របៀបកាន់ទូរសព្ទ អាចបញ្ជាក់ពីបុគ្គលិកលក្ខណៈរបស់អ្នកបាន

2019-02-25 12:00:00
ចំនួនមតិ 0 | ចំនួនចែករំលែក 0

យើងទាំងអស់គ្នាតែងតែធ្វើអ្វីមិនដូចគ្នាទេ។ តែទោះបីជាយ៉ាងណា គ្រាន់តែរឿងតូចតាចមួយក៏អាច ប្រាប់ពីបុគ្គលិកលក្ខណៈរបស់មនុស្សម្នាក់ៗបានដែរ។ ពួកយើងម្នាក់ៗតែងតែកាន់ទូរសព្ទជាប់ដៃជានិច្ច ហើយម្នាក់ៗតែងតែមានរបៀបកាន់រៀងៗខ្លួន។ តោះទៅអានទាំងអស់គ្នាថាអ្នកមានរបៀបកាន់ទូរសព្ទបែបណា ហើយតើវាមានន័យយ៉ាងម៉េចទាក់ទងនឹងបុគ្គលិកលក្ខណៈរបស់អ្នក?

ប្រើមេដៃ

កាន់ទូរសព្ទដោយគ្រាន់តែប្រើមេដៃរបស់អ្នកជួយ មានន័យថាអ្នកគឺជាមនុស្សដែលចូលចិត្តលើកទឹកចិត្តអ្នកដទៃ និងតែងតែមើលឃើញចំនុចល្អក្នុងរឿងអ្វីមួយ។ ភាពមិនសូវចេះខ្វល់ច្រើនរបស់អ្នកអាចជួយអ្នកដោះស្រាយបញ្ហាបានយ៉ាងស្រួល។ អ្នកមានទំនុកចិត្តនឹងអ្វីដែលសមស្របនឹងសមត្ថភាពខ្លួនឯង ហើយអ្នកតែងតែពេញចិត្តនូវអ្វីដែលខ្លួនឯងមាន។ ហើយបើនិយាយពីទំនាក់ទំនងស្នេហាវិញ អ្នកចំណាយពេលច្រើនខែណាស់ ដើម្បីសម្រេចចិត្តលើមនុស្សម្នាក់ ហើយអ្នកមិនចូលចិត្តការប្ដេជ្ញាចិត្តខ្លាំងពេកនោះទេ។

ប្រើមេដៃអូស ហើយនិងវាយអក្សរ

វាមានន័យថាអ្នកជាមនុស្សឆ្លាតវៃ និងប្រុងប្រយ័ត្នពេលសម្រេចចិត្តធ្វើអ្វីមួយ ឬអះអាងទៅលើអ្វីមួយ។ អ្នកជាមនុស្សខ្វល់ច្រើនជាមួយការគិតនិងសម្ដីអ្នកដទៃមកលើអ្នក វាជាចរិតធម្មជាតិរបស់អ្នក។ អ្នកអាចសម្រេចចិត្តជ្រើសយកដៃគូដែលល្អសម្រាប់អ្នក ដោយគ្រាន់តែជួបគ្នាម្ដងប៉ុណ្ណោះ អ្នកជាមនុស្សដាក់ទុនច្រើនក្នុងរឿងស្នេហា។ យ៉ាងណាក៏ដោយនេះជាអ្វីដែលធ្វើឲ្យអ្នកជ្រើសយកដៃគូខុស។

វាយអក្សរដោយប្រើមេដៃពីរ

អ្នកជាមនុស្សពូកែហើយរហ័ស។ អ្នកជាមនុស្សពូកែក្នុងរឿងការងារ ហើយអាចវិភាគរកបញ្ហាបានយ៉ាងលឿន។ អ្នកមានបុគ្គលិកលក្ខណៈ៣ខុសៗគ្នា។ទីមួយគឺ ចូលចិត្តជប់លៀងជាមួយអ្នកគ្រប់គ្នា ទីពីរ គឺពិភាក្សារឿងការងារនៅកន្លែងធ្វើការ ហើយទី៣ គឺមិនខ្វល់ជាមួយមនុស្សដែលអ្នកស្រលាញ់។ បើនិយាយពីរឿងស្នេហាវិញ វាពិតជាលំបាកណាស់សម្រាប់អ្នកក្នុងការយកឈ្នះចិត្តរបស់នរណាម្នាក់ ហើយអ្នកជាមនុស្សដែលធ្លាប់ឈឺចាប់ដោយសារការបែកគ្នាច្រើនដងមកហើយ។

ប្រើម្រាមដៃចង្អុល

ប្រសិនបើអ្នកប្រើម្រាមដៃចង្អុលពេលកាន់ទូរសព្ទ នោះមានន័យថាអ្នកមានសិល្បៈ និងការច្នៃប្រឌិតខ្ពស់ណាស់។ គំនិតរបស់អ្នកភាគច្រើនត្រូវបានទទួលស្គាល់ និងសរសើរដោយអ្នកដទៃ ហើយមនុស្សជាច្រើនបានយល់ស្របជាមួយភាពច្នៃប្រឌិតរបស់អ្នកនៅកន្លែងធ្វើការ។ អ្នកជាមនុស្សដែលអៀនបំផុតក្នុងរឿងស្នេហា អ្នកស្ទើរតែមិនមែនជាអ្នកដែលចាប់ផ្ដើមអ្វីមុននោះទេ៕

ចុចអាន៖ មើលអត្តចរិតតាមរយៈខ្សែបាតដៃ ចង់ដឹងទេថាអ្នកត្រូវចំមួយណា?

ប្រភព៖ usefulgen ប្រែសម្រួល៖ ឃួន សុលីកា