៣ យ៉ាងស្រីៗចង់បាន និង ប្រុសៗត្រូវការ បើធ្វើបានប្តីប្រពន្ធគ្មានថ្ងៃលែងលះដាច់ខាត
- 2019-03-03 02:55:37
- ចំនួនមតិ 0 | ចំនួនចែករំលែក 0
៣ យ៉ាងស្រីៗចង់បាន និង ប្រុសៗត្រូវការ បើធ្វើបានប្តីប្រពន្ធគ្មានថ្ងៃលែងលះដាច់ខាត
សុភមង្គលមិនមែនរត់រកអ្នកដោយឯកឯងទេបើមិនចេះបង្កើតវាឡើងខ្លួនឯង។ ប្តីនិងប្រពន្ធបើចង់រស់នៅជាមួយគ្នាយ៉ាងមានក្តីសុខ ស្រលាញ់គ្នាកាន់តែខ្លាំងឡើងរាល់ថ្ងៃ ត្រូវតែយកចិត្តទុកដាក់លើរឿងតូចតាចទាំងនេះរាល់ថ្ងៃ។ ប្រពន្ធត្រូវដឹងថា ៣ យ៉ាងដែលប្តីត្រូវការ ហើយប្តីក៏ត្រូវយល់ចិត្តប្រពន្ធដូចគ្នាថា នាងចង់បាន ៣ យ៉ាងនេះដូចគ្នា។
៣ យ៉ាងបុរសត្រូវការ
១. ធ្វើជាផ្ទះមួយពេលត្រលប់មកពីធ្វើការមានអារម្មណ៍ថាកក់ក្ដៅ និងមិនចង់ទៅណាក្រៅពីផ្ទះមួយនេះទេ
មនុស្សប្រុសនៅខាងក្រៅ ត្រូវបានគេគោរពឲ្យតម្លៃជាច្រើនដោយសារតែទេពកោសល្យ និងជំនាញដ៏ប៉ិនប្រសប់របស់គេ។ គេប្រឹងធ្វើការយ៉ាងខ្លាំងប្រៀបដូចជាសេះមួយក្បាលកំពុងបោលរកកន្លែងថ្មីចឹង ប៉ុន្តែចង់បញ្ចប់សេះនោះនឹងរកកន្លែងឈប់សម្រាក។ ប្រុសនៅតែចង់បានកន្លែងមួយដែលល្អ ស្អាត ជាផ្ទះមួយដែលពោរពេញដោយសំឡេងសើចរបស់កូនៗ គ្រែគេងដែលមានផាសុកភាពមួយដែលអាចឲ្យខ្នងរបស់គេសម្រាកបានយ៉ាងស្រួលបន្ទាប់ពីធ្វើការហត់ពេញមួយថ្ងៃ។ ផ្ទះជាកន្លែងដែលអាចញ៉ាំបាយជុំគ្រួសារ លឺសំលេងសើចរបស់ប្រពន្ធ ហើយសួរប្តីថាតើប្តីរបស់នាងហត់ខ្លាំងទេថ្ងៃនេះ? ប្រុសៗត្រូវការបរិយាកាសបែបនេះពេលត្រលប់មកផ្ទះ សកម្មភាពទាំងនេះអាចលើកទឹកចិត្តគេឲ្យកាន់តែខំប្រឹងប្រែងជាងមុនទៀត។
២. គោរព ទន់ភ្លន់ និងទុកចិត្ត
មនុស្សប្រុសពេលរៀបការហើយ គេចង់បានបំផុតនោះគឺការគោរព។ សម្រាប់ប្រពន្ធពាក្យដែលនាងចង់លឺគឺ «បងស្រលាញ់អូន» តែសម្រាប់ប្តីត្រូវការពាក្យ «អរគុណ» ចេញពីមាត់ប្រពន្ធ។ បុរសត្រូវការប្រពន្ធដែលមានជំនឿលើអ្វីដែលពួកគេបានធ្វើ។ពួកគេត្រូវការកម្លាំងចិត្តពីខាងក្រោយយ៉ាងរឹងមាំមួយ ការលួងលោម ការលើកទឹកចិត្ត ពេលពួកគេបរាជ័យ និងជួបការលំបាក។ប្រពន្ធត្រូវតែទទួលយកការខិតខំប្រឹងប្រែងរបស់ស្វាមី ។ប្តីត្រូវការសរសើរពីប្រពន្ធ និងជឿជាក់លើគេ ពួកគេនឹងខំឲ្យអស់ពីសមត្ថភាពដើម្បីកុំឲ្យនាងខកចិត្ត។
៣. សេរីភាព
