្យម៉ែកាន់ខឹងតឹងទ្រូង ព្រោះកូនមិនស្តាប់បង្គាប់។

ឪពុកឃើញស្ថានភាពបែបនេះ ពិតជាពិបាកភ្នែកហើយក៏តានតឹងក្នុងចិត្តណាស់ដែរ។ ពេលនោះស្រាប់តែឪពុកដើរចេញទៅខាងក្រៅជាមួយកូនប្រុស។ ដើរបានឆ្ងាយបន្តិច ឪពុកបាននិយាយទៅកាន់កូនថា "កូនចូលចិត្តប្រកែកខឹងជាមួយម៉ាក់ ប៉ាមិនថាអី ប៉ុន្តែលុះត្រាតែកូនអាចធ្វើរឿង ១០ យ៉ាងនេះបានសិន ទើបប៉ាបើកសិទ្ធិឲ្យ”

“អីគេទៅប៉ា?” កូនប្រុសសួរ។

"ស្តាប់សម្តីប៉ាឲ្យច្បាស់ណា!"

ក្អួតចង្អោររាល់ព្រឹកក្រោយពេលញ៉ាំបាយអស់រយៈពេល ៣ ខែ (ចាញ់កូន)។ ខាំចុងសុដន់ ឈឺយ៉ាងណាក៏ស៊ូទ្រាំ (ពេលធ្មេញកូនទើបតែដុសថ្មីៗ)។
ក្នុងពោះដូចផ្ទុកដំថ្មជិត ១០ ខែ ហើយរីកធំដូចបាល់រាល់ខែ (ពេលពរពោះ)។
ខ្លួនប្រាណនៅជាប់ជាមួយភាពឈឺចាប់ អស់រយៈពេលជាច្រើនម៉ោងក្នុងអំឡុងពេលសម្រាល។
តមទឹកកក តែ កាហ្វេ អាហារដែលធ្លាប់ចូលចិត្តពីមុនដើម្បីតែកូនក្នុងផ្ទៃ។
ពេលគេងក៏មិនស្រួល មិនអាចត្រលប់ទៅមកផ្តេសផ្តាសអស់រយៈពេល៥ខែ។
ប្រុងប្រយ័ត្នខ្លាចឈឺ ទោះបីឈឺក៏មិនហ៊ានលេបថ្នាំខ្លាចប៉ះពាល់ដល់កូន។
ជូតលាមកកូន ប្តូរកន្ទប លាងគូថ មិនខ្ពើមរអើមសូម្បីតែបន្តិច។
រាល់យប់គេងពុំដែលឆ្អែត ២ម៉ោងភ្ញាក់ម្តង អស់រយៈពេលប្រហែល៣ខែ។