មនុស្សស្រីក្លាយជារឹងមាំ គឺមកពីភាពដាច់ចិត្តរបស់មនុស្សប្រុស

2019-02-18 03:30:00
ចំនួនមតិ 0 | ចំនួនចែករំលែក 0

គ្មានអ្នកណាស្រាប់តែរឹងមាំឡើងនោះទេ មកពីឆ្លងកាត់ភាពឈឺចាប់ ត្រូវបានគេធ្វើអាក្រក់ដាក់ ទើបមនុស្សស្រីងើបឈរឡើងប្រឈមមុខនឹងព្យុះភ្លៀងដោយខ្លួនឯង។

គេថា កាន់តែធំ មនុស្សស្រីកាន់តែចាស់ទុំ តែតាមខ្ញុំ អាយុមិនអាចកំណត់ភាពចាស់ទុំបានទេ។ ព្រោះអ្នកខ្លះ ចាស់តែខ្លួនតែចរិតនៅតែដូចកូនក្មេង មិនចេះគិតវែងឆ្ងាយ។ មានតែការឆ្លងកាតទុក្ខលំបាក ភាពឈឺចាប់ទេ ទើបមនុស្សស្រីរឹងមាំ និងក្លាហានពិតប្រាកដ។

មនុស្សស្រីកើតមក អ្នកណាក៏ប្រាថ្នាចង់បានស្នេហាដូចចិត្ត មានសុភមង្គលកាន់ដៃគ្នាដល់ចាស់សក់ស្កូវ។ តែនៅពេលដួលម្ដងហើយ ទើបគេដឹងថា ជីវិតមិនមានពណ៌ស៊ីជម្ពូដូចដែលគេបានគិតនោះទេ គឺមានពណ៌ច្រើនទៀត។ កុំគិតថាមនុស្សស្រីស្អាតហើយទទួលបានផលប្រយោជន៍ច្រើនឲ្យសោះ ព្រោះចិត្តដាច់របស់បុរសមិនលើកលែងអ្នកណាទាំងអស់។ តែកុំបន្ទោសគេដែលធ្វើឲ្យយើងឈឺ ហើយត្រូវអរគុណគេដែលឲ្យយើងជួបគេ។ អរគុណគេដែលបានបង្រៀនយើងឲ្យស្គាល់ថាអ្វីជាការឆោតល្ងង់។ នៅពេលនោះ អ្នកនឹងរឹងមាំដោយឯកឯង មិនត្រូវការពឹងផ្អែកលើអ្នកណា ហើយពេលនោះ អ្នកចាប់ផ្ដើមស្រលាញ់ខ្លួនឯងជាងមុន ដោយមិនចាំបាច់ទៅលន់តួមនោសញ្ចេតនារបស់អ្នកដទៃ។

គេថាមនុស្សស្រីរឹងមាំដោយសារចិត្តដាច់របស់បុរសគឺមិនខុសមែន។ មនុស្សប្រុសកាន់តែអាក្រក់ មនុស្សស្រីក្រោយរងទុក្ខហើយ កាន់តែមោះមុត មានឆន្ទៈជាងមុន គ្មានអ្វីអាចផ្ដួលបាន។ បុរសម្នាក់ឆ្លងកាត់ជីវិតអ្នក នឹងបន្សល់ឲ្យអ្នកមេរៀនមួយ។

ដូចនេះហើយ យើងត្រូវចេះបម្លែងភាពឈឺចាប់នោះ ទៅជាកម្លាំងដើម្បីការពារខ្លួនឯង។ ហើយចាប់ពីពេលនេះទៅ កុំស្រលាញ់អ្នកណាជ្រុលពេកទៀតឲ្យសោះ។ កុំអនុញ្ញាតឲ្យគេមានសិទ្ធិជិះជាន់លើមនោសញ្ចេតនារបស់យើង។

យើងអាចកើតមកមិនសូវឆ្លាត មិនសូវពូកែ តែក្រោយការដុះខាត់ ជឿជាក់ថា នឹងភ្លឺស្វាងជាងមុន។ ម្ល៉េះហើយ ទោះឈឺក៏ត្រូវក្រោយឈរហើយបង្ហាញឲ្យគេឃើញថា ឈឺប៉ណ្ណឹងមិនស្លាប់ទេ ថែមទាំងមាំមួនជាងមុនទៀតផង៕

ចុចអានបន្ត៖ ៥ប្រយោគចេញពីមាត់មនុស្សប្រុស មានន័យថាគេហត់នឿយជាមួយអ្នកហើយ

ប្រភព៖ Guu ប្រែសម្រួល៖ Caramel