សុខចិត្តសឹកពីព្រះសង្ឃ ទៅកែភេទជាស្រី ធ្វើជាម៉ូដែលវិញ

2019-02-25 03:00:00
ចំនួនមតិ 0 | ចំនួនចែករំលែក 0

Tenzin Mariko គឺជាតារាបង្ហាញម៉ូដកែភេទទីមួយនៅទីបេ នាងមានអ្នកគាំទ្រលើបណ្ដាញសង្គមរាប់ម៉ឺននាក់ តែប្រវត្តិកាលពីមុនរបស់នាងបានធ្វើឲ្យគេភ្ញាក់ផ្អើលជាខ្លាំង។

តាមការពិត Tenzion Mariko កើតឆ្នាំ ១៩៩០ កើតមកក្នុងរាងកាយជាមនុស្សប្រុស ហើយមានឈ្មោះដំបូងថា Tenzin Ugen ដែលមានបងប្អូនប្រុស៦ នាក់។ តាំងពីតូចក្រូចឆ្មារម្ល៉េះ Tenzin តែងចូលចិត្តរបស់របរស្រីៗ តែគ្រួសារលោកប្រាប់ថាត្រូវធ្វើឲ្យដូចមនុស្សប្រុស។ អាយុបាន៩ឆ្នាំ លោកត្រូវបានបញ្ជូនទៅស្នាក់នៅវត្តមួយនៅទីបេ ដើម្បីបួសជាសង្ឃ។ តែសកម្មភាពនេះមិនបានផ្លាស់ប្ដូរចរិតពិតរបស់បុរសវ័យ២៩ឆ្នាំនេះបានឡើយ។

ឆ្នាំ ២០១៤ គឺជាឆ្នាំដែលមានរឿងធំមួយកើតឡើងចំពោះ Tenzin នៅពេលវីដេអូថតលោកកំពុងរាំច្រៀង ក្នុងសម្លៀកបំពាក់នារីត្រូវបានគេបង្ហោះលើអ៊ីនធឺណិត។ នៅពេលដំបូង ដោយសារតែខ្លាចពេក លោកក៏បដិសេធថាមិនមែនជាខ្លួន។ យ៉ាងណាក្ដី ក្រោយពេលពិចារណាច្បាស់លាស់ហើយ លោកគិតថា ដល់ពេលដែលខ្លួនគួររស់នៅជាមួយអ្វីដែលខ្លួនចង់បានហើយ។

អាស្រ័យហេតុនេះ ក្នុងឆ្នាំ ២០១៥ Tenzin បានផ្សឹក ហើយកែភេទ ដើម្បីចាប់យកអាជីពជាតារាម៉ូដែល ក៏ដូចជាអ្នករាំជំនាញផងដែរ។ សព្វថ្ងៃនេះ នាងធ្វើការទាំងនៅទីបេ និងប្រទេសឥណ្ឌា ហើយមានអ្នកគាំទ្រលើបណ្ដាញសង្គមជាង២ម៉ឺននាក់៕

ចុចអាន៖រកគូយូរពេកអត់ឃើញ ស្ត្រីម្នាក់សុខចិត្តរៀបការជាមួយភួយរបស់ខ្លួន

ប្រភព៖ bestie អត្ថបទ៖Caramel