៤ យ៉ាងនេះជារឿងដែលប្រពន្ធមើលរំលងពីការលះបង់របស់ស្វាមី
- 2019-03-07 06:51:51
- ចំនួនមតិ 0 | ចំនួនចែករំលែក 0
៤ យ៉ាងនេះជារឿងដែលប្រពន្ធមើលរំលងពីការលះបង់របស់ស្វាមី
មានមនុស្សស្រីមួយចំនួនបានរអ៊ូថា ស្វាមីមិនយល់ពីខ្លួនដែលជាស្ត្រី។ បើនិយាយបែបនោះក៏មិនត្រឹមត្រូវទាំងស្រុងដែរ ប្រោះតាមការពិតមនុស្សប្រុសមួយចំនួនខិតខំធ្វើការខ្លាំងណាស់ ដើម្បីឲ្យគ្រួសារបានសុខ និងរស់នៅដោយមិនមានខ្វះមុខខ្វះក្រោយ គ្រាន់តែមិនសូវបានបង្ហាញឲ្យប្រពន្ធ ឬអ្នកដទៃឃើញ ដើម្បីបានពាក្យសរសើរមកវិញតែប៉ុណ្ណោះ។
១.លុយកាក់
ក្នុងរឿងនេះភរិយាដឹងច្បាស់ហើយ ថាមនុស្សប្រុសពេលរកលុយមកបាន គឺប្រគល់ឲ្យប្រពន្ធជាអ្នកទុកដាក់ទាំងអស់ខ្លួនឯងនៅសេសសល់តិចតួចសម្រាប់ចាយវាយតែប៉ុណ្ណោះ។ ស្វាមីខ្លះពេលទៅណាមកណាគ្មានប្រាក់ ក៏មិនហ៊ានសុំសុខចិត្តអត់ទៅតែម្ដង។
២.សម្លៀកបំពាក់
សម្រាប់មនុស្សប្រុសមិនដែលទាមទារភរិយាឲ្យទិញសម្លៀកបំពាក់ច្រើនឡើយ។ មិនថាទៅចូលរួមកម្មវិធី ទៅធ្វើការ នៅផ្ទះគឺមានមិនច្រើនដូចប្រពន្ធកូន ព្រោះតែមនុស្សប្រុសគិតថា នោះមិនមែនជារឿងចាំបាច់សម្រាប់ខ្លួន។
៣.សិទ្ធិ
បុរសបានប្រគល់សិទ្ធក្នុងការសម្រេចកិច្ចការផ្សេងៗដល់ប្រពន្ធជាច្រើនទាំងក្នុងការក្នុងផ្ទះ និងការងារក្រៅផ្ទះ។ មិនតែប៉ុណ្ណោះគាត់តែងតែសួរយោបល់ប្រពន្ធ មុនចង់ធ្វើអ្វីមួយ មិនថាជាការងារផ្ទាល់ខ្លួន ឬរឿងរួមឡើយ។
៤.គ្រឿងសម្អាងប្រើប្រាស់ប្រចាំថ្ងៃ
មនុស្សស្រីត្រូវការគ្រឿងសម្អាងច្រើនមុខណាស់រាប់ទាំងសាប៊ូកក់ ក្រែមបន្ទន់ សាប៊ូដុសមុខ ដុសខ្លួន ក្រែមលាបមុខយប់ថ្ងៃ សេរ៉ូម ម្សៅផាត់ ម្សៅទ្រនាប់ ក្រែម ម៉ាស្ការ៉ា និងគ្រឿងជាច្រើនទៀត។ ស្វាមីចំណាយប្រាក់ដោយមិនខ្វល់អ្វីទៅលើរបស់អស់ទាំងនោះ ឲ្យតែភរិយាសប្បាយចិត្ត និងស្រស់ស្អាតទៅបានហើយ។
មិនមែនមានតែរឿងប៉ុណ្ណឹងទេ នៅមានកាបូប ស្បែកជើង ទឹកអប់ និងសម្ភារៈដទៃទៀតដែលបុរសបានលះបង់ឲ្យភរិយាដោយមិនទាមទារអ្វីទាំងអស់៕
ចុចអាន៖៥ ចំណុចនេះ អាចធ្វើឲ្យនារីមានឥទ្ធិពលទៅលើបុរស ច្រើនជាងសម្រស់ទៅទៀត