៣វិធីងាយៗ ជួយបន្ថយភាពតានតឹងបានយ៉ាងរហ័សបំផុត

2019-02-14 01:30:00
ចំនួនមតិ 0 | ចំនួនចែករំលែក 0

តើភាពតានតឹងឧស្សាហ៍នៅជាប់ជាមួយនឹងខ្លួនអ្នកណាស់មែនទេ? សូម្បីតែពេលខ្លះមិនចង់ក៏ដោយ តែមិនអាចជៀសផុតពីវាបានឡើយ។ បើនៅស្ងៀមៗ មិនរកដំណោះស្រាយ វានឹងមានឥទ្ធិពលកាន់តែខ្លាំងឡើងៗ។ ហេតុនេះត្រូវប្រញាប់ជួយខ្លួនឯង តាមវិធីងាយៗ៣យ៉ាង ដែលឃើញប្រសិទ្ធិភាពយ៉ាងរហ័សបំផុត។

១. ផឹកកាហ្វេ

កាហ្វេ ស័ក្តសមបំផុតសម្រាប់អ្នកធ្វើការនៅការិយាល័យ និងអ្នកដែលប្រើការគិតច្រើនជាប្រចាំ។ វាអាចជួយកាត់បន្ថយស្រ្តេស និងជួយឲ្យអារម្មណ៍ភ្លឺស្វាង ពេលគិតអ្វីមិនចេញ។ កាហ្វេក៏អាចបន្ថែមថាមពលដល់អ្នកកាយ មិនធ្វើឲ្យងងុយគេង ប៉ុន្តែបើផឹកច្រើនពេក វានឹងបង្កផលប៉ះពាល់ដល់សុខភាពបានដែរ។

២. ញ៉ាំបាយឲ្យឆ្អែតៗ មុននិងក្រោយពេលធ្វើការ

តើអ្នកធ្លាប់គិតថា ខ្លាចធ្វើការងារមិនចប់ឲ្យគេ រហូតមិនហ៊ានញ៉ាំបាយដែរទេ? បើពិតជាធ្លាប់មែន គួរផ្លាស់ប្តូរទម្លាប់នេះចេញទៅ។ ការងារសំខាន់ ប៉ុន្តែសុខភាពនិងអារម្មណ៍លើសពីសំខាន់ទៅទៀត។ កាលណាក្រពះទទេ គ្មានអ្វីទាល់តែសោះ ជាពិសេសនៅពេលព្រឹក នោះខួរក្បាលរបស់អ្នក មិនអាចដំណើរការបានល្អ រាងកាយចុះខ្សោយ ហើយការងារក៏អន់ថយទៅតាមហ្នឹងដែរ។ មុននិងក្រោយពេលធ្វើការ ត្រូវញ៉ាំបាយឲ្យឆ្អែតៗសិនទៅ ទើបទទួលអារម្មណ៍ល្អពេញមួយថ្ងៃ។

៣. ឆាតលេងជាមួយមិត្តភ័ក្តិ

បើអ្នកព្យាយាមសំងំនៅម្នាក់ឯងមិនធ្វើអ្វីទាំងអស់ ក្រៅពីដកដង្ហើមធំ មានន័យថាអ្នកកំពុងតែដាក់សម្ពាធឲ្យខ្លួនឯងទ្វេដង។ ការដកដង្ហើមមិនបានត្រឹមត្រូវ ដូចជាញាប់ពេកឬយឺតពេក អាចធ្វើឲ្យខ្យល់អុកស៊ីហ្សែនមិនល្អ ជ្រាបចូលទៅក្នុងសួត ធ្វើឲ្យរាងកាយទាំងមូលមានភាពតានតឹង។ គួរមានគ្នានិយាយលេង ឬឆាតលេង ដើម្បីឲ្យអារម្មណ៍បានធូរស្រាលខ្លះ កុំឲ្យតឹងទ្រូង បៀមទុក្ខតែម្នាក់ឯង ខ្លាំងពេក។