មនុស្សប្រុសមានមហិច្ឆតាខ្លាំងណាស់។ ពួកគេត្រូវការសេរីភាពដើម្បីអភិវឌ្ឍន៍ខ្លួនឯង ធ្វើអ្វីដែលគេចង់ធ្វើ មិនថាពេលនៅលីវ ឬរៀបការហើយទេ។ ត្រូវចាំថាកុំធ្វើឲ្យគ្រួសារក្លាយជាគុកមួយ កូនជាឧបសគ្គក្នុងការអភិវឌ្ឍន៍ខ្លួនរបស់មនុស្សប្រុស។ មនុស្សប្រុសត្រូវការពិភពលោករបស់គេ នៅពេលដែលគេមានសមត្ថភាពគ្រប់គ្រាន់ហើយគេនឹងត្រឡប់មកផ្ទះវិញ។ ប្រពន្ធឆ្លាតនឹងមានសមត្ថភាពបញ្ចុះបញ្ចូលប្តី ផ្ដល់សេរីភាពឲ្យគេ ស្វែងរកអ្វីដែលគេចង់បាន នៅកន្លែងមួយដែលមានសុវត្ថិភាពបំផុត។
៣ យ៉ាងស្រីៗចង់បាន
១. ស្តាប់
គ្មានអ្វីអស្ចារ្យជាងមានមនុស្សម្នាក់ដែលតែងតែនៅក្បែរអ្នកនោះទេ។ ស្តាប់ និងចែករំលែកបញ្ហា ភាពលំបាកក្នុងជីវិតដែលអ្នកកំពុងជួប។ ពិតណាស់ដែលថាប្តីរបស់អ្នកមិនអាចដោះស្រាយបានគ្រប់បញ្ហាឲ្យអ្នកទេ តែអាចព្រួយបារម្ភ និងស្តាប់ពីបញ្ហារបស់នាង តែប៉ុណ្ណឹងក៏បេះដូងនាងស្ងប់ និងគ្រប់គ្រាន់ហើយ។
២. មានអារម្មណ៍ថាមានសុវត្ថិភាព ដោយការការពារនិងការស្រលាញ់
មនុស្សស្រីមិនថានាងរឹងមាំប៉ុណ្ណាទេ នាងនៅតែត្រូវការបុរសម្នាក់ដែលអាចផ្អែកស្មាបាន។សម្រាប់មនុស្សស្រីការរៀបការគឺជាកម្មសិទ្ធិ ចឹងហើយនាងត្រូវតែមានអារម្មណ៍ថាមានសុវត្ថិភាព និងទទួលបានការស្រលាញ់។ អ្វីដែលនាងខ្លាចបំផុតនោះមិនមែន មិនខំធ្វើការទេ តែជាមនុស្សប្រុសដែលគ្មានបេះដូង មិនខ្វល់ពីគ្រួសារ និងកូនៗ ទៅវិញទេដែលនាងខ្លាចបំផុត។ អ្វីដែលនាងត្រូវការបំផុតនោះ គ្រាន់តែឱបនាងពេលដែលនាងហត់ សួរនាំ ព្រួយបារម្ភ ។ ប្តីដែលមិនខ្វល់ពីប្រពន្ធ នៅថ្ងៃណាមួយអ្នកនឹងដឹងថាគ្មានប្រពន្ធណាអាចរស់នៅជាមួយអ្នកបានទេ។
៣. ចេះជួយធ្វើការងារផ្ទះ
ការងារផ្ទះមិនមែនជាអ្វីដែលមានតែមនុស្សដែលអាចធ្វើបាន ឬជាការងារដែលមនុស្សស្រីត្រូវតែធ្វើតែម្នាក់ឯងនោះទេ។ នរណាៗក៏មានការងារផ្ទាល់ខ្លួនដែរ តែនៅពេលត្រលប់មកផ្ទះ ហេតុអ្វីបានជាមានតែស្រីៗដែលដើរចូលចង្ក្រានធ្វើការតែម្នាក់ឯង? បុរសអាចចេញក្រៅរកលុយបាន មនុស្សក៏ធ្វើបានដូចគ្នា។ ចឹងហើយការងារដែលស្រីអាចធ្វើបានមនុស្សប្រុសក៏អាចជួយបានដូចគ្នា។ មានតែប្តីអាក្រក់តែប៉ុណ្ណោះដែលគិតថាការងារផ្ទះជាការរបស់ប្រពន្ធតែម្នាក់ឯង។ ទោះបីមនុស្សស្រីជាតែងតែអធ្យាស្រ័យ តែនាងចង់ឲ្យស្វាមីរបស់នាងជួយការងារនាងខ្លះដើម្បីបញ្ជាក់ពីចិត្តស្រលាញ់ចំពោះនាង។ ធ្វើបែបនេះទើបអាចធ្វើឲ្យនាងមិនគិតថានាងមានបន្ទុកច្រើន និងស្រ្តេសពេក៕
ចុចអាន៖ ប្រពន្ធឆ្លាតតែងតែធ្វើបែបនេះ ពេលប្ដីមានស្រីក្រៅហើយសុំលែងគ្នា