ទម្រង់ចង្កាអាចបង្ហាញពីអត្តចរិតនិងជោគវាសនាទៅថ្ងៃមុខរបស់អ្នក
- 2019-02-13 08:35:00
- ចំនួនមតិ 0 | ចំនួនចែករំលែក 0
ទម្រង់ចង្កាអាចបង្ហាញពីអត្តចរិតនិងជោគវាសនាទៅថ្ងៃមុខរបស់អ្នក
គ្រាន់តែមើលទម្រង់ចង្កា ក៏អាចដឹងពីអត្តចរិត និងជោគវាសនាទៅថ្ងៃអនាគតរបស់មនុស្សម្នាក់ៗបានដែរ។ តើវាជាការពិតមែនដែរទេ? បើចង់ដឹងកាន់តែច្បាស់ ទៅតាមដាននិងផ្ទៀងមើល ពីអត្ថន័យខុសៗគ្នា នៃទម្រង់ចង្កានិមួយៗខាងក្រោមនេះ។
១. ចង្កាស្រួច
ចង្កាស្រួច រាងអក្សរV ជាទីពេញនិយមសម្រាប់មនុស្សស្រីភាគច្រើន ពិសេសនារីនៅអាស៊ីតែម្តង។ ស្រីៗដែលមានទម្រង់ចង្កាបែបនេះ ច្រើនមានទេពកោសល្យខ្ពស់ វ័យឆ្លាត និងយល់ពីចិត្តអ្នកដទៃបានច្បាស់។ នាងមានមន្តស្នេហ៍ខ្លាំង និងមានលេចធ្លោក្នុងចំណោម នារីដទៃទៀត។
សម្រាប់ផ្លូវជីវិតវិញ គ្រប់របរការងារ ពោរពេញដោយភាពភ្លឺត្រចះត្រចង់ ប៉ុន្តែរឿងស្នេហា អាចនឹងមានភាពអាប់អួរបន្តិច តែមិនធ្ងន់ធ្ងរពេកទេ។ អ្នកក៏មានសត្រូវមួយចំនួន ចាំច្រណែនឈ្នានីសបោកបញ្ឆោត ដូច្នេះគួរចេះប្រយ័ត្នប្រយែងឲ្យបានត្រឹមត្រូវ។
២. ចង្កាមូល
អ្នកដែលមានចង្កាមូល ភាគច្រើនជាមនុស្សមានមុខមាត់ មានឋានៈខ្ពស់ក្នុងសង្គម។ ពួកគេចូលចិត្តជីវិតដែលសប្បាយរីករាយ និងស្រលាញ់ការងារ។ ជាមួយនឹងភាពរឹងមាំ និងមហិច្ឆតាខ្ពស់ តែងធ្វើឲ្យគេអាចសម្រេចនូវក្តីស្រមៃ ដឹងថាពេលណាត្រូវផ្អាក ប៉ុន្តែមិនដែលរាថយដាច់ខាត។
៣. ចង្កាខ្លី
មនុស្សប្រភេទនេះ មិនសូវចេះមាត់ក ហើយអារម្មណ៍ប្រែប្រួលមិនទៀង។ ជួនកាលមានបញ្ហារឿងស្នេហា រហូតប៉ះពាល់ដល់ការងារក៏មាន។ ពេលអនាគត ភាគរយដែលអាចក្លាយជាអ្នកមាន គឺតិចបំផុត ព្រោះពួកគេផ្តោតសំខាន់លើស្នេហារ៉ូមែនទិក ជាងគោលដៅជីវិតទៅទៀត។
៤. ចង្កាវែង
ជាមនុស្សនិយាយត្រង់ៗ ហ៊ានទទួលយកពាក្យរិះគន់ និងចេះអត់ធ្មត់។ ពួកគេស្រលាញ់លះបង់ដើម្បីគ្រួសារ សាច់ញាតិនិងមិត្តភ័ក្តិខ្លាំងណាស់ ហើយក៏ចេះចាត់ចែងគ្រប់គ្រងបានល្អផងដែរ។ ហេតុនេះហើយ ទើបអាជីពការងារ មានភាពនឹងន ដោយសារមានការដឹកនាំល្អ។
៥. ចង្កាព្រែក
អ្នកដែលមានចង្កាព្រែក ជាមនុស្សពូកែខាងពាក្យសម្តី និងបញ្ចុះបញ្ចូលអ្នកដទៃ។ ពួកគេមិនមែនជាមនុស្សឧស្សាហ៍ខ្លាំងអីនោះទេ ហើយក៏មិនចូលចិត្តចំណាយកម្លាំងច្រើនដែរ តែគេចេះប្រើគំនិតច្នៃប្រឌិត ដោះស្រាយបញ្ហាគ្រប់បែបយ៉ាងដោយភាពវ័យឆ្លាត។ នៅកន្លែងធ្វើការ អាចនឹងមានអារម្មណ៍ថាធុញ ប៉ុន្តែនៅស្រលាញ់ការងារ និងព្យាយាមធ្វើឲ្យអស់ពីចិត្ត។ មនុស្សចង្កាព្រែក តែងមានទំនុកចិត្តខ្ពស់លើខ្លួនឯង មានក្តីស្រលាញ់ និងយកចិត្តទុកដាក់ពីអារម្មណ៍ផ្ទាល់ខ្លួន។
៦. ចង្កាបឿ
ជាមនុស្សចូលចិត្តភាពសប្បាយរីករាយ មិនថាស្ថិតក្នុងវ័យច្រើនយ៉ាងណាក៏ដោយ។ មិនសូវបារម្ភខ្វល់ខ្វាយកើតទុក្ខច្រើនឡើយ ហើយតែងមានចិត្តទូលាយ ចិត្តល្អចំពោះអ្នកដទៃ ក្រុមគ្រួសារ និងកូនៗ។ ចំពោះអាជីពការងារវិញ មានទំនួលខុសត្រូវខ្ពស់ និងទទួលបានភាពជោគជ័យជានិច្ច។
ចុចអានបន្ត៖ ទម្រង់ក្រចកដៃមេ អាចបង្ហាញពីធាតុពិតរបស់អ្នក