ស្រីៗកុំខាតពេល! បើនិយាយប្ដីមិនស្ដាប់ ត្រូវខំប្រឹងរកលុយចិញ្ចឹមកូនឲ្យល្អវិញ

2019-02-28 12:00:00
ចំនួនមតិ 0 | ចំនួនចែករំលែក 0

និយាយច្រើនពេកមិនត្រឹមតែគេមិនស្ដាប់ទេ ថែមទាំងគេមើលងាយទៀត។ ចឹងហើយចាប់ពីពេលនេះទៅជាមនុស្សស្រីមិនចាំបាច់និយាយច្រើនទេ គួរតែយកកម្លាំងនិងពេលវេលាទៅរកលុយដើម្បីផ្គត់ផ្គង់ខ្លួនឯងនិងកូនៗវិញទើបល្អ។

រូបតំណាង

មនុស្សស្រីដែលនិយាយច្រើនពេក ប្រៀបដូចជាមនុស្សចាស់គួរឲ្យធុញម្នាក់ចឹង។ ត្រូវហើយវាពិតជាឈឺចាប់ណាស់ពេលដែលគ្មាននរណាម្នាក់ស្ដាប់ពាក្យសម្ដីរបស់យើង ហើយថែមទាំងមើលងាយខ្លួនឯងថែមទៀត។ ចឹងហើយចាប់ពីពេលនេះទៅមិនចាំបាច់និយាយច្រើនទៀតទេ ពេលស្វាមីរបស់អ្នកមកផ្ទះយឺតពេល ស្វាមីរបស់អ្នកជាមនុស្សដែលគ្មានបេះដូង។ ចំណាយពេលនិងកម្លាំងខំប្រឹងរកលុយដើម្បីបំពេញន័យឲ្យជីវិតខ្លួនឯងវិញ។ ល្អជាងយកពេលទៅមានរឿងជាមួយប្ដីដែលមិនដែលមកញ៉ាំបាយផ្ទះ ប្ដីដែលប្រមឹក និង ប្តីកម្ជិលទាំងនោះ។

អ្នកត្រូវតែចាំថាពាក្យសម្ដីដែលមនុស្សស្រីនិយាយចេញទៅជាមាសជាពេជ្រ មិនអាចខ្ជះខ្ជាយបានទេ។ កុំចំណាយកម្លាំងអត់ប្រយោជន៍ជាមួយមនុស្សដែលមិនស្ដាប់យើង។ដើម្បីតែមនុស្សម្នាក់សោះ កុំធ្វើឲ្យខ្លួនឯងខាតពេលនិយាយច្រើនពេក។

ស្ត្រីដែលរៀបការហើយគួរតែទទួលបានជីវិតដែលរីករាយ មិនមែនត្រូវបន្ថែមបន្ទុកឲ្យពួកគេទៀតនោះទេ។ មានរឿងច្រើនណាស់ដែលភ្នែកអ្នកមិនអាចឃើញ និងចិត្តមិនអាចយល់ ចឹងហើយកុំខ្វល់នឹងអ្វីដែលស្វាមីរបស់អ្នកកំពុងធ្វើខ្លាំងពេក។

បើគេប្រាប់ថាគេបានលឺហើយ នោះគេគួរតែស្ដាប់បាននូវអ្វីដែលអ្នកនិយាយហើយ។ ប្តីរបស់អ្នកមិនមែនជាក្មេងអាយុ ៥ឆ្នាំទេ មិនចាំបាច់ត្រូវបង្រៀនដោយប្រើទ្រឹស្ដីច្រើនពេកទេ។ត្រូវទុកឲ្យពេលវេលាជាអ្នកបង្រៀនស្វាមីរបស់អ្នក និងកែប្រែគេឲ្យក្លាយជាមនុស្សដែលមានប្រយោជន៍ចុះ។ យើងត្រូវតែស្អាត និងខំប្រឹងរកលុយ ហើយផ្ដល់ជីវិតដែលល្អបំផុតមួយឲ្យកូនៗរបស់យើង។

ជីវិតរៀបការហើយ គ្មានអ្នកណាល្អជាងអ្នកណាទេ។ ប៉ុន្តែត្រូវចេះគោរពស្រលាញ់គ្នាទៅវិញទៅមក ពេលខ្លះគ្រាន់តែកំហុសតិចតួចមិនត្រូវនិយាយច្រើនដដែលៗពេកទេ។ ពីព្រោះគ្រប់គ្នាត្រូវការភាពរីករាយ និងរស់នៅជាមួយគ្នាឲ្យបានយូរ។ ក្រៅពីការនិយាយ អ្នកត្រូវរៀនស្ដាប់ ស្ងប់ស្ងាត់ហើយស្វែងយល់ពីគ្នាទៅវិញទៅមក។

ស្រ្តីគ្រប់រូបត្រូវតែមានសម្រស់ ជ្រើសរើសការមើលថែខ្លួនឯងជាជាងខ្វល់ខ្វាយពីអ្នកដ៏ទៃ ឬត្រូវយកខួរក្បាលខ្លួនឯងទៅគិតជាមួយរឿងការងារវិញ ទើបអ្នកគ្មានពេលទៅខ្វល់ខ្វាយជាមួយទង្វើរបស់ប្តីអ្នក។ និយាយកាន់តែតិចជាវិធីដ៏ល្អបំផុតមួយសម្រាប់ស្ត្រីក្នុងការការពារខ្លួនឯងពេលរៀបការហើយ។

ក្នុងពេលតែមួយនោះ ពេលដែលអ្នកមិនចេះរអ៊ូរទាំច្រើន អ្នកក៏មានពេលមើលថែខ្លួនឯងដែរ។ ត្រូវចាំថាពាក្យសម្ដីរបស់អ្នកទាំងអស់មិនប្រាកដថាធ្វើឲ្យមនុស្សប្រុសស្ដាប់បានទេ។ ពេលខ្លះបំណងល្អរបស់អ្នកនឹងប្រែក្លាយជាភាពជូរចត់ និងទុក្ខព្រួយទៅវិញទេ។

ជំនួសឲ្យពាក្យសម្ដីថា « កុំផឹកស្រា ព្រោះវានឹងបំផ្លាញសុខភាពរបស់បង » « អ្នកគួរតែញ៉ាំល្មមៗបានហើយ ដើម្បីការពារសុខភាពខ្លួនឯង » អ្នកគួរតែនិយាយប្រយោគទាំងនេះមកកាន់ខ្លួនឯងវិញ ព្រោះអ្នកក៏ត្រូវការការព្រួយបារម្ភ និងការស្រលាញ់ដូចគ្នាដែរ